Avannaata Kommuniani Ilaqutariinnermut Ingarlatsivik Meeqqanut tunngasunik Isumaginninnermut siunnersortinik pingasunik immikkoortortaqarfitsinnut, Qaanaaq, Upernavik, Uummannaq Ilulissat nunaqarfiinullu angalalluni sullissisussamik pissarsiorpoq

Suliassat eqqarsaatigalugit Meeqqat tapersersorneqarnissaannut Inatsisartut inatsisaat nr. 20, 26. Juni 2017-meersoq aallaavigalugu meeqqat ilaqutariillu pingaarnertut suliassaqarfigineqarput. Ulluinnarni Immikkoortortaqarfitsinni Meeqqanut ilaqutariinnullu sullissisunut siunnersuineq, ilitsersuineq eqqartueqateqarnerlu pingaarnertut suliassaqarfigineqarput. Pisariaqartitsineq aallaavigalugu sulianik ingerlatsisinnaaneq pisinnaavoq. Naatsorsuutigineqassaaq piffissaq annertooq angalanermut atorneqartarnissaa.

Suleqatigiinni angalasartuni Isumaginninnermut siunnersortitut ineriartortitsinissamik eqqarsaateqarfiusumut, namminersorsinnaassusilinnut pisussaaffinnullu eqquutitsisinnaanermut suliniuteqartunut peqataassaatit, aammalu kommunitsinni pissutsinut naleqqussartuartumut.

Immikkoortortaqarfik Avannaata kommunialu meeqqanut suliniutit nukittorsarneqarnissaat pingaartinneqarpoq. Suliallu ingerlanneqartarneranni pitsaassuseq aaqqissuussaalluakkamillu ingerlatsineq pingaartinneqarlutik.

Ukioq kaajallallugu angalanerit ingerlanneqartuartassapput, angalatinnallu, Ilulissani Ilaqutareeqarnermut ingerlatsivimmiittassallutit. Ilulissaniinnermi ulluinnarni Meeqqanut ilaqutariinnullu sullissisut qanimut suleqatigineqartarput telefonikkut, mail Teamsikkullu. Meeqqanut tunngasunik angalalluni Isumaginninnikkut siunnersortit ima inuttalersugaavoq, Ataqatigiissaarisoq inunnik isumaginninnermut siunnersortit tallimat.

Angalanerit sapinngisamik marlukkaarluni ingerlanneqartarput, pisariaqartillugulu naatsorsuutigineqassaaq kisimiilluni angalasinnaaneq.

Naatsorsuutigaarput illit:

• Isumaginninnermi siunnersortitut ilinniagaqarsimasutit imaluunniit isumaginninnerup iluani siunnersorti
• Isumaginninnermi siunnersortitut suliaqartutut aamma sulianik suliarinnittartut suliaannik atuuffiannillu misilittagaqarluartutit. Ataatsimut isigalugu, Meeqqat tapersersorneqarnissaat Inatsisartut inatsisaannik, aamma/imaluunniit allatut inunnik isumaginninnermik suliaqartutut misilittagaqartutit.
• Inatsisinik ilisimasaqarluarneq ilinniartitsisinnaasorlu.
• Suleqatigiinni sulisinnaasutit, suleqatiginninnissamut piginnaasaqarluartutit, allanillu akuutitsisinnaasutit.
• Attaveqarnissamut ilitsersuussinissamullu pikkorissuusutit.
• Periarfissanik isiginnissinnaaneq killissaniunngitsoq.
• Susassaqarfiit akimorlugit suleqatiginnissinnaasoq.
• Namminersorlutit sulisinnaasutit, suliassat aaqqissuunnissaannut, ataqatigiissarnissaannut pilersaarusiornissaannut malitseqartinneqarnissaannullu pikkorissuusutit.
• Sulianik pimoorussisoq nikerarsinnaasorlu
• Ullormiik ullormut aallariataarsinnasoq
• Pingaarnertut kalaallit oqaasiinik atuiffiuvoq, suliassaqarfiillu aallavigalugit qallunaatut piginnaasaqarnissaq pisariaqarsinnaalluni

Neqeroorutigaarput:

• Immikkoortortamut ineriartortuaannartumut peqataassaatit.
• Atorfik namminersorfiusoq suliatigut inuttullu unammillernartulik.
• Pitsaasunik tunniusimalluartunillu suleqateqassaatit.
• Sulineq tatiginninnermik takutitsiffiusoq.
• Sunneeqataasinnaaneq.
• Misigisassat amerlasuut.

Atorfik pillugu paasisaqarnerorusukkuit Meeqqanut tunngasunik angalalluni sullissisartunut ataqatigiissaarisoq, Hanne Siegstad attavigiuk, oqarasuaat: 38 77 36. E-mail: hans@avannaata.gl  

Akissarsiat aamma atorfeqarnermi atugassarititaasut

Akissarsiat aamma atorfininnermi atugassarititaasut, Kalaallit Nunaanni Namminersorlutik Oqartussat imaluunniit kattuffiup allap isumaqatiginninniarsinnaasup akornanni isumaqatigiissutaasut malillugit pissapput

Atorfiup inuttalerneqarnissaa kissaatingaarput 1. marts 2023, imaluunniit isumaqatigiissuteqarnikkut.

Sulisunut inissamik innersuussisoqassaaq, tassunga attartortutut akiliinerit, qularnaveeqqutit il.il. maleruagassat atuuttut malillugit akiliisoqartassaaq.

Pinerluuteqarsimanermut aamma meeqqanik innarliisimannginnermut uppernarsaat

Atorfik una, pinerluuteqarsimanermut aamma meeqqanik innarliisimannginnermut uppernarsaammik pissarsiniarsinnaanermik pisusaaffeqarneq pillugu inatsimmut ilaavoq. Inatsit naapertorlugu, pinerluuteqarsimanermut aamma meeqqanik innarliisimannginnermut uppernarsaammik naammaginartumik kommuni tigusaqarsimatillugu, atorfinitsitsinissaq aatsaat aallartitsisinnaavoq. Taammaattumik maluginiaqqussavarput, piffissaq atorfimmut ivertinneqarfiusussaq aatsaat isumaqatigiissutigineqarsinnaammat, rigspolitiinit meeqqat innarliisimannginermut uppernarsaat kiisalu politiiniit pinerluuteqarsimanermut uppernarsaat kommunimiit tiguneqareernerisa kingorna.

Meeqqanik innarliisimannginnermut uppernarsaat, pineqartumit akuersissummik pereernermi kommunimik pissarisarineqarneqartussaavoq, pinerluuteqarsinermullu uppernarsaat politiiniit pineqartup nammineq pissarisiariniartussaavaa.

Qinnuteqarneq

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 17. februar 2023