Skip to main content
91

Dette jobopslag er udløbet

Avanersuup Atuarfia marlunnik ilinniartitsisussarsiorpoq

Kalaallit Nunaata illoqarfiit avannarlersaanni Qaanaami Avanersuup Atuarfia, 113 atuartuutilik 1-10. klassertunik, ilinniartitsisunik marlunnik pissarsiorpoq.

Peqataarusuppit atuarfimmi ineriartortumi? Avanersuup Atuarfia ilinniartitsisunik pikkorissunik tunniusimalluartunillu ujaasivugut.

Illiuna atuarfitsinni amingaatigigitsigit? taava periarfissaqarputit 1. januar 2021 immaqaluunniit isumaqatigiinnikkut atorfininnissarnik.

Ilinniartitsisut immikkoortortaqarfiit akulliit angajulliillu, atuartitsissutini Kalaallisut, Qallunaatut, Kisitsineq, Pinngortitalerineq, Upperisarsiorneq, Inuiaqatigiilerineq, Nipilersorneq, Inuttut inerikkiartorneq, sammisassaqartitsinermi pisariaqartippavut taavalu qarasaasialerillaqqissoq.

Naatsorsuutigivatsigit:
- Ilinniarfissuarmi ilinniartitsisunngorsimassasutit, immaqaluunnit assigisaannik.
- Pikkorissoq sulerusussuseqartorlu
- Suleqatiginnillaqqissoq atuartunut, angajoqqaanut, ilinniartitsisoqatigiit taavalu aqutsisunut.
- Periarfissanik takunnilluarsinnaasoq.
- Ajunngitsoq angorusullu sulerusussusilik

Neqeroorfigisinnaavatsigit:
- Suleqatigiit, atuartullu nuannersut
- Atuarfik nuannersoq, angissusaanut tulluartoq.
- Atuarfik ineriartortoq, qarasaasiat IPad-tilu atorlugu atuartitsisarneq
- Ukiut pingasuni atorfeqareernerup kingorna aningaasat ajunngitsorsiassat
- Akisussaaffiit assigiinngitsut misilittagaqarfiginissaanut.
- Ineqarnermut akiliinermini tapiissut
- Ukiut tamaasa akiliunneqarluni angalaneq (Immikkut ittumik atorfininnermi, ukiuni pingasuni atorfininnermi)
- Perusuersaartarfimmut sulititsisup akilertassavaa.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput. (Vakant-imik ineqartinneqassuutit, aasarpallu umiarsuakkut pisattat nassiunneqarlutik)

Akissarsiat, Atorfininnermullu atugassarititaasut:
Akissarsiat  atorfininnermilu atugassarititaasut, matumani atorfininnermi angalanermut aamma pisattat nuunneqarnerannut akiliunneqarneq ilangullugu atorfininnerup nalaani Kalaallit Nunaanni Namminersorlutik Oqartussat kiisalu Ilinniartitsisut Meeqqat Atuarfiannersut Kattuffiat, IMAK-ip akornanni isumaqatigiissut naapertorlugu pissaaq.
Atorfinititsineq Immikkut ittumik ukiunut aalajangersimasumik sivisussusilik pillugu Namminersorluik Oqartussat kiisalu Ilinniartitsisut Meeqqat Atuarfianeersut Kattuffiata IMAK-ip akornanni isumaqaitigiissutaat naapertorlugu pissaaq. Qinnuteqartut tjenestemandsstilling-imi atorfiliuppata tamanna atuutiinnassaaq.

Pinerluuteqarsimannginnermut aammalu Meeqqanik pinerliisimannginnermut uppernarsaat
Atorfik una pinerluuteqarsimannginnermik aammalu meeqqanik pinerliisimannginnermik uppernarsaammik aallernissamik inatsisitigut piumasaqaatigineqarmat. Taamaammat maluginiaqquarput inatsit naapertorlugu atorfininnissaq ullulerneqarsinnaammat aatsaat Naalagaffiup politiivinit pinerliisimannginnermik aammalu meeqqanik pinerluuteqarsimannginnermik naammaginartumik imalimmik kommuni tigusaqarpat. 

Imatut qinnuteqassaatit:
Qinnuteqarnermi immersuiffissamik peqarpugut, namminerlu paasissutissanik qinnuteqarusukkuit periarfissaqarpoq. Ilinniarsimanermut uppernarsaatit ilanngussinnaavatit.

Paasisaqarnerusukkuvit, apersuinissarnut tikilluaqqusaavutit Atuarfiup pisortaaneranut Dan D. Normann, oqarasuaat 972817 E-mail: dano@avannaata.gl. atuarfiullu nittartagaa misissorneqarsinnaavoq www.avaatu.gl

Qinnuteqarfissaq kingulleq:

 11. december 2020

Qinnuteqaat uunga nassiunneqassaaq:
Avannaata Kommunia
Sulisoqarnermut Immikkoortortaqarfik
Postboks 1023
3952 Ilulissat

Imaluunniit e-mail-ikkut: hr@avannaata.gl