Skip to main content
98

Dette jobopslag er udløbet

AVANNAATA KOMMUNIANI ILINNIARNERMUT PISORTASSARSIORPOQ

Avannaata Kommunia pisortat aqutsinerannik misilittagalimmik Ilinniarnermut Ingerlatsivimmi pisortassarsiorpoq.

 

Atorfik Avannaata Kommuniata qullersaqarfiani Ilulissaniippoq, pisortaaneq pisortatut qaninnertut pisortarineqassaaq 1. marts 2020-imi isumaqatigiissuteqarnerulluunniit kingorna atorfik inuttalerneqarusuppoq.

 

Aqutsinermik misilittakkatit, sapinngisamik suliffeqarfimmi naalakkersuinermik suliallit aqutaanni, ingammik pingaartinneqassapput kiisalu Kalaallit Nunaanni, ingammik Kalaallit Nunaata avannaani, pissutsinik ilisimasaqarluarnissat; najugaqarfiit 27-t missaanniittut siammasissumi inissisimasut immikkuullaarissumik ajornartorsiutaannik ilisimasaqarluarnissaq piumasaqaatitaraat.

 

Suliffimmi aqutsisutut misilittagaqarnissaq pingaartinneqarpoq. Meeqqanik sullissinerup iluani ilinniaqarsimasuusariaqanngilatit, suliassaqarfimmullu tunngassuteqartut eqqarsaatigalugit oqaatsit tamanit paasineqarsinnaasut atorlugit oqariartuuteqarsinnaanissat attaveqartarsinnaanissallu pisariaqartussaavoq.

 

Atorfimmi akisussaaffiit aamma pingaarnertut suliassat:

Atorfik akisussaaffinnik makkuninnga imaqarpoq:

  • Akisussaaffigisat iluanni suliassat suliarineqarnissaannut ilitsersuusiorneq
  • Suliassaqarfinni makkunani periusissanik kiisalu politikkissanik suliarinninneq.

Politikkikkut suliaqarnermut atatillugu suliassat:

  • Atuartitaanermut, Kultureqarnermut, Sunngiffimmullu Ataatsimiititaliamut allattaaneq
  • Avataani suleqatigisanut isumaqatigiissutinut akisussaaneq.
  • Politikkikkut ataatsimiititalianut politikkissanik aamma periusisssanik siunnersuusiorneq.
  • Politikkikkut aalajangiiffigisassanik oqartussaaffeqarfiit pillugit pilersaarusiat misissuataarneqarnissaannik suliarinninneq.

Aqutsinermut tunngatillugu suliasssat:

  • Pisortaqatigiit ulluinnarni sulineranni kiisalu ataatsimiinneranni peqataaneq.
  • Borgmesterimut, ataatsimiititaliami siulittaasunut kiisalu oqartussaaffeqarfinni pisortaqatigiinnut qimoqataallunilu siunnersortaaneq.

Sulisunut kiisalu sullissinermilu atuuffinni suliassat:

  • Suliassaqarfiup sulisuinut tamanut akisusaaneq.
  • Inatsisit atuuttut attanneqarnissaannut akisussaaneq.
  • Periusissiat politikkikkut aalajangiunneqartutulli piviusunngortinnissaanut akisussaaneq.
  • Innuttaasunik sullissiviit sunniuteqarluartumik kiisalu eqqortumik siunnersorneqarnerannut akisussaaneq

 

Taakku saniatigut atorfeqarnermi akisussaaffiit atorfillu pillugu allaaserisaq sulisoqarnermut immikkoortortaqarfimmut saaffiginnilluni pissarsiariniarneqarnissaa innersuussutigineqarpoq.

 

Piginnaasaqarfigisassatit:

  • Suliffimmi politikkikkut aqunneqartumi misilittagaqarneq.
  • Atuartitaanerup iluani ilinniagaqarsimaneq kiisalu aqutsineq aamma periutsit immikkut sammisaralugit ilinniagaqarsimasoq.
  • Tassunga attuumassuteqartumik ilinniaqqissimasuuneq, aqutsineq, pilersaarusiornermi aqutsineq aamma periusissanik aqutsineq ingammik matumani pineqarput.
  • Pisortat aamma/imaluunniit namminersortut suliffeqarfiutaanni sulinermik aqutsinermillu misilittagaqarneq.
  • Kalaallit Nunaanni pissutsinik ilisimasaqarneq; kommunemi najugaqarfiit 27-t siammasissumik inissisimammata immikkut ittumik unammillernartuusarlutik ilisimasaqarnissaq pingaaruteqarpoq.
  • Kalaallit Nunaanni inatsisinik attuumassuteqartunik ilisimasaqarneq.
  • Kulturimik inuttullu paasinnittarneq; inuiaqatigiinni marluinnik oqaaseqartuni tamanna immikkut ittumik pigissallugu pingaaruteqarpoq.
  • Kalaallisut, tuluttut danskisullu oqaaseqarneq.
  • Attaveqaqatigiillaqqissuuneq, suliffeqarfiup avataanut aamma suliffeqarfiup iluani.
  • Tamaginnut suleqatiginnilluarsinnaaneq.
  • Nuannaartuuneq aamma qiimasuuneq.

 

Akissarsiat aamma atorfeqarnermi atugassarititaasut:

 

Akissarsiat aamma atorfeqarnermi pissutsit, atorfininnermi soraarnermilu angalasinnaatitaaneq kiisalu pigisanik nuussineq Naalakkersuisut kattuffiullu isumaqatigiinniussisinnaatitaasup akornanni atorfininnerup nalaani isumaqatigiissut atuuttoq naapertorlugu pissaaq. Akissarsiat lønramme 39/40-mi inissisimapput, qaammamut akissarsiat kr. 66.000,00 missaaniipput, taavalu soraarnerussutisiassaqarnermut isumaqatigissuteqarluni.

 

Pineqaatissinneqarsimannginnermut uppernarsaat kiisalu meeqqanut pinerliisimanngiinermut uppernarsaat takutinneqarpat atorfinninneq pissaaq.

 

Atorfik inissaqartitsivoq, taamaammat malittarisassat atuuttut naapertorlugit sillimmasiinerit/inimut akiliinerit pisassapput.

 

Atorfik pillugu itinerusumik paasissutissat allaffissornikkut pisortaanerugallartumut Nick Nielsen-imut oqarasuaat 38 76 05-mut imaluunniit mailimut nick@avannaata.gl –mut saaffiginnilluni pissarsiarineqarsinnaapput.

 

Qinnuteqaatit ilinniarsimanermik siusinnerusukkullu suliffigisimasanik paasissutissartallit, ilinniarsimanermik uppernarsaatip assinganik ilalerlugit Sulisoqarnermut Immikkoortortaqarfimmeeriissapput kingusinnerpaamik 31 januar 2020.

 

Qinnuteqaatit ilinniarsimanermut uppernarsaatitallit aamma suliffigisimasamit oqaaseqaatitallit uunga mailimut nassiunneqassapput: _hr@avannaata.gl

 

Pineqaatissinneqarsimannginnermut uppernarsaat kiisalu meeqqanik pinerliisimannginnermik uppernarsaat naammaginartuuneri tunngavigalugit atorfinititsisoqassaaq.

 

Qinnuteqaatit allakkerikkoortut najukkamut uunga nassiuteqquneqarput:

 

 

Avannaata Kommunia,
Uunga sulisoqarnermut immikkoortortaqarfik,
Postboks 1023
3952 Ilulissat.
hr@avannaata.gl

 

 

 

 

 

Avannaata Kommunia 522 kvadratkilometeritut angitingaaq taamaalillunilu Frankrigitut angitigaluni Kommunimi 10.700-t missaat najugaqarput, taakkualu najugaqarfinni 27-ini siammerlutik najungaqarput. Kommunimi 1.400-t missaani sulipput.