Skip to main content
78

Dette jobopslag er udløbet

Innuttaasunik Sullissinermi Aqutsisoq

Avannaata Kommuniani Qaanaami innuttaasunik sullissinermi aqutsisoq inuttarssarsiuunneqarpoq.

 

Illit tassaasussaavutit Qaanaami nunaqarfittaanilu kommunip sulisuminik inuttut piginnaasatigullu ineriartortitsinissamik anguniagaqarneranut siuttussarput, taamatullu sullissilluarnissamik pitsaassutsimillu isumannaarisussaq.

Innuttaasunik Sullissinermi Aqutsisutut atorfik 1. oktober 2020 isumaqatigiissuteqarnikkulluunniit inuttalerneqarusuppoq.

 

Akisussaaffigisassavit ilagissavaat:

·      Qaanaami sullissinerup inerisartuarnissaa atuutsinnissaalu, tamanna pissalluni suleqatit qaninnerit, illoqarfinni allani suleqatit, kiisalu sullissinermut pisortat suleqatigalugit. 

·      Qaanaami sullissinermi nunaqarfinnilumi sulisunut aqutsisut allat suleqatigalugit akisussaasuuneq.

·      Sulisoqarnermut tunngatillugu aalajangersakkat isumaqatigiissutillu tamatigut atuutsinnissaat qulakkiissallugu.

·      Qulakkiissallugu innuttaasut inatsisit naapertorlugit kiffaartuunneqartussaaffianni suliassamik naammassinninnissaq.

·      Sumiiffimmi pineqartumi innuttaasut kiisalu suliffeqarfiit allat eqqortumik torersumillu kiffartuunneqarnissaat qulakkiissallugu.

·      Najukkami Ataatsimiititaliamut aammalu Thulefond-mi allattaaneq.

·      Sumiiffimmut sinniisaasup allaffissornikkut kiffartuunneqarnissaa qulakkiissallugu.

·      Siunnersuisoqatigiit, ataatsimiititaliat, siulersuisut assigisaallu kommunip attuumassuteqarfigisai akisussaaffigissallugit.

·      Qaanaami aqutsisoqatigiit naapittarneranni akuusarnissaq peqataasarnissarlu, aammalu pisortaqatigiit akornanni ataatsimeeqatigisarnissaat qulakkiissallugu.

·      Qaanaami kommunip suliffeqarfiutaanut attaveqarneq.

·      Missingersuusiornermut, missingersuutinik nakkutiginninnermut nalunaartussaatitaanermullu maleruagassat naapertorlugit ingerlatsinissamut akisussaasuunissaq.

·      Suliakkiissutigineqartut naammassisarnissaat.

·      Immikkoortortat innuttaasunillu kiffartuussinermik suliaqartut suliassaasa ataqatigiissarnissaat, kiisalu kiffartuussinermi suliaqartut akunneranni ataqatigiissaarinissaq.

·      Kikkut sumik akisussaaffeqarnerannik malitassap atuutsinnissaata qulakkeernissaa, malinneqarneratalu qulakkeernissaa.

 

Ujartugarput inuk ajornanngippat makkuninnga inuttut piginnaaneqarnissaa kissaatigaarput :

·       Nammineersinnaassuseqarluartoq.

·       Siunniunneqarsimasunik piviusunngortitsiniaasinnaassuseqarluartoq.

·       Ineriartortitserusuttoq ataqatigiissaarinermillu misilittagalik.

·       Inuk tamatigoortumik suleqatigiuminartoq.

·       Attaveqarfigiuminartoq, suliffiup iluani avammullu kiinnertarnermi.

·       Unammilligassanik suliaqarumasartoq.

 

Inuk ujartugarput, makkuninnga sulinerup tungaangigut piginnaasaqassasoq kissaatigaarput :

·      Suliassaqarfiup iluani ilinniagaqarsimasoq.

·      Nunatsinni pingaartumik avannaani inooriaatsimik, oqaatsinik kulturikkullu misilittagaqarlunilu ilisimasalik.

·      Oqaatsit marluiit allattariarsornerlu atorlugit sullissisinnaassuseqartoq (Kalaallisut/Qallunaatut).

·      Politikkikkut aqunneqartumi sulinermik misilittagaqarneq

·      Sammisanut tunngasunik naammaginartumik nunatsinni inatsisinik atuuttunik ilisimasaqarnissaq.

·      Aqutsinermik misilittagaqarneq piginnaaneqarnerlu.

·      Kalaallit Nunaanni inatsisit suliassamut tunngasut atuuttut ilisimaqarfiginissaat.

 

Avannaata Kommuniani sullissinermut pisortaq aningaasaqarnermut pisortaaneq qaninnertut pisortarissavaa aammalu maluginiarneqassalluni atorfik suli ineriartortinneqartussaammat pisortat allat peqatigalugit, tamatumanilu sunniuteqaqataanissamut periarfissaqarluarmat.

 

Akissaatit atorfeqarnermilu atugassarititaasut:
Isumaqatigiissut atuuttoq naapertorlugu atorfinititsisoqassaaq aamma akissarsiaqartitsisoqassaaq, aammmalu matumani atorfininnermi soraarnermilu angalaneq, pisattat assartorneqarnerat, pissapput atorfininnermi Naalakkersuisut Kattuffiullu isumaqatiginninniarsinnaatitaasup akornanni isumaqatigiissutit atuuttut aallaavigalugit.

 

Atorfimmut atatillugu inissaqartitsisoqarsinnaavoq, malittarisassat qaqugukkulluunniit atuuttut naapertorlugit qularnaveeqqummut illumullu akiliummik akilerneqartartussamik.

 

Nammaginartumik pinerlussimannginnermut uppernarsaat aamma meeqqanik pinerliisi-mannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

 

Atorfimmut paasissutissat sukumiinerusut pineqarsinnaapput Aningaasaqarnermut pisortamut Dorthe Løvstrøm Mathiesen  oqarasuaat: 38 76 02 e-mail-ikkulluunniit: dolo@avannaata.gl attaveqarfigalugu.

 

Qinnuteqaat ilinniarsimanermut pappilissat, CV, oqaaseqaatit, paasiniaavigineqarsinnaasut il.il. ilanngullugit Sulisoqarnermut Immikkoortortaqarfimmut apuutereersimassapput kingusinnerpaamik 18. August 2020

 

Avannaata Kommunia,
Sulisoqarnermut immikkoortortaq,
Postboks 1023,
3952 Ilulissat,
Imaluunniit e-mailikkut: hr@avannaata.gl