Skip to main content
97

Dette jobopslag er udløbet

ALLAGARSIUTEQQITAQ: Avannaata Kommunia Nutserisuunermik pissarsiorpoq

Avannaata Kommunia Nutserisoqarfimmi Nutserisuunermik 30. oktober 2020 atorfinittussamik pissarsiorpoq. Atorfik Ilulissani qitiusumik allaffeqarfimmi inissisimavoq.

 

Atorfik pillugu

Avannaata Kommuniani Nutserisoqarfiup nutsigassat oqaluttaanerillu tamaasa akisussaaffigai, pitsaassutsikkut qulakkeerinninnerit, kukkunersiuinerit aamma nutsigassat oqaluttaanissallu tamaasa suliarisarpaat.  Nalinginnaasumik nutsigassat kalaallisuumit qallunaatuumut aamma qallunaatuumit kalaallisuumut nutsigassaasarput, imaqarniliat, nalunaarusiat kiisalu Kommunalbestyrelsip ataatsimiititaliallu allat  ataatsimiinnisssaannut atortussat suilarineqartarlutik.  Tamakku saniatigut Nutserisoqarfiup kommunimi ingerlatsivinni assigiingitsuni suliassat suliarisarpaat.

 

Nutserisuunertut Nutserisoqarfimmi ilisimasat, pitsaassuseq ineriartornerlu suleqatit peqatigalugit pitsanngorsaaqataaffigissavatit.

 

Nutserisoqarfik nutserisunik pingasunik sulisoqartussatut naatsorsuussaavoq.  Nutserisuuneq Pisortaqarfiup Allatseqarfiani Allattoqarfiup Pisortaanit qullersaqarpoq.

 

Akisussaaffiit suliassallu

Suliassatit atuuffitillu tassaassapput:

 

  • nutserisoqarfimmi oqaluttaanernik nutserinernillu ingerlatsineq
  • toqqaannartumik oqaluttaanerit allakkanillu nutserinerit pitsaasuunissaannit qulakkeerinninnerit
  • oqaluttaaneq, nutserinerlu aamma toqqaannartumik politikerit ataatsiminneranni kiisalu suliffeqarfiup iluani avataanilu oqaluttaaneq, pingaarnertut oqaatsit kalaallisut danskisullu atorlugit
  • nutserisoqarfimmi suleqatit suleqatigalugit nukiginnartunik suliassat suliarisarnissaat

 

Pikkoriffiit piginnaasallu

Nutserisuunertut  sulinerni naatsorsuutigaarput:

 

  • nutserisutut assigisaanilluunniit ilinniaqarnissat
  • sungiussiasuusutit, akisussaassuseqartutit suleqatikkuminartuusutillu
  • misissueqqissaarisinnaasutit sulianullu qaffasissumik piginnaaneqartutit
  • suliffeqarfimmi politikkikkut aqunneqartumi sulinermik misilittagaqaruit paasisimasaqaruillu iluaqutaassaqaaq
  • suliassat assigiinngitsut nammineerlutit imaluunniit Nutserisoqarfik suleqatigalugu ingerlassinnaagitit

 

Atorfinitsitaanermi atugassarititaasut

Akissarsiat atorfeqarnermilu atugassarititaasut, atorfeqarnermi soraarnermilu angalanissamut pisattallu nassiunneqarnerannut sulisitsisumit akilerneqarsinnaatitaanermut malittarisassat uani ilaapput, taakkua Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.

 

Sapaatip akunneranut piffissaq sulliffiusoq tassaavoq nalunaaquttap akunneri 40-t.

 

Ineqarneq

Inimik atorfeqarnernut atasumik pisataqanngitsumik innersuunneqarnissannut malittarisassat qaqugukkulluunniit atuuttut naapertorlugit periarfissaqarputit. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il. apeqqutaallutik.

Ini atorfeqarnerni innersuussaq suliunnaaruit qimattussaassavat. Sulisutut inissamik innersuunneqarnissaq sivisuumik utaqqinarsinnaavat, taamaattumik inimik utaqqiisaagallartumik najugarisassamik atugassiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfiup inissiaataanut inissiisoqarallarsinnaalluni.

 

Paasissutissat sukumiinerusut

Paasissutissat atorfimmut tunngasut sukumiinerusut pissarsiarineqarsinnaapput allattoqarfiup pisortaanut Nuka S. Nathanielsen nuna@avannaata.gl oqarasuaat (+299) 38 76 08.

 

Ulloq qinnuteqarfissaq kingulleq

Qinnuteqaat ilinniarnermut uppernarsaatinik siornatigullu suliffigisimasanik imalik, soraarummeersimanermut pappilissat uppernarsaatit assilineqarneri ilanngullugit il.il. Sulisoqarnermut Immikkoortortaqarfimmut kingusinnerpaamik ulloq 26. oktober 2020 nassiuteqquneqarput.

 

Atorfiniffissaq

30. oktober 2020 imaluunniit isumaqatigiissuteqarnikkut.

 

Qinnuteqaat uunga nassiunneqassaaq:

Avannaata Kommunia
Sulisoqarnermut Immikkoortortaqarfik
Postboks 1023
3952 Ilulissat
Imaluunniit mail aqqutigalugu: hr@avannaata.gl