Skip to main content
87

Dette jobopslag er udløbet

ALLAGARSIUTEQQITAQ: Avannaata Kommunia inatsisileriitumik pissarsiorpoq

Avannaata Kommunia inatsisilerituumik nukittuumik piginnaasaqarluartumillu pissarsiorpoq, qinnuteqarfissatut killiliussap qaangiunneraniit piaartumik imaluunniit isumaqatigiissuteqarnikkut sulilersinnaasumik. Atorfik Ilulissani Qitiusoqarfimmi inississimavoq.

Inatsisilerituup pingaarnertut suliassarai annerusumik inatsisilerituutut siunnersuisarnissaq pingaartumik allatseqarfiup suliassaqarfiisa iluanni.

Atorfik pillugu

Inatsisileritooq Allatseqarfimmi sulissaaq.

Avannaata Kommuniani Allatseqarfimmi inatsisilerituutut siunnersuissaatit, ilitsersuissaatit aamma inatsisit, ileqqoreqqusat inatsiseqarnermullu tunngasutigut ikiuutissallutit, tamatumalu saniatigut kommunemi tamarmi sulisut peqatigalugit naliginnaasumik sullissinermi peqataassallutit. Inatsiseqarnikkut ilitsersuinermi qulakkeerneqassaaq, allatseqarfik uppernassuseqartumik aamma ilisimassusermik tunngavilimmik aalajangiisarnissaa.

Inatsisilerituup inatsiseqarnikkut siunnersuineq suliaqarfittut qaffasissuunissaa isumagissuaa allattoqarfiup aaqqissuussaanerullu iluani.

Allatseqarfiup borgmestereqarfimmiit, qullersaqarfimmiit, kommunalbestyrelsimi ilaasortaniit, nunaqarfinni aqutsisuniit aammalu sumiiffinni ataatsimiittitaliani sulianut ataqatigiissaarineq ingerlataraat. Taamaattumik allattoqarfik qanimut borgmesterimut, qullersaqarfimmut suleqatigisanullu allanut, kommunip iluani avataaneersunullu qanimut suleqateqartuuvoq.

Inatsisileritooq Allatseqarfiup pisortaanut akisussaavoq.

 

Akisussaaffiit suliassallu

Suliassatit atuuffissatillu:

  • Kommunemi politikerit qullersaqarfillu allattoqarfik peqatigalugu sullisissallugit
  • Inatsisilerituut siunnersuineq ilitsersuinerlu
  • Ingerlatsivinni suliassatigut naliginnaasumillu pisortaqarfittut sullissinikkut aaqqiissusiornermi peqataassalluni
  • Suliniutini sulianilu tigussaasuni peqataassalluni
  • Suliaqarfiit ataasiakkaat suliniutini immikkut toqqakkani ikiuuttassalluni
  • Suliniutini aalajangersimasuni ataqatigiissaarineq
  • Suliaringasuagassani naliginnaasuni
  • Sullissinermi siunnersuinermilu suliat qaffasissuunissaat qulakkiissallugu

 

Piginnaasat

Nutaatut inatsisilerisussatsitut naatsorsuutigaarput:

  • Cand.jur.-itut, cand.merc.jur.-itut assigisaatulluunniit ilinniarsimasuunissat
  • Eqaatsuusutit, akisussaassusilik suleqatiginnillaqqittuusutillu
  • Inatsiseqarnikkut siunnersuisutut atuufferni pitsaassusilimmik isumaginnissinnaanissat
  • Kalaallisut qallunaatullu oqalunnikkut allakkatigullu erseqqissuliorluarsinnaassasutit, tamannali piumasaqaataanngilaq
  • Misissueqqissaartarnermut annertuumik piginnaasalik sulianullu qaffasissumik killiffilik
  • Politikkikkut aaqqissuussatut aqutami paasisimasaqarluartoq suliffigissallugulu misilittagaqartoq
  • Allattoqarfik suleqatigalugu namminersorluniluunniit suliassanik assiginngitsunik aaqqiisinnaasoq

Akissaatitut atorfeqarnermilu atugassarititaasut

Akissaatinut atorfeqarnermilu atugassarititaasut, tamatumunnga atatillugu atorfinikkiartornermi atorfeqa-reernermilu angalaneq pequtillu assartorneri, aalajangersaaffigineqassapput atorfininnermi piffissami isumaqatigiissuteqarneq imaluunniit Namminersorlutik Oqartussani Isumaqatigiissut pineqartullu sulinermini kattuffiata isumaqatiginninniarsinnaatitaasup akornanni isumaqatigiissut malillugu.

Sapaatip akunnerani suliffissaq 40 tiimiuvoq.

Atorfimmut atatillugu sulisunut inissiamik pequsersungaanngitsumik innersuussisoqarsinnaavoq maleruaqqusat atuutut naapertorlugit. Illumut attartornermi qularnaveeqqusiinermullu akiliisoqartassaaq iniossamik innersuussinermi maleruagassat atuuttut naapertorlugit. Ineqarnermut akiliut inissiallu pitsaassusaa nikerarsinnaapput inissiap pisoqaassusaa, piginnitooqarneranut pissutsit il.il. apeqqutaallutik.

Sulisutut inigisaq atorfeqarnerup taamaatinnerani qimanneqassaaq. Ataavartumik sulisutut ineqarnissaq utaqqinarsinnaavoq, taamaattumillu utaqqiisaasumik ineqartitsisoqarsinnaavoq, tassunga ilaatillugit inissia-qatigiinneq imaluunniit akunnittarfiit inaataaniisinnaaneq.

 

Attavissat

Atorfik pillugu annertunerusumik paasissutissat allattoqarfiup pisortaanut, Nuka S.Nathanielsenimut, nuna@avannaata.gl –mut, oqarasuaat (+299) 38 76 08-mut piniarneqarsinnaapput.

 

Qinnuteqarnermut killissaq

Qinnuteqaat ilinniagaqarsimanermut suliffigisimasanillu paasissutissartalik, soraarummeernermi uppernarsaatit assilinerinik il.il. ilanngussartalik HR-p immikkoortuani tiguneqareersimassaaq kingusinnerpaamik ulloq 9. juli 2020.

 

Qinnuteqaat uunga nassiutissaaq:

Avannaata Kommunia
HR-afdelingen
Postboks 1023
3952 Ilulissat
Imaluunniit e-mail-ikkut: hr@avannaata.gl