Skip to main content
105

Dette jobopslag er udløbet

Ilulissani isumaginnittoqarfik Pisortatigut ikiorsiisarnermi sullissisumik pissarsiorpoq

Kommunitta innuttaasunut ikiuinissamut pisussaaffianik innuttaasunut pisariaqartitsisunut sullisseqataarusuppit? Avannaata Kommuniani Ilulissani Pisortatigut ikiorsiinermi Sullissisussamik pissarsiorpoq piaartumik isumaqatigiissuteqarnikulluunniit atorfinittussamik

 

Isumaginnittoqarfimmi aningaasatigut sullissisut allat suleqatigissavatit, immikkoortortami aqutsisoq qaninnertut qullersarissallugu.

 

Suliassaqarfiit akisussaaffiillu ilaatigut makkuussapput:

  • Innuttaasut saaffiginnittut aningaasaqarnerisa misissuiviginerat kiisalu aningaasaqarnikkut siunnersornissaat.
  • Aningaasaqarnikkut misissuineq tunngavingalugu pisortaniit ikiorsiissutinik tunisisoqassanersoq aalajagiivigisarlugu. Suliaqarfiup iluani aaliangersakkat tunngavingalugit.
  • Innuttaasunik aningaasaqarnikkut siunnersuineq.
  • Periusissatut iliuusissanik innuttaasoq peqatigalugu suliaqarneq.
  • Innuttaasut pisortanik ikiorsiissutinik pisartut ataavartumik malinnaaviginerat.
  • Pisortaniit ikiorsiissutinik pisartangaqarnissamut peqqussutit suliassallu malinnaavigineqarnissaanik qulakkeerinnittassaatit.
  • Pinasuartumik ikiorserneqarnissamik saaffiginnissutit suliarineri.
  • Siusinaartumik utoqqalinersiuteqalernissamut qinnuteqarnermi sullissineq.
  • Pisortatigut ikiorsiisarneq pillugu nunaqarfinni suleqatinut ikiuisarneq oqaloqatiginnittarnerlu.
  • Isumaginninnermi pingaartuunermut peqataaneq.

 

Tamakkua saniatigut innersuussutigineqarpoq atorfiup imarisaata akisussaaffiullu allaatigineqarnera Ilulissani isumaginninnermut immikkoortortami Aqutsisumut piniarneqarsinnaasoq.

 

Piginnaasat:

  • Isumaginninnermi Siunnersortitut ilinniarsimaneq, Rådgivningsassitent-tut ilinniarsimaneq, HK-tut ilinniarsimaneq isumaginninnermi inatsisilerinermut pikkorissarsimanermik ilalik, imaluunniit isumaginninnermi assistent-tut ilinniarsimaneq isumaginninnermi pikkorissarsimanermik ilalik imaluunniit taamatut pikkorissarnissamik piumassuseqarneq.
  • Isumaginnittoqarfimmi aningaasatigut sullissinermik misilittangaqarneq.
  • Tulleriissaarisinnaaneq, tatiginassuseqarneq, tunniusimaneq, akisussaassuseqarlutit malingassiusinnaallutillu, pissuserissaarnissamut piumasaqaat naammassisinnaalllugu.
  • Sullitanik attaveqarsinnaaneq oqaloqateqarsinnaanerlu.
  • Inuk uannga atorfimmik tigummiartussaq tarnikkut nukittuujusariaqarpoq.

 

 

Akissaatit atorfeqartitaanermilu atugassarititaasut:

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu pissaaq.

 

Atorfimmut atatillugu inissaqartitsisoqanngilaq.

 

Pinerlussimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.

 

Attaveqarfissaq:

Atorfik pillugu paasissutissat allat Ilulissani Isumaginninnermut immikkoortortami aqutsisumut,  Makkak Jørgensen-mut, oqarasuaat 38 75 63 imaluunniit E-mail makj@avannaata.gl atorlugu saaffiginninnikkut piniarneqarsinnaapput.

 

Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut apuutereersimassapput kingusinnerpaamik 4. november 2019.

 

Qinnuteqaatit uunnga nassiunneqassapput

 

Avannaata Kommunia

Att. HR-afdelingen

Postboks 102

3952 Ilulissat

Imaluunniit Email-ikkut:

hr@avannaata.gl