Skip to main content
67

Dette jobopslag er udløbet

Allagarsiuteqqitaq Avannaata Kommunia Ilaqutareeqarnermut Ingerlatsivik meeqqanut inuusuttuaqqanullu sullissinermi siunnersortissarsiorpoq

Avannaata Kommunia, Ilaqutareeqarnermut Ingerlatsivik piaartumik imaluunniit isumaqatigiissuteqarnikkut atorfinittussamik meeqqanut inuusuttuaqqanullu sullissinermi siunnersortissarsiorpoq.

 

Meeqqanut inuusuttuaqqanullu sullissinermi siunnersortitut atorfik Ilulissani qitiusumik ingerlatsivimmi inissisimavoq.

Atorfimmi pingaarnertut suliarineqassapput Ilaqutariinnut immikkoortortaqarfinni illoqarfinniittuni sullissinermi pitsaasumik ingerlatsinissamik siunnersuineq, inatsisit atuuttut tunngavigalugit qulakkeerinninneq aammalu sulianik ingerlareersunik nakkutilliineq.

 

Atorfik unammillernartuusinnaammat piumasaqaataavoq akisussaaffimmik tigummisaqarsinnaaneq, eqqarsartaatsikkut aalajaatsumik inissisimanissaq, aammalu paaseqatigiilluni suleqateqarsinnaaneq.

 

Meeqqanut inuusuttunullu siunnersortip Ilaqutariinnermut Ingerlatsivimmi pisortaq- fagchef qaninnerpaamik qullersarissavaa.

 

Suliassat aamma akisussaaffiit:

 

  • Meeqqanut sullissinermi, misissuinerni kiisalu suliniuteqarnermi siunnersuineq.
  • Meeqqamut suliniutaasunik, matumani aamma angajoqqaanngortussanut suliuniutinik nakkutilliineq.
  • Meeqqanut sullissunermi inatsisit tunngavigalugit aaliagingassanik nakkutilliineq ingerlatitseqqinnerlu.
  • Meeqqanut peqqussummut naapertuuttumik ikiorsiissutissat tamaasa eqqarsaatigalugit nakkutilliinermut, siunnersuinermut kissalu paasissutissanik ingerlateqqiisarnermut akisussaaneq.
  • Meeqqanut kommuni aqqutigalugu ulloq unnuarlu angerlarsimaffinnut inissinneqarsimasunut immikkut ittumik nakkutilliinermik siunnersuinermillu suliaqarneq, immikkoortartoqarfinni inissiinermi malitassat ilitsersuutillu malinneqarnissaannik qulakkeerinninneq, kiisalu iliuusissatut pilersaarusiortarnerit nutarterneqartarnissaannik qulakkeerinninnissaq.
  • Meeqqat pillugit suliassani susassaqartut akimorlutik najugaqarfimmi suleqatigiinnerannik najugaqarfimmilu meeqqanik kiguaassiuutitigut kannguttaatsuliorfigineqarsimasunut upalungaarsimanermik nakkutilliineq.
  • Meeqqanut katsorsaanermi suliniutit suleqatigisat avataaneersut eqqarsaatigalugit, ingammik Namminersorlutik Oqartussanut, ulloq unnuarlu angerlarsimaffinnut allatigullu pisortani oqartussanut, suliniaqatigiiffinnut naalakkersuinikkut attuumassuteqanngitsunut (suliniaqatigiiffiit naalagaaffimut attuumassuteqanngitsut) kiisalu piumassutsiminnut suliniartunut, kommunimut sinniisuuneq.
  • Kommunimi meeqqanut tapersiisarnermut atatillugu aningaasartuutinik malinnaaneq; suliassaqarfimmi takussutissanik suliaqartarnermi kiisalu missingersuusiortarnermi suleqataanermut atatillugu aqutsisutut inissisimaneq.

 

Piumasaqaatit:

 

  • Isumaginninnermi siunnersorti - ajornanngippat meeqqanut inuusuttuaqqanullu immikkoortunut pikkorissartarsimaneq
  • Kalaallisut oqaaseqarneq, aammalu ajornanngippat danskisut attaveqarsinnaaneq
  • Innuttaasut atugaannik aammalu kulturikkut ilisimasaqarneq

 

Akissaatit atorfeqartitaanermilu atugassarititaasut:

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

 

Pinerlussimannginnermut meeqqanillu pinerliisimannginnermut uppernarsaat:

Atorfininnermut atatillugu piumasaqaataavoq, pinerluuteqarsimanermut uppernarsaat aamma meeqqanik pinerliisimannginnermut uppernarsaat pillugit naammaginartunik ilisimatitsissutinik tunniussinissaq. Taakku qinnuteqartumit akuerineqarlutik atsiorneqareerpata, sulisitsisup Rigspolitiinut pissarsiariniassavai.

 

Atorfimmut atatillugu inissaqartitsisoqarsinnaavoq, taamatullu atorfininnermi akiliunneqarluni angalasoqarlunilu pigisat assartorneqassapput, malittarisassat qaqugukkulluunniit atuuttut naapertorlugit.

 

Paasissutissat:

Paasisutissat aaneqarsinnaapput saaffiginninnermi, Ilaqutaareeqarnermut Ingerlatsivimmi pisortaagallartumut Aka Grønvold-imut oqarsuaat +299 38 77 41, e-mail akgr@avannaata.gl immaluunniit Ilaqutareeqarnermut fagchef-ngallartumut Aviâja Madsen-mut oqarsuaat +299 38 76 04 e-mailikkut avma@avannaata.gl.

 

Kingusinnerpaamik qinnuteqarfissaq:

Qinnuteqaat, ilinniarsimanermut allagartat, CV, oqaaseqaatit paasissutissallu attuumassuteqarsinnaasut allat, sulisoqarnermut immikkoortortaqarfimmut nassiunneqassapput kingusinnerpaamik 5. marts 2020.

 

Qinnuteqaat uunga nassiunneqassaaq:

 

Avannaata kommunia
Sulisoqarnermut immikkoortortaqarfik
postboks 1023
3952 Ilulissat
E-mail: hr@avannaata.gl