Skip to main content
90

Dette jobopslag er udløbet

Oqalutsi / Nutserisoq

Avannaata Kommunia Nutserisoqarfimmut oqalutsissarsiorpoq / nutserisussarsiorpoq 1. juni 2019 aallarnerfigalugu isumaqatigiissuteqarnikkulluunniit atorfinittussamik. Qinnuteqartorli eqqortoq utaqqisinnaavarput.

       

Avannaata Kommuniani toqqaannartumik oqaluttaanerup pappiaqqatigullu nutserinerup naammaginartumik pitsaassuseqarluni ingerlanneqarnissaaq, taamaattumik atorfimmut soqutiginnillutik qinnuteqarniartunut kissaatigaarput kalaallisut qallunaatullu allassimasumik tunngavilersorneqarsimasumik nassiussissasut, taamaattumik qinnuteqaatit oqaatsit ataasiin-naat atorlugit allanneqarsimasut naliliiniarnermi ilanngunneqassanngillat.

 

Avannaata Kommuniani nutserisoqarfik sisamanik sulisoqartussaasoq, Ataatsimoorussanut Sullissiviup ataani inissisimavoq. Nutserisoqarfimmi nutserisuuneq qaninnertut aqutsisuuvoq.

 

Suliassat akisussaaffiillu: 

  • Allattariarsornikkut oqaluttariarsornikkullu nutserinerit, kiisalu politikkerit ataatsimiinnerini torrutiinnarlugu oqaluttaaneq, illup iluani avataanilu ataatsimiinnerni, pingaarnertut kalaallisut qallunaatullu oqaatsit atorlugit oqaluttaasarnerit.
  • Sulianik avitseqateqarsinnaaneq pisortaqarfiup iluani, suliassat agguataarlugit.
  • Ataatsimoorussanut Sullissivimmi sulisut allat suleqatigalugit suliassanik allanik tassanngaannaq takkuttunik suliaqaqataaneq.

 

Piginnaasatigut piumasaqaatit:

  • Nutserisutut/oqalutsitut ilinniagaqarsimaneq, imaluunniit tamatuminnga misilittagaqarluarnermik uppernarsaalluni.
  • Qarasaasiamik atuisinnaasoq.
  • Namminersorluni sulisinnaasoq.
  • Suliakkiutigineqartunik sullissisinnaasoq.
  • Akisussaassuseqartoq eqinnaattorlu.
  • Suliassanik peqqissaartumik suleriusilik, ulapaarfinnilu eqqissisimasinnaasoq.
  • Suleqatikkuminartoq.
  • Ammasoq, suleqatinut qanilaartoq qiimasorlu.
  • Sulilluartoq aammalu imigassamik ikiaroornartumik oorinoornermillu ajornartorsiute-qanngitsoq.

 

Akissarsiat atorfeqarnermilu atugassarititaasut:

  • Akissaatit atorfinitsitaanermilu atugassarititaasut pissapput atorfininnermi Naalakkersui-sut Kattuffiullu isumaqatiginninniarsinnaatitaasup akornanni isumaqatigiissutit atuuttut aallaavigalugit.
  • Atorfimmut atatillugu inissaqartitsisoqarsinnaavoq, qularnaveeqqutinik/ineqarnermut akiliutinik ilaalu ilanngullugit maleruagassat atuuttut naapertorlugit akilerneqartartussa-mik.

 

Atorfininneq pinerluuteqarsimannginnermut uppernarsaammik takutitsinissamik piumasa-qaatitaqarpoq, sulisitsisumit piginnaatitsissummit tunineqarnikkiut piniarneqartussamik.

 

Paasissutissat:

Atorfik pillugu paasissutissat amerlanerusut pissarsiarineqarsinnaapput nutserisuunerneq Elisabeth Ravn Johansen attavigalugu uunga 387617 imaluunniit mailikkut: elrj@avannaata.gl  

Qinnuteqaat ilinniarsimanermut allagartat, siorngatigut atorfigisimasamut uppernarsaatit, soraarummeersimanermut uppernarsaatit, paasissutissallu allat assilineqarneri ilanngullugit tunniunneqarsimassaaq sulisoqarnermut immikkoortortaqarfimmut kingusinnerpaamik ataasinngorneq 27. maj 2019, uungalu nassiunneqassalluni:

 

Avannaata Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit uunga: hr@avannaata.gl