Avannaata Kommuniani Ilulissani, kulturikkut illorsuarmi Sermermiuni aaqqissuussanik ataqatigiissaarisartussamik pissarsiorpoq 12. juni 2023 imaluunniit isumaqatigiissuteqarnikkut sulilertussamik

 

Kulturikkut illorsuarmi Sermermiuni aaqqissuussanik ataqatigiissaarisup qaninnertut aqutsisorissavaa Peqqinneq Sunngiffillu-mi aqutsisoq

 

Atorfeqarnermi suliassat ilaat makkua taagorneqarsinnaapput: Pisortatigoortumik tikeraartoqarnerani, meeqqat ulluanni, inuiattut ullorsiortitsinermi, 1.advent aamma 24.december orpiliartitsineq, kulturikkut pisunik aamma kultur aallaavigalugu aaqqissuussanik allanik ataqatigiissaarineq, pilersaarusiorneq aaqqissuusseqataanerlu.

 

Kulturikkut illorsuarmi Sermermiuni aaqqissuussanik ataqatigiissaarisup naatsorsuutigissavaa nikarartumik sulisarnissani

 

Suliassat akisussaaffiillu ilaatigut makkuussapput:

• Ukiumut iliuusissatut pilersaarusiorneq, nalunaarusiornerlu
• Allaffissorneq, akiligassanik suliaqarneq, missingersuutinik attassineq,  fonde-nut qinnuteqaasiornerlu
• Sunngiffimmi sammisat amerlisarniarlugit aamma kulturikkut illorsuup atorluarneqarnissaanut suliniutinik ujartuineq
• Eqqummiitsuliortunut, isiginnaartitsisartunut nipilersortartunullu attaveqaataatut inissisimaneq
• Saqqummersitsinissanut piorsarsimassutsikkut suliaqartunik, atuarfinnit, meeqqerivinnillu suleqateqarneq
• Kulturikkut suliniaqatigiinnik ataatsimiisitaliamik pilersitsineq
• Kulturikkut illorsuarmi pisussanut nittarsaassineq
• Kulturikkut illorsuaq Sermermiuni aamma timersortarfimmi sulisut qanimut suleqatiginissai qaammammullu ataatsimiinnerini peqataaneq

 

Ukuninnga pisinnaasaqarnissat kissaatigineqarpoq:

Atorfimmut assingusumik misilittagaqarneq kiisalu suliassanik arlaqartunik suliaqarsinnaaneq,  pilersaarusiorneq aqutsisinnaaneq, pisussanik ataqatigiissaaraluni aaqqissuusisinnaaneq sassarsinnaaneq, kikkunnillu tamanik attaveqaqateqarsinnaaneq piginnaasaqarfigineqartussatut kissaatigineqarpoq. Inuk ammasoq, eqaatsumik suleriaasilik, tunniussimasoq, kulturimik suliaqarnerup attaveqallaqqissuunini atorlugu inerisarneqarnissaanik suliaqarusullunilu piginnaasaqarluartoq atorfissaqartinneqarpoq.

 

Suliffeqarfimmi immikkoortortat tamaasa aamma suliffeqarfiup avataaniittunik suleqatigisartakkanik suleqatigisinnaanerinik piginnaasaqarneq pingaaruteqarpoq, uisakajaarfiusuni suliassanik tamanik ukkassisinnaaneq, marluinnik oqaasilinnik suleqateqarsinnaaneq. Nunat allamiut oqaasiinik ikinnerpaamik ataatsinik, ajornanngippat tuluttut oqaatsinik, oqalussinnaasariaqassaatit, tamannali piumasaqaataanngilaq.

 

Akissarsiat aamma atorfeqarnermi atugassarititaasut

Naammaginartumik pineqaatissinneqarsimannginnermut uppernarsaammik aamma meeqqanik pinerliisimannginnermut uppernarsaammik pisortaqarfinnut piniarsinnaanermut akuersilluni atsiugassaq Avannaata Kommunianit piniarneqartoq tunngavigalugu atorfinititsisoqassaaq. Kalaallit Nunaanni Namminersorlutik Oqartussat qinnuteqartullu kattuffiata isumaqatiginninniussisimasup isumaqatigiissutaat naapertorlugu akissaateqartitsisoqassaaq.

Atorfik inissaqartitsivoq, taamaammat malittarisassat atuuttut naapertorlugit sillimmasiinerit/ inimut akiliinerit pisassapput. Malittarisassat atuuttut naapertorlugit atorfininnermi soraarnermilu angalasinnaatitaaneq kiisalu pigisanik nuussineq suliffeqarfimmit akilerneqassapput.

 

Atorfik pillugu paasissutissat amerlanerit Ilulissani Peqqinneq Sunngiffillu-mi aqutsisoq

Aviaq S. Henson-imut, oqarasuaat 38 55 76 imaluunniit mailimut: avsi@avannaata.gl –mut saaffiginnilluni pissarisiarineqarsinnaapput. Kommunip nittartagaa www.avannaata.gl aamma takuuk.

 

Qinnuteqaat:

Qinnuteqaat ilinniarsimaneq suliffigisimasallu pillugit paasissutissat, ilinniarsimanermut up-pernarsaat il.il. ilanngullugit Sulisoqarnermut Immikkoortortaqarfimmut kingusinnerpaamik 5. juni 2023  tunniunneqareersimassapput