Avannaata kommunia Majoriaq Uummannaq Fuldmægtig´mik 1. september 2022 isumaqatigiissuteqarnikkulluunniit sulilertussamik pissarsiorpoq.

Uummannami Majoriaq 1. september 2022 aallarnerfigalugu imaluunniit isumaqatigiissuteqarnikkut sulilertussamik fuldmægtig´imik pissarsiorpoq.

Suliamut ilinniagaqarsimanissaq kissaatigineqarpoq, sulilernermi ingerlaannartumik illoqarfimmi, illoqarfiullu nunaqarfiini tallimaasuni innuttaasut ingerlariaqqitsinniarneqarnerannut peqataalersinnaallutit aammalu allaffimmi suliassanik tiguseriaannaassallutit.

Majoriaq assigiinngitsunik suliarpassuaqarmat naatsorsuutigaarput tunniussimasuunissat, suliassallu assigiinngitsut suliakkiissutigineqartut naammassillugit suliarisinnaassagitit.

Suliassat akisussaaffiillu:

• Illoqarfimmi aammalu nunaqarfinni innuttaasunik ilinniartitaanikkut suliffissaqarniarnikkullu ingerlariaqqikkusuttunik aqqutissiuussineq
• Majoriami suliassat naliginnaasut allat
• Suliffissaqartitsiniarnermi ilinniartitaanermilu maleruagassat eqqortumik malinneqarnersut qulakkiissallugu
• Illoqarfimmi nunaqarfinnilu suliffissaaleqineq erngiinnartumik akiorniarlugu suliffissaqartitsiniarnermi iliuusissanik pilersaarusiorneq
• Suliffissamik innersuussineq
• Avataaniit suliartortunut akuersissutinik nakkutiginninneq
• Suliffissaaleqisunik nalunaarsuineq, nalunaarusiorneq, suliartoqqusineq
• Suliffeqanngikkallarnermi ikiorsiissutinik suliaqarneq
• Suliffeqarfimmi atorfiup ineriartortinneqarnissaa, sulisut allat peqatigalugit
• Sulinerullu ingerlanneqarneranut nutaaliornernik aaqqiissutaasinnaasunillu siunnersuineq.

Pisinnaasat:

• Allaffissornikkut ilinniarsimaneq
• Sullissilluarsinnaaneq
• Allaffissornermi ingerlaatsinik ilisimasaqarneq, IT-millu nalinginnaasumik atuisinnaaneq
• Piffissaq eqqorlugu sulisinnaaneq aammalu suliffimmi ineriartortuartumi suleqataalluarsinnaaneq piumasarineqarpoq. Taamaattumik aamma naatsorsuutigisinnaavarput illit sulianut ineriartortuartunut malinnaasinnaassasutit
• Inuusuttunik inersimasunillu sullisserusuttoq.
• Sulilluartoq, imigassamik aanngajaarniutinillu ajornartorsiuteqanngitsoq.
• Aqqutissiuussisinnaaneq, suleqatikkuminartuuneq, naapertuilluartuuneq,

suleriallaqqissuseq, nunatsinni ilinniartitaanikku suliffissaqartitsiniarnikkullu

ilisimasaqarneq

• Marluinnik oqaaseqartoq, kalaallisut qallunaatullu, kisiannili piumasaqaataanngilaq.

Naatsorsuutigissavat suliamut tunngatillugu ilinniaqqissinnaangavit, pingaartumik

aqqutissiuussisutut.

Akissarsiaqartitsineq atorfinitsitsinerlu:

• Atorfinitsinneqartoq Naalakkersuisut aammalu SIK isumaqatigiissutaat malillugit atorfinitsinneqassaaq.
• Atorfimmut atatillugu inissaqartitsisoqanngilaq.

Atorfik pillugu paasissutissat amerlanerusut pissarsiarineqarsinnaapput Uummannami Majoriami aqutsisoq MãnguaK´ S. Kristiansen sianerfigineratigut uunga 38 78 52 imaluunniit mailikkut; masi@avannaata.gl

Qinnuteqaat ilinniarsimanermut allagartat, CV, siorngatigut atorfigisimasanut uppernarsaatit, pinerliisimannginnermut uppernarsaat, kiisalu meeqqanut pinerliisimannginnermut uppernarsaat ilanngullugit HR-afdelingimut tunniunneqareersimassaaq kingusinnerpaamik 11. August 2022 - nittartakkakkut: Avannaata.gl/Atorfiit inuttassarsiuussat ”Atorfik una qinnuteqarfigiuk” toorneratigut.

Avannaata Kommunia
Att. HR-afdelingen
Postboks 1023
3952 Ilulissat
hr@avannaata.gl

Qinnuteqarnissamut killissarititaasoq: aggustip 11.-at, 2022

Atorfik una qinnuteqarfigiuk