Skip to main content
83

Dette jobopslag er udløbet

Avannaata Kommunia Ilaqutareeqarnermut Ingerlatsivik Ilulissat Innarluutilinnut siunnersortissarsiorpoq

Avannaata Kommunia Ilaqutareeqarnermut Ingerlatsivik Ilulissat, 1. Januari 2020 imaluunniit isumaqatigiissuteqarnikkut atorfinittussamik, Innarluutilinnut siunnersortissarsiorpoq.

Avannaata Kommuniata innuttaasunut malunnaateqarluinnartumik pitsanngorsaaviginiarlugu suliniuteqarpoq. Taamaattumik maanna sorpassuarnik ineriartortitsissutaasussanik ingerlatsisoqarluni Kulturikkut, timersornikkut, sunngiffimmi, siusinaartumik pitsaaliuinikkullu Avannaata Kommuniani innuttaasut tamakkiisimik isiginnittaaseqarluni kiisalu suleqatigiinnermik ineriartorfiusumi.

 

Atorfik pisortatut inissisimassanngilaq, kisianni nakkutilliisutut ataqatigiissaarisutullu oqartussaassuseqassaaq. Aningaasaqarnermut siunnersorti aammalu innarluutilinnut immikkoortortaqarfimmi sullissisut tapersersortillu peqatigalugit immikkoortuni suleqatigiinnut ilaassaaq. Isumaginnittoqarfimmi immikkoortortami pisortaq qaninnerpaamik qullersarineqassaaq.

 

Atorfimmi pingaarnertut anguniagaapput innarluutilinnut immikkoortortaqarfinni sullissinermi pitsaanerumik ingerlatsineq, taassuma ataani innarluutilinnut peqqussutinut ilanngussinermut aammalu ikiorsiissutinik naleqquttunik akuersissuteqarnerit suliarineqartassapput. Atorfik massakkutut ilusimigut tamatigoortuuvoq aamma unammillernartuuvoq suliassat nammineerutigalugit pingaarnersiorneqarsinnaanerinik periarfissaqartitsilluni.

 

Suliassat aamma akisussaaffiit:

  • Ataatsimiitsitaliat innarluutillit pillugit innersuussinerit piffinni suleqatigiit, suliffeqarfiillu akimorlugit suleqatigiissitat ataatsimiinnerannut aammalu isumaginninnermi pisortaanerup allattaanut pisortamulluunnit ingerlateqqinnissaat isumagalugu.
  • Suleqatigiit ataatsimiinneranni aalajangiinernik ingerlatitseqqiineq, isumannaarinninnerlu.
  • Innarluutilinnik immikkoortumi suliniutit pillugit immikkoortortaqarfinnik aammalu suliffeqarfiit avataanut suleqatiginninermi ingerlaavartumik ilisimatitsisarneq.
  • Meeqqanik innarluutilinnik sumiginnaanermut aamma atornerluinermut pasitsaassisoqartillugu ilisimatitsinerit tamaasa pillugit ingerlaavartumik ilisimatitsisarnerit, taakkua ataanni ilaqutariinni persuttaasoqarsimatillugu atornerluisoqarsimatillugulu. Meeqqanut immikkoortortami siunnersorti peqatigalugu, nakkutigissallugu immikkoortortaqarfinni sullissisut suliassat pineqartut suliarineraat.
  • Innarluutillit pillugit peqqussummut ilanngunneqarnissamut qinnuteqarnernut atatillugu killiffinnik ingerlaavartumik ilisimatitsisarnerit.
  • Kommunimi sulisoqarneq pillugu apeqqutinik siunnersuinermi peqataanissaq, taassuma ataani, sulilersitsinerit, mianersoqqussutit, soraarsitsinerit, atorfiit allaatigineqarnerannik nalimassaanerit. Il.il.
  • Oqarasuaatikkut ataatsimiinnerni aamma suleqatigiinnermi ataqatigiinneq pillugu ataatsimiinnerni ataqatigiissaarisuuneq, kiisalu immikkoortortaqarfinni tapersersortitut sulisunut, qitiusumillu isumaginninnermi allaffeqarfimmi aningaasatigut siunnersortimut ataqatigiissaarisuuneq.
  • Suliassat attuumassuteqarsinnaasut allat.

 

Piginnaaffigisassatit:

  • Isumaginninnermi siunnersorti - ajornanngippat innarluutilinnut immikkoortunut pikkorissartarsimaneq
  • Ajornanngippat marluinnik oqaaseqarneq: Kalaallisut danskisullu.

 

Akissaatit atorfeqartitaanermilu atugassarititaasut:

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

 

Atorfininnermut atatillugu piumasaqaataavoq, pinerluuteqarsimannginnermut uppernarsaat pillugit naammaginartunik ilisimatitsissutinik tunniussinissaq. Taakkku qinnuteqartumit akuerineqar-lutik atsiorneqareerpata, sulisitsisup Rigspolitiinut taakku pissarsiariniassavai.

 

Atorfimmut atatillugu inissaqartitsisoqarsinnaavoq, taamatullu atorfininnermi akiliunneqarluni angalasoqar-lunilu pigisat assartorneqassapput, malittarisassat qaqugukkulluunniit atuuttut naapertorlugit.

 

Paasissutissat:

Paasisutissat aaneqarsinnaapput saaffiginninnermi, Ilaqutaareeqarnermut Ingerlatsivimmi pisortaagallartumut, Aka Grønvold-imut oqarsuaat +299 38 77 41, imlt. e-mailikkut akgr@avannaata.gl  -imut immaluunniit Ataqatigiissaarisoq, Hanne Siegstad-imut, oqarsuaat +299 38 77 36, imlt. e-mailikkut hans@avannaata.gl  -imut

 

Kingusinnerpaamik qinnuteqarfissaq:

Qinnuteqaat ilinniarsimanermut pappilissat, CV, oqaaseqaatit, paasiniaavigineqarsinnaasut il.il ilanngullugit sulisoqarnermut apuutereersimassapput; Kingusinnerpaamik 14 december 2019.

 

Qinnuteqaatit uunga nassiunneqassapput:

 

Avannaata kommunia

Sulisoqarnermut immikkoortortaqarfik

postboks 1023

3952 Ilulissat

imlt. E-mail-ikkut: hr@avannaata.gl