Skip to main content
115

Dette jobopslag er udløbet

Fagchef Ilaqutareqarnermut Ingerlatsivik

Atorfik inuttassarsiorneqarluni saqqummiunneqartoq  1. september 2021 aallarnerfigalugu imaluunniit isumaqatigiissutigineqarnikkut aallartittussamik inuttassarsiunneqarpoq.

 

Ilaqutariinnermut sulianut aqutsisutut atorfik Ilulissani inissisimavoq akisussaafiillu siusinaartumik pesionisiaqarnermut, pisortanik ikiorsiissuteqarnermut aammalu utoqqalinersiaqarnermut akisussaaffigissallugit. Ilaqutariinnermut sulianut aqutsisoq Ilaqutareeqarnermut Ingerlatsivimmi pisortamut toqqaannartumik attaveqartussaavoq.

 

Suliassat aamma akisussaaffiit:

  • Sulianut tunngatillugu siunnersuinermi Ilaqutariinnut immikkoortortaqarfinnut ilitsersuinerit, pingaartumik naatsorsuutit, missingersuutit allallu apeqqutit ilaqutareeqarnermut suliassaqarfimmi aningaasaqarnermut tunngasut, sulianik suliarinnittarnerit aamma inunnik isumaginninnermi suliassat allat eqqarsaatigalugit.
  • Ilaqutariinnermut immikkoortortani ulluinnarni ingerlatsinermi aqutsinermilu  ikiuuttarneq, innuttaasut kiffartuunneqarnerata pitsaasumik aalajaatsumillu ingerlanneqarnissaanik qulaarnaarineq.
  • Inatsisit atuuttut maleruagassallu malillugit kommunimi ilaqutariinnermut suliassaqarfiup aqutsinissaanik qulakkeerineq.
  • Kommunimi politikkit suliarineqarnerannut atuutsilerneqarnissaanullu qulakkerinniklluni suleqataaneq.
  • Suliat Ilaqutareeqarnermut Ataatsimiitsitaliamut ingeerlanneqartussat pittaassutsikkut qulakkeerneqarnissaat, aammalu paasissutissat pisariaqartut ilanngunneqarnissaannik qulakkerinninneq.
  • Ilaqutareeqarnermut Ingerlatsivimminngaannit paasissutissanik, nalunaalunaarutinik aaliangersakkanillu immikkoortortaqarfinnut ingerlatitsisarnissaq, atuutsinneqalernissaannillu qulakkeerinninneq.
  • Ilaqutariinnermut suliassaqarfimmi aningaasanik atuineq eqqarsaatigalugu, ilaqutariinnermut immikkoortortanut ingerlaavatumik siunnersuineq ilitsersuinerlu, matumani pingaartumik immikkoortortaniit qaammatikkaartumik nalunaarusiornernik pissarsiniartarneq aamma pisariaqartitsineq malilulgu missingersuutitigoortumik nuussinissamik imaluunniit ilassutitut aningaasaliinissamik qinnuteqaatit ilanngullugit.
  • Ilaqutariinnermut suliassaqarfimmut ukiumoortumik missingersuutinik suliaqarneq eqqarsaatigalugu siunnersuineq ilitsersuinerlu aamma ukiumoortumik missingersuutitp ingerlaavartumik nutarteriffigineqarneranik aningaasaliissutillu eqquutsinneqarnissaannik qulakkeerineq.
  • Naatsorsuutinut oqaaseqaatit suliarineqarnerannut atatillugu ataqatigissaarineq. Naatsorsuutinut aamma missingersuutinut oqaaseqaatit suliarineqarnerannut atatillugu immikkoortortanit isummat apuunneqartut, qitiusumik ilaqutariinnermut ingerlatsivimmi oqaluuserineqartarnissaannik politikkikkullu suliarineqarnissaannut inassuteqaasiornernik isumaginninneq.

 

Piginnaasat:

·      Inunnik isumaginninnermi siunnersuisartutut ilinniagaqartuuvutit –  aningaasaqarnermut aamma isumaginninnermi inatsisinut tunngasunut tunngasutigut pikkorissarsimaneq ingerlanneqarsimasinnaavoq (imaluunniit pikkorissarnerit taama ittut ingerlannissaannut piumassuteqartutit).

·      Inunnik isumaginninnermi aamma ilaqutariinnik sullissinermi annertuunik ilisimasaqartutit, pingaartumik aningaasaqarnermut aamma inatsisitigoortumik nakkutilliinermut tunngasunut.

·      Kommunit ingerlatsiviini aningaasaqarnermut tunngassuteqartuni aqutsisutut misilittagaqartutit.

·      Inunnik isumaginninnermi aamma ilaqutariinnik sullissinermi allaffissornikkut aqutsinermi misilittagaqartutit.

 

Inuttut piginnaasat:

·      Suliassanut pitsaasumik ersittumillu malinnaasinnaaneq.

·      Pitsaasumik suleqatiginnissinnaaneq, matumani suliassaqarfiit assigiinngitsut ilanngullugit.

·      Missingersuutit naatsorsuutillu suliarineqartarnerannut ilisimasaqarluarneq.

·      Ilisimasanik avitseqateqarluarsinnaaneq.

·      Tarnikkut nukittuujuneq.

·      Suliassanut tunngatillugu sunniuteqarluarsinnaaneq aamma pitsaasumik angusaqarusussuseqartumillu ingerlatseriaaseqarneq.

·      Tamakkiisuusumik isiginnittumik isummeriaaseqarneq.

·      Eqaatsumik suleriuseqarneq.

 

Akissarsiat aamma atorfininnermi atugassarititaasut:
Akissarsiat aamma atorfininnermi atugassaarititaasut, kommunip aamma isumaqatigiissutinut isumaqatigiissuteqarsinnaatitaasut kattuffiit akornanni isumaqatigiissutit naapertorlugit pissapput.

 

Inissaqartitsisoqarpoq.

 

Atorfininnermut atatillugu piumasaqaataavoq, pinerluuteqarsimanermut uppernarsaat aamma meeqqanik pinerliisimannginnermut uppernarsaat pillugit naammaginartunik ilisimatitsissutinik tunniussinissaq. Taakkku qinnuteqartumit akuerineqarlutik atsiorneqareerpata, sulisitsisup Rigspolitiinut taakku pissarsiariniassavai.

 

Atorfik pillugu annertunerusumik paasissutissat pissarsiarineqarsinnaapput, Inunnik isumaginninnermut pisortamut Aviâja Madsen-imut, oqarasuaat 38 76 04 imaluunniit e-mail: avma@avannaata.gl aqqutigalugit.

 

Qinnuteqaat ilinniarsimanermut uppernarsaatinik aamma siusinnerusukkut atorfiit pillugit, ilinniarsimanermut uppernartaatit pappiaqqat il.il. ilaqartut, Sulisoqarnermut immikkoortortamit tiguneqariissapput kingusinnerpaamik 25. august 2021, nassiunneqassappullu uunga:

 

Avannaata Kommunia
Ilisarnaaserlugu, Sulisoqarnermut immikkoortortaq
Postboks 1023
3952 Ilulissat
Imaluunniit mail aqqutigalugu: E-mail: hr@avannaata.gl