Skip to main content
63

Dette jobopslag er udløbet

Allagarsiuteqqitaq – Avannaata Kommunia Ilaqutareeqarnermut Ingerlatsivik meeqqanut inuusuttuaqqanullu sullissinermi angalasartumik sulisussarsiorpoq

Avannaata Kommunia, Ilaqutareeqarnermut Ingerlatsivik piaartumik imaluunniit isumaqatigiissuteqarnikkut atorfinittussamik meeqqanut inuusuttuaqqanullu sullissinermi angalasartumik sulisussarsiorpoq.

 

Avannaata Kommuniani illoqarfinni nunaqarfinnilu sullissinerup pittanngorsaavigineqarnissaa siunertaralugu atorfik pilerisinneqarpoq, suliassat meeqqanut, inuusuttuaqqanut ilaqutariinnullu inatsisit tunngaviusut tunngavigalugit pitsaasumik suliarineqartarnissaat siunertarineqarluni. Sulinermi immikkoortortaqarfinni sullisissut peqatigalugit ulluinnarni suliaqarfinnut tunngassuteqartut suliarineqartassapput.

 

Ukioq kaajallallugu angalanerit ingerlanneqartassapput, angalanerit suleqatit peqatigalugu marlukkaarluni ingerlanneqartassallutik. Angalasartut piffissaq sivikitsoq atorlugu aallartarsinnaaneq piareersimaffigissavaa.

 

Atorfik unammillernartuusinnaammat piumasaqaataavoq akisussaaffimmik tigummisaqarsinnaaneq, eqqarsartaatsikkut aalajaatsumik inissisimanissaq, aammalu paaseqatigiilluni suleqateqarsinnaaneq.

 

Isumaginninnermi siunnersortip angalasartup Ilaqutariinnermut Ingerlatsivimmi pisortaq - fagchef qaninnerpaatut qullersarissavaa.

 

Suliassat aamma akisussaaffiit:

  • Meeqqanut inuusuttuaqqanullu sullissinermi; misissuinerni kiisalu suliniuteqarnermi sullisseqataaneq                  
  • Meeqqanut sullissunermi inatsisit tunngavigalugit aaliagingassanik sullisseqataaneq
  • Avannaata Kommuniani sumiiffinni tamani sullitat allattorsimaffiannik ingerlatsineq
  • Avannaata Kommuniani immikkoortortaqarfinni pisariaqartitsisoqartillugu nukinginnartunikllu suliassaqartillugu suleqataaneq
  • Suliat inatsimmut naapertuuttumik suliarineqarnerat qulakkeerlugu, Ingerlatsiviup kommunillu anguniagaanik aqutsisoq suleqatigalungu. Aqutsisumut meeqqaanut inussuttunullu immikkut ittumik suliniummi ataqatigiissaarisumut paasisutissanik nalunaarsuineq. Angalareernerillu kingorna nalunaarusiorneq.
  • Kommunip iluani sullissunertup pitsanngorsarneqarneranut peqataaneq, aammalu inatsisit malinneqarnissaannut suleqataaneq

 

Piumasaqaatit:

  • Isumaginninnermi siunnersorti, assigusumilluunnit ilinniagaqarsimaneq - ajornanngippat meeqqanut inuusuttuaqqanullu immikkoortunut pikkorissartarsimaneq
  • Suleqatigiinni sulisinnaaneq suleqatiginninnissamut piginnaasaqarneq, allanillu akuutitsisinnaaneq  
  • Attaveqarnissamut ilitsersuussinissamullu piginnaasaqarneq
  • Periarfissanik isiginnissinnaaneq
  • Kalaallisut oqaaseqarneq, aammalu ajornanngippat danskisut attaveqarsinnaaneq
  • Innuttaasut atugaannik aammalu kulturikkut ilisimasaqarneq

 

Akissaatit atorfeqartitaanermilu atugassarititaasut:

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

 

Pinerlussimannginnermut meeqqanullu pinerliisimannginnermut uppernarsaatit:

Atorfininnermut atatillugu piumasaqaataavoq, pinerluuteqarsimanermut uppernarsaat aamma meeqqanik pinerliisimannginnermut uppernarsaat pillugit naammaginartunik ilisimatitsissutinik tunniussinissaq. Taakkku qinnuteqartumit akuerineqarlutik atsiorneqareerpata, sulisitsisup Rigspolitiinut taakku pissarsiariniassavai.

 

Atorfimmut atatillugu inissaqartitsisoqarsinnaavoq, taamatullu atorfininnermi akiliunneqarluni angalasoqarlunilu pigisat assartorneqassapput, malittarisassat qaqugukkulluunniit atuuttut naapertorlugit.

 

Paasissutissat:

Paasisutissat aaneqarsinnaapput saaffiginninnermi, Ilaqutaareeqarnermut Ingerlatsivimmi pisortaagallartumut Aka Grønvold-imut oqarsuaat +299 38 77 41, e-mail akgr@avannaata.gl immaluunniit Ilaqutareeqarnermut fagchef-iungallartumut Aviâja Madsen-mut oqarsuaat +299 38 76 04 e-mailikkut avma@avannaata.gl.

 

Kingusinnerpaamik qinnuteqarfissaq:

Qinnuteqaat, ilinniarsimanermut allagartat, CV, oqaaseqaatit paasissutissallu attuumassuteqarsinnaasut allat, sulisoqarnermut immikkoortortaqarfimmut nassiunneqassapput kingusinnerpaamik 5. marts 2020.

 

Qinnuteqaat uunga nassiunneqassaaq:

 

Avannaata kommunia

Sulisoqarnermut immikkoortortaqarfik

postboks 1023

3952 Ilulissat

E-mail: hr@avannaata.gl