Skip to main content
123

Dette jobopslag er udløbet

Avannaata Kommunia Formandissarsiorpoq Ilulissani eqqagassalerinermut ingerlatsivimmi

Avannaata Kommunia, Ilulissat

Illoqarfimmi eqqagassalerinermut ingerlatsinermi suliassat naammassillugit suliarisarnissaat ilaaffigerusuppiuk? Aamma sulisut imminnut naleqalersillugillu akisussaaqataanissaannut aqutsillaqqippit? Suliassat ajornanngitsumik iluarsiiviginissai siunnersuuteqarfigisinnaavigit aamma sapinngiliuk siuarsaaqataaniarlutit sulisunik ilitsersuinissat? Taamaappat Ilulissani eqqagassalerinermut formandi ilinnorluinnaagunarpoq!

Avannaata kommunia eqqagassalerinermut formandissarsiorpoq ingerlatsivimmi Ilulissani. Ujartuivugut nukittuumik, mekanikkimut aqutsinermullu ilisimasalimmik, Ilulissani nunaqarfiinilu eqqagassalerinermi siuarsaanissamut soqutigisalimmik.

Atofik ataavartumik atorfiuvoq, Ilulissani nunaqarfiinilu eqqagassalerinermi suleriutsimik pilersitsinerit nutaat atuutsillualernissaanut ingerlatsinissaanullu qulakkeerinnittussaalluni.

Ulluinnarni Ilulissani allaffeqassuutit, sulisunik aqutsinissarnut kaammattuinissarnut periarfissagissaassallutit. Ikuallaavimmi, eqqaavissuarmi, eqqakkanik tigooraavimmi sulisut saniatigullu atserisut eqqagassalerisullu aamma angisuunik innuttaasuniik eqqagassanik katersisartut katillugit 30-iusut aqutsisuuffigissavatit.

Immikkoortortap iluani suliassat

  • Sulianik suliassanillu nakkutilliineq, naatsorsuineq nalunaarusiornerlu
  • Suliassanik agguaassineq
  • Aqutsinermi naliginnaasut suliassat soorlu akunnermusiat allattorneri, sulilersitsineq, isumassuineq aporaattoqartillugu aaqqiiniarneq il.il.
  • Neqeroorusiortitsineq
  • Aqutsisut qaninneq ikioqatigalugu atortunik pisiniarneq
  • Missingersuutinik siunnersuineq/piareersaaneq
  • Sulisut suliassaannik ilitsersuineq taavalu anguniakkanik aningaasatigulllu killiffimmik paasititsiineq
  • Missingersuutit iluini sulineq malinnaanerlu

Taamaasillutit politikkikkut anguniagassat piviusunngortinnissai ilaaffigissavatit, taassuma ataani suliniutinik nutaanik atuutsitsilerneq, ulluinnarni suliassanik agguaassineq, sulisunik ilitsersuineq kaammattuinerlu.

Piginnaasat

  • Håndværkeritut tunuliaquteqassaatit soorlu mekanikeritut, maskinalerisutut, sanasutut, elektrikeritut assigisaanilluunnit.
  • Avatagiisernut kaammattuineq isummersuinerlu piginnaasarissavat
  • Kalaallisut qallunaatullu paasinartumik oqalussinnaassaatit
  • Politikkikkut ingerlatsivimmi sulinissat soqutigisarissavat
  • Suleqatigiissinnaaneq
  • Innuttaasut naligalugit ataqqillugillu naapinnissaannut pingaaruteqarneranik paasinnissinnaaneq.
  • Minnerpaamik kørekort B, iluaqutaassooq storkørekort aamma pigingaanni
  • Missingersuutinik ilisimasaqarneq missingersuutillu iluani sulisinnaaneq
  • Aqutsinermut misilittagaqarsimaneq piumasaqaataanngilarli

Neqeroorutigaarput

  • Suliffik soqutiginartoq assigiinngiiaartoq akisussaaffeqartoq
  • Atorfik aqutsisutut misilittagaqarlualernissamut periarfissagissoq
  • Atofik unammillernartoq soqutiginartorlu

Akissaatinut atorfeqartitaanermullu atugassarititat:
Atorfininnermi atugassarititaasut Naalakkersuisut SSK-llu kattuffiani isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq. Atorfimmut atatillugu inissaqartitsisoqarpoq.

Atorfik kissaatigineqarpoq inuttaqalernissaa 1. Juli  2022 imaluunnit immikkut isumaqatigiinnikkut.

Ilulissat
Atorfik Ilulissaniippoq, Ilulissat 4.900 missaani innuttaasoqarpoq, avannaanilu allaffeqarfikkut, kulturikkut, inuutissarsiutitigut taavalu ilinniangaqarnikkut qitiuffiuvoq.

Illoqarfik ineriartupiloorfimminiippoq, taamaattumillu kommunip iluani taavalu kommunip avataaniik kommunip naatsorsuutigineqarneranut naapertuuttuaannarnissaat kommunimut piumasaqaateqaqaat. Illoqarfiup inissisimaffia kusanarluinnartoq piniariarnissamut, aalisarnissamut angalaarnissamullu periarfissaqaqaaq.

Kontakt
Atorfimmut paasissutissanik allanik perusukkuit Teknikkimut pisortaagallartumut, Leif Mathiesen-imut saaffiginnissinnaavutit oqarasuaatikkut: +299 28 21 00 imaluunnit mailikkut: lema@avannaata.gl

Qinnuteqaat
Qinnuteqaat, CV taavalu ilinniarnermut uppernarsaatit oqaaseqaatillu ilanngullugit kingusinnerpaamik ulloq 17. Juni 2022 tiguneqareersimassapput, “atorfik una qinnuteqarfigiuk” toorneratigut.

Qinnuteqarnermut killissarititaasoq: 17. Juni 2022.