Atorfik inuttassarsiorneqarluni saqqummiunneqartoq  1. juli 2023 aallarnerfigalugu imaluunniit isumaqatigiissutigineqarnikkut aallartittussamik inuttassarsiunneqarpoq.

 

Ulluinnarni Isumaginninnerup iluani suliaqarfiusumi, inuttaasunik sullissinermi inatsisitigut suliaqarfiusumi, pitsaasumik inuttaasut sullinneqarnissaanut anguniangaqarfiusumi pisortaqatigiit suleqataaffiginissaat takorloorpiuk?

 

Atorfik allaffissornikkut Ilulissani Ilaqutareeqarnermut Ingerlatsivik inissisimavoq.

Ingerlatsivimmiipput pisortaq, fagchef-llu marluk taakkununngalu suleqataasut suleqatigiit Avannaata Kommuniani Ilaqutareeqarnermut Ingerlatsivimmi, kommuni tamakkerlugu sullissiviuvoq.   

 

Atorfillit pisortaattut allaffissorfimmi aningaasaqarnermillu suliassaqarfimmi ingerlatsivimmi pisortap aammalu sulianut aalajangersimasunut fagchefit mtapersersornissaannut akisussaaffiit atorfiup tunngaviusumik suliassaqarfigissavai pitsaasumillu ingerlanneqarnissaat akisussaaffigissallugu.

 

Suliassat aamma akisussaaffiit:

 

• Avannaata Kommuniani Ilaqutareeqarnermut Ingerlatsivimmi pisortaq fagchefillu qanimut suleqatigalugit aningaasaqarnikkut aqutsiuarnermik qularnaarisarneq, ilanngullugit qaammatikkaamik kvartalikkaanillu missingersuutinik malitseqartitsisarnerit, kiisalu ukiumut naatsorsuutit inernerinik qulakkeerinninneq.
• Aningaasaqarnermi killiffigisamik pisortamik, fagchefinillu allanillu ataatsimut isiginniffinnik naatsorsuinerillu nalunaarsugaanerinik pilersuisarneq.
• Pisortaqatigiit ataatsimiittarnerini, tamakkulu nassatarisaattut suliaqarnermi suliaqarfigisamik peqataaneq.
• Pisariaqartitsinerit malillugit aningaasaqarnermi misissueqqissaarinernik pilersuisarnernik qularnaarisarneq.
• Inatsisinut tunngasunik, politikkikkut aningaasaqarnikkullu toqqammavigisat iluini suliassaqarfiup sunniuteqarluartumik ingerlanneqarneranik ineriartortitaaneranillu nakkutiginninnermik isumannaarineq.
• Politikkikkut kiffartuussinerup pitsaassusaanik qularnaarineq, ilanngullugu sulianik isumaginninnermi aamma suliat pillugit saqqummiussinerni pitsaassutsinik qularnaarineq, kiisalu inissisimaffinni tamani piffissaq eqqorlugu ilisimasanik paasissutissanillu agguaassisarnermik qularnaarineq.
• Aningaasaqarnermi killiffigisamut pisortamik, fagchefinik allanillu ataatsimut isiginniffimmik naatsorsuinerillu nalunaarsugaanerinik pilersuisarneq.
• Ulluni suliffiusuni sulisorisanik tapersersuineq, taamaalillutik taakku sulianut tunngasutut isumannaatsumik, sunniuteqarluartumik inernerisassanillu pilersitsisutut iluseqartumik namminneq suliassaminnik iluarsiisinnaatilerlugit.

 

 

 

 

 

 

Inuttut piginnaasat:

 

·      Missingersuutit naatsorsuutillu suliarineqartarnerannut ilisimasaqarluarneq.

·      Suliassanut pitsaasumik ersittumillu malinnaasinnaaneq.

·      Pitsaasumik suleqatiginnissinnaaneq, matumani suliassaqarfiit assigiinngitsut ilanngullugit.

·      Ilisimasanik avitseqateqarluarsinnaaneq.

·      Tarnikkut nukittuujuneq.

·      Suliassanut tunngatillugu sunniuteqarluarsinnaaneq aamma pitsaasumik angusaqarusussuseqartumillu ingerlatseriaaseqarneq.

·      Tamakkiisuusumik isiginnittumik isummeriaaseqarneq.

·      Eqaatsumik suleriuseqarneq.

 

Akissarsiat aamma atorfininnermi atugassarititaasut:

Akissarsiat aamma atorfininnermi atugassaarititaasut, kommunip aamma isumaqatigiissutinut isumaqatigiissuteqarsinnaatitaasut kattuffiit akornanni isumaqatigiissutit naapertorlugit pissapput.

 

Inissaqartitsisoqarpoq.

 

Atorfininnermut atatillugu piumasaqaataavoq, pinerluuteqarsimanermut uppernarsaat aamma meeqqanik pinerliisimannginnermut uppernarsaat pillugit naammaginartunik ilisimatitsissutinik tunniussinissaq. Taakkku qinnuteqartumit akuerineqarlutik atsiorneqareerpata, sulisitsisup Rigspolitiinut taakku pissarsiariniassavai.

 

Atorfik pillugu annertunerusumik paasissutissat pissarsiarineqarsinnaapput, Inunnik isumaginninnermut pisortamut Aviâja Madsen-imut, oqarasuaat 38 76 04 imaluunniit e-mail: avma@avannaata.gl aqqutigalugit.

 

Qinnuteqaat ilinniarsimanermut uppernarsaatinik aamma siusinnerusukkut atorfiit pillugit, ilinniarsimanermut uppernartaatit pappiaqqat il.il. ilaqartut, Sulisoqarnermut immikkoortortamit tiguneqariissapput kingusinnerpaamik 5. juni 2023, nassiunneqassappullu uunga:

Avannaata Kommunia

Ilisarnaaserlugu, Sulisoqarnermut immikkoortortaq

Postboks 1023

3952 Ilulissat

Imaluunniit mail aqqutigalugu: E-mail: hr@avannaata.gl