Skip to main content
108

Dette jobopslag er udløbet

ALLAGARSIUTEQQITAQ: Avannaata Kommunia inatsisilerituumik/cand.scient.pol.-mik pissarsiorpoq

Avannaata Kommunia inatsisilerituumik imal. cand.scient.pol.-mik nukittuumik piginnaasaqarluartumillu isumaqatigiissuteqarnikkulluunniit atorfinittussamik pissarsiorpoq. Atorfik qitiusumi allaffeqarfimmi Ilulissani inissisimavoq.

 

Allatseqarfik inatsisilerituumik immikkoortortaqarfiit akimorlugit suliassanik ataqatigiissaarisartussamik aamma allatseqarfiup politikkikkut allaffissornikkullu sullissineranut suleqataasinnaasumik siunnersuisartussamillu pissarsiorpoq. Inatsisilerituutut atorfinni aqutsisoqarfimmi suleqataalissaatit aqutsisoqarnermilu allatseqarfimmi pisortamut attaveqartuussallutit.

 

Suliassatit ilaatigut makkuussapput:

  • allatseqarfimmik sullissineq
  • inatsisilerituutut siunnersuineq ilitsersuinerlu
  • allatseqarfimmi ineriartornermut inatsisitigut iluarsiissutinik periarfissatigullu tapersersuisarneq
  • akissuteqaasiortarneq, politikkikkut qisuariaasiortarneq nassuiaasiortarnerlu
  • ingerlatsivinni suliassatigut nalinginnaasumillu pisortaqarfittut sullissinikkut aaqqissuusiornermi peqataaneq
  • siunnersuineq allattoqarfiullu pisortaa peqatigalugu isumasioqartarneq kiisalu suliffeqarfimmi namminermi inatsisitigut taperseruisarneq

 

Pisinnaasatit piginnaanitillu:

  • cand.jur.-itut, cand.merc.jur.-itut imal. cand.scient.pol.-itut assigisaanilluunniit ilinniagartuujussaatit
  • eqaatsuuvutit, akisussaassusilik suleqatinnillaqqittuullutillu
  • oqaatsitsigut allakkatigullu nassuiaallaqqissuuvutit
  • suliffeqarfimmi politikkikkut aqunneqartumi sulinermik misilittagaqarputit paasisimasaqarluarfigaallu
  • suliassanik iluarsiiniarnerni akisussaassuseqarnermik takutitsisinnaassuseqartuuvutit
  • Kalaallit Nunaanni pissutsinik paasisimasaqarputit imaluunniit paasisimasaqarfigilerusuppatit

 

Akissaatitut atorfeqarnermilu atugassarititaasut

Akissaatinut atorfeqarnermilu atugassarititaasut, tamatumunnga atatillugu atorfinikkiartornermi atorfeqareernermilu angalaneq pequtillu assartorneri, aalajangersaaffigineqassapput atorfininnermi piffissami isumaqatigiissuteqarneq imaluunniit Namminersorlutik Oqartussani Isumaqatigiissut pineqartullu sulinermini kattuffiata isumaqatiginninniarsinnaatitaasup akornanni isumaqatigiissut malillugu.

Sapaatip akunnerani suliffissaq 40 tiimiuvoq.

Atorfimmut atatillugu sulisunut inissiamik pequsersungaanngitsumik innersuussisoqarsinnaavoq maleruaqqusat atuutut naapertorlugit. Illumut attartornermi qularnaveeqqusiinermullu akiliisoqartassaaq inissamik innersuussinermi maleruagassat atuuttut naapertorlugit. Ineqarnermut akiliut inissiallu pitsaassusaa nikerarsinnaapput inissiap pisoqaassusaa, piginnitooqarneranut pissutsit il.il. apeqqutaallutik.

Sulisutut inigisaq atorfeqarnerup taamaatinnerani qimanneqassaaq. Ataavartumik sulisutut ineqarnissaq utaqqinarsinnaavoq, taamaattumillu utaqqiisaasumik ineqartitsisoqarsinnaavoq, tassunga ilaatillugit inissiaqatigiinneq imaluunniit akunnittarfiit inaataaniisinnaaneq.

 

Attavissaq

Atorfik pillugu annertunerusumik paasissutissat allattoqarfiup pisortaanut, Nuka S. Nathanielsenimut, nuna@avannaata.gl –mut, oqarasuaat (+299) 38 76 08-mut piniarneqarsinnaapput.

 

Qinnuteqarnissamut killigititaq

Qinnuteqaat ilinniagaqarsimanermut suliffigisimasanillu paasissutissartalik, soraarummeernermi uppernarsaatit assilinerinik il.il. ilanngussartalik HR-p immikkoortuani tiguneqareersimassaaq kingusinnerpaamik ulloq 9. november 2020.

Qinnuteqaat nassiuguk