Skip to main content
109

Dette jobopslag er udløbet

HR-qarfik INERIARTOTITSINERMUT ATAQATIGIISSAARISUMIK Avannaata Kommunianut

Avannaata Kommunia Sulisoqarnermut (HR) ineriartortitsinermut ataqatigiissaarisumik misilittagaqarluartumik sulisunut allattoqarfimmut pissarsiorpoq. Sulisoqarnermut immikkoortoqarfik kommunemi tamarmi qitiusumik atuuffeqarpoq ataatsimoorussamik sullissinermut ingerlatsiviup ataani sulilu ineriartortinneqarluni, taamaattumik nutaaliornermut peqataarusukkuit una ussassaarut atuarluaannaruk.

 

HR-qarfimmi aqutsisumut toqqaannartumik akisussaasutut ataavartumik immikkoortoqarfimmi sulisoqarnermut tunngasutigut sullissinermik ingerlataqassaatit. Soorluttaaq ataavartumik aqutsisut sulisuminnut sullissineranni ikiortassagitit ingerlatsisoqarfiit immikkoortoqarfiillu peqatigalugit. HR-qarfik ullumikkut sulisoqarpoq HR-qarfimmi siunnersortit marluk, HR-qarfimmi ineriartortitsinermut ineriartortitsisoq, sulinermi avatagiisinut siunnersorti kiisalu fuldmægtig ataaseq.

 

Naatsorsuutigissavat ataavartumik immikkoortoqarfimmi suliatigut tunngaviit aaqqissuussaanerlu inerisarneqarlutillu pitsanngorsaavigineqartuarmata, kommunemi sulisut sapinngisamik pitsaanerpaamik ataavartumillu atugassaqartinniarlugit.

 

Suliassaqarfiit akisussaaffiillu tassaapput:

 

  • Sulisut pisinnaasaannik atavartumik ineriartortinneqarnissaanik pilersaarusiorneq piviusunngortitsineq ataqatigiissaarinerlu.
  • Ilulissani, Uummannami, Upernavimmi Qaanaamilu sulisunik paarlaaqatigiittarnissannik pilersaarusiorneq piviusunngortitsineq ataqatigiissaarinerlu.
  • Avannaata Kommuniani sulisoqarnikkut ineriartortitsinermi suliniutinut pilersaarusiorneq, naammassiineq malitseqartitsinerlu isumagissallugit.
  • HRU-mi sakkussanik suliaqassalluni taakkulu akuliutsinnerinut peqataassalluni.
  • SUlisoqatigiinnut assigiingitsunut ilinniartitsinermi atortussiorluni.
  • Pikkorissaanerni aaqqissuussanilu allani ilinniartitsissalluni.
  • Aqutsisunik oqaloqateqarneq inuttut ineriartorneq, suliatigut aqutsinikkullu pisinnaatitaaffiit pillugit.
  • Sulisoqarnikkut ineriartortitsinermi suliniutit pillugit paasissutissiisarnermik suliaqarluni.
  • Attaveqarnerit tapersersuinerillu aqutsisunut aamma illup iluani avataanilu suleqatigisanut sulisoqarnikkut ineriartortitsineq pillugu.
  • Avannaata Kommunia saqqummiutissallugu suliffitsialattut kajungernartutullu.
  • Aaqqissuussaanerup ineriartortitaaneranut peqataassalluni.
  • Naatsorsuutigineqassaaq ullut 60-100-t ukiumut angalaffiusarnissaat.
  • Sulisoqarnermi allaffissornikkut annerusumik suliakkersuutit pilertortumik naammassiniagassat.

 

Naatsorsuutigaarput:

 

  • Human Ressource Development-imik suliaqarlutit misilittagaqassasutit (pilersaarusiorneq, ingerlatsineq aamma malitseqartitsineq)
  • Pisortaqarfiup iluani sullisseriaatsimik ilisimasaqassasutit
  • Aqutsinermik misilittagaqartuusinnaavutit, piumasaqaataanngilarli
  • Aaqqissuussaanermik ineriartortitsinermik misilittagaqartuusinnaalluarputit

 

Inuttut tassaavutit/piginnaasaqartoq:

 

  • Inuppalaartumik isiginnittaasilik aamma immut qiviarsinnaasoq
  • Inussiarnersoq pitsaasumillu attaveqarnissamut piginnaasalik, soqutiginnittorlu
  • Sulisut ineriartortillugit sullinneqarnissaannut piumassusikkaaq
  • Iliuutsikkut akuersaartuusoq
  • Quiasaarsinnaasoq qiimasorlu oqaloqatiginnissinnaasoq nammineq isummaminik atukkaminillu aalajangiussaqarpallaanngitsoq
  • Sutigut tamatigut suleqatiginnilluarsinnaasoq
  • Sullissilluarumanermik pingaartitsisoq
  • Inuttut sanngisooq
  • Namminersortoq, anguniagalik aamma eqaatsoq.

 

Akissarsiat atorfeqarnermilu atugassarititaasut:

 

Akissarsiaqartitsineq atorfeqartitsinerlu pissapput atorfinittussap atorfinitsinneqarnermini ilinniakkani aallaavigalugu Naalakkersuisut kattuffiullu isumaqatiginninniarsinnaatitaasup isumaqatigiissutaat atuutsinneqartoq tunngavigalugu.   

 

Atorfimmut atatillugu sulisunut inissiaqartitsisoqarsinnaavoq, taamatuttaaq sulilernermi suliunnaarnermilu angalaneq kiisalu pequtit angallanneqarnerat maleruagassat atuuttut malillugit pisinnaassalluni. Inissaqartitaalernissap tungaanut utaqqiisaasumik pequsersoriikkamik najugaqartitsoqarnissaa periarfissaavortaaq.

 

Atorfininneq pissaaq piaartumik imaluunniit isumaqatigiissuteqarnikkut.

 

Atorfimmut tunngatillugu paasissutissanik allanik piniartoqarsinnaavoq Gerhard Jakobsen oqarasuaat 38 76 45 imaluunniit e-mail-ikkut: geja@avannaata.gl

 

Qinnuteqaat ilinniarsimanermut siusinnerusukkullu suliffigisimamut tunngatillugu paasissutissanik aammalu soraarummeersimanermut uppernarsaatinik suliffiginikuusallu oqaaseqataasa nuutinnerannik ilaqartoq Sulisoqarnermut Immikkoortortaqarfimmut apuutereersimassaaq kingusinnerpaamik ulloq 7. oktober 2019.

 

Qinnuteqaat uunga nassiunneqassaaq: hr@avannaata.gl