Avannaata Kommuniani Qaanaami innuttaasunik sullissinermi pisortatut atorfik inuttassarsiuunneqarpoq.

 

Uani sulisussarsiorluni allagarsiussami taannaasussaavutit Qaanaami nunaqarfittaanilu kommunip sulisuminik inuttut piginnaasatigullu ineriartortitsinissamik anguniagaqarneranut siuttussarput, taamatullu sullissilluarnissamik pitsaassutsimillu isumannaarisussaq.

Innuttaasunik Sullissinermi pisortatut atorfimmut, 1. novembari 2023 isumaqatigiissuteqarnikkulluunniit atorfinittussatut inuttassarsiorneqartumut qinnuteqarsinnaavutit.

 

Akisussaaffigisassavit ilagissavaat:

·      Qaanaami sullissinerup inerisartuarnissaa atuutsinnissaalu, tamanna pissalluni suleqatit qaninnerit, illoqarfinni allani suleqatit, kiisalu sumiiffinni sullissinermut pisortat suleqatigalugit

·      Qaanaami sullissinermi nunaqarfinnilumi sulisunut aqutsisut allat suleqatigalugit akisussaasuuneq

·      Sulisoqarnermut tunngatillugu aalajangersakkat isumaqatigiissutillu tamatigut atuutsinnissaat qulakkiissallugu

·      Qulakkiissallugu innuttaasut inatsisit naapertorlugit kiffaartuunneqartussaaffianni suliassamik naammassinninnissaq

·      Sumiiffimmi pineqartumi innuttaasut kiisalu suliffeqarfiit allat eqqortumik torersumillu kiffartuunneqarnissaat qulakkiissallugu

·      Najukkami Ataatsimiititaliamut allattaaneq

·      Thulefond-imut allattaaneq

·      Sumiiffimmut sinniisaasup allaffissornikkut kiffartuunneqarnissaa qulakkiissallugu

·      Siunnersuisooqatigiit, ataatsimiititaliat, siulersuisut assigisaallu kommunip attuumassuteqarfigisai akisussaaffigissallugit

·      Qaanaami aqutsisoqatigiit naapittarneranni siuttuunissaq, aammalu pisortaqatigiit akornanni ataatsimeeqatigisarnissaat qulakkiissallugu

·      Qaanaami kommunip suliffeqarfiutaanut attaveqarneq

·      Missingersuusiornermut, missingersuutinik nakkutiginninnermut nalunaartussaatitaanermullu maleruagassat naapertorlugit ingerlatsinissamut akisussaasuunissaq

·      Suliakkiissutigineqartut naammassisarnissaat, pingaartumik Kommunalbestyrelsip sinaakkusersugaani

·      Immikkoortortat innuttaasunillu kiffartuussinermik suliaqartut suliassaasa ataqatigiissarnissaat, kiisalu kiffartuussinermi suliaqartut akunneranni ataqatigiissaarinissaq

·      Kikkut sumik akisussaaffeqarnerannik malitassap atuutsinnissaata qulakkeernissaa, malinneqarneratalu qulakkeernissaa

 

Ujartugarput inuk pingaartipparput makkuninnga inuttut piginnaaneqarnissaa:

·      Nammineersinnaassuseqarluartoq

·      Siunniunneqarsimasunik piviusunngortitsiniaasinnaassuseqarluartoq

·      Ineriartortitserusuttoq ataqatigiissaarinermillu misilittagalik

·      Inuk tamatigoortumik suleqatigiuminartoq

·      Attaveqarfigiuminartoq, suliffiup iluani avammullu kiinnertarnermi

·      Unammilligassanik suliaqarumasartoq

 

Inuk ujartugarput, makkuninnga sulinerup tungaatigut piginnaasaqassasoq naatsorsuutigaarput:

·      Suliassaqarfiup iluani ilinniagaqarsimasoq

·      Nunatsinni pingaartumik avannaani inooriaatsimik, oqaatsinik kulturikkullu misilittagaqarlunilu ilisimasalik

·      Oqaatsit marluiit allattariarsornerlu atorlugit sullissisinnaassuseqartoq (Kalaallisut/Qallunaatut)

·      Politikkikkut aqunneqartumi sulinermik misilittagaqarneq

·      Sammisanut tunngasunik naammaginartumik nunatsinni inatsisinik atuuttunik ilisimasaqarnissaq

·      Aqutsinermik misilittagaqarneq piginnaaneqarnerlu

·      Kalaallit Nunaanni inatsisit suliassamut tunngasut atuuttut ilisimaqarfiginissaat

 

Avannaata Kommuniani ataatsimoorussanut sullissinermi pisortaq qaninnertut pisortarissavaa aammalu maluginiarneqassalluni atorfik suli ineriartortinneqartussaammat pisortat allat peqatigalugit, tamatumanilu sunniuteqaqataanissamut periarfissaqarluarmat.

 

Akissaatit atorfeqarnermilu atugassarititaasut:

Isumaqatigiissut atuuttoq naapertorlugu atorfinititsisoqassaaq aamma akissarsiaqartitsisoqassaaq, aammalu matumani atorfininnermi soraarnermilu angalaneq, pisattat assartorneqarnerat, pissapput atorfininnermi Naalakkersuisut Kattuffiullu isumaqatiginninniarsinnaatitaasup akornanni isumaqatigiissutit atuuttut aallaavigalugit.

 

Atorfimmut atatillugu inissaqartitsisoqarpoq , malittarisassat qaqugukkulluunniit atuuttut naapertorlugit qularnaveeqqummut illumullu akiliummik akilerneqartartussamik.

 

Naammaginartumik pinerlussimannginnermut uppernarsaat aamma meeqqanik pinerliisi-mannginnermut uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

 

Atorfimmut paasissutissat sukumiinerusut pineqarsinnaapput  Innuttaasunik Sullissinermut Pisortaagallartumut Kista Sikemsen Hensonimut oqarasuaat: 38 79 52 e-mail-ikkuulluunniit kisi@avannaata.gl imaluunniit Ataatsimoorussanut sullissinermi Pisortaq Anja Kristensen  oqarasuaat: 38 76 08 e-mail-ikkulluunniit: anja@avannaata.gl  attaveqarfigalugit.

 

Qinnuteqaat soraarummeersimanermullu allagartat attuumassuteqartut assilineri, CV kiisalu oqaaseqaatit, aamma pinerlussimannginnermut uppernarsaatit ilanngullugit Avannaata Kommuniata nittartangaani allagarsiussami ”Atorfik una qinnuteqarfigiuk” toorneratigut qinnuteqarit, kingusinnerpaamik 16. oktoberi  2023.