Skip to main content
153

Dette jobopslag er udløbet

Avanersuup Atuarfia ilinniartitsisussarsiorpoq

Kalaallit Nunaata illoqarfiit avannarlersaanni atuarfik Qaanaami Avanersuup Atuarfia, 115-inik 1.-10. klasse tikillugu atuartuutilik ilinniartitsisunik pissarsiorpoq, ulloq 1.august 2021 immaqaluunniit isumaqatigiinnikkut atorfinittussamik.

Ilinniartitsisut immikkoortortaqarfiit tamaasa, atuartitsissutini Kalaallisut, Qallunaatut, Tuluttut, Kisitsineq, Pinngortitalerineq, Upperisarsiorneq, inuttut inerikkiartorneq taavalu sammisassaqartitsinermi pisariaqartippavut.

Naatsorsuutigivatsigit:
- Ilinniarfissuarmi ilinniartitsisunngorsimassasutit, immaqaluunnit assigisaannik.
- Pikkorissoq sulerusussuseqartorlu
- Suleqatiginnillaqqissoq atuartunut, angajoqqaanut, ilinniartitsisoqatigiit taavalu aqutsisunut.
- Periarfissanik takunnilluarsinnaasoq.
- Ajunngitsoq angorusullu sulerusussusilik

Neqeroorfigisinnaavatsigit:
- Suleqatigiit, atuartullu nuannersut
- Atuarfik nuannersoq, angissusaanut tulluartoq.
- Atuarfik ineriartortoq, qarasaasiat IPad-tilu atorlugu atuartitsisarneq
- Akisussaaffiit assigiinngitsut misilittagaqarfiginissaanut.
- Ineqarnermut akiliinermini tapiissut
- Ukiut tamaasa akiliunneqarluni angalaneq (Immikkut ittumik atorfininnermi, ukiuni pingasuni atorfininnermi)
- Aningaasat katersat suligunnaarnissavit tungaanut (minnerpaamik ukiut pingasut)
- Perusuersaartarfimmut sulititsisup akilertassavaa.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput.

Akissarsiat, Atorfininnermullu atugassarititaasut:
Atorfinititsineq Immikkut ittumik ukiunut aalajangersimasumik sivisussusilik pillugu Namminersorluik Oqartussat kiisalu Ilinniartitsisut Meeqqat Atuarfianeersut Kattuffiata IMAK-ip akornanni isumaqaitigiissutaat naapertorlugu pissaaq. Qinnuteqartut tjenestemandsstilling-imi atorfiliuppata tamanna atuutiinnassaaq.

Akissarsiat atorfininnermilu atugassarititaasut, matumani atorfininnermi angalanermut aamma pisattat nuunneqarnerannut akiliunneqarneq ilangullugu atorfininnerup nalaani Kalaallit Nunaanni Namminersorlutik Oqartussat kiisalu Ilinniartitsisut Meeqqat Atuarfiannersut Kattuffiat, IMAK-ip akornanni isumaqatigiissut naapertorlugu pissaaq.

Meeqqanik pinerliisimannginnermut uppernarsaat
Atorfik una meeqqanik pinerliisimannginnermik uppernarsaammik aallernissamik inatsisitigut piumasaqaatigineqarmat. Taamaammat maluginiaqquarput atorfininnissaq ullulerneqarsinnaammat aatsaat Naalagaffiup politiivinit meeqqanik pinerluuteqarsimannginnermik naammaginartumik imalimmik kommuni tigusaqarpat. 

Pinerluuteqarsimannginnermut uppernarsaat
Atorfik una pinerluuteqarsimannginnermik uppernarsaammik aallernissamik inatsisitigut piumasaqaatitaqarmat. Inatsit naapertorlugu atorfininneq aatsaat aallartissaaq politiinit pinerluuteqarsimannginnermut uppernarsaammik naammaginartumik kommuni tigusaqarpat.

Imatut qinnuteqassaatit:
Qinnuteqarnermi immersuiffissamik peqarpugut, namminerlu paasissutissanik qinnuteqarusukkuit periarfissaqarpoq. Ilinniarsimanermut uppernarsaatit ilanngussinnaavatit.

Paasisaqarnerusukkuvit, apersuinissarnut tikilluaqqusaavutit Atuarfiup pisortaaneranut Dan D. Normann, oqarasuaat 972817 E-mail: dano@avannaata.gl. atuarfiullu nittartagaa misissorneqarsinnaavoq www.avaatu.gl

Qinnuteqaat nassiunneqareersimassaaq Avannaata Kommuniata nittartangaani allagarsiussami ”Atorfik una qinnuteqarfigiuk” toorneratigut, kingusinnerpaamik 31. maj 2021.