Skip to main content
99

Dette jobopslag er udløbet

AC-Fuldmægtigi Avannaata Kommuniani Borgmesterip Allattoqarfianut

Avannaata Kommunia Ilulissani Borgmesterip Allattoqarfiani en AC-fuldmægtigissarsiorpoq.

 

Avannaata Kommunia Kalaallit Nunaanni kommuniuvoq nutaaq 1. januar 2018 pilersinneqartoq. 522.700 km²-it missaannik isorartussuseqarpoq 10.650-illu missaannik (2017) innuttaqarluni kommunimi illoqarfinnut sisamanut nunaqarfinnullu 23-nut siammarsimasuni. Illoqarfiit tassaapput Ilulissat, tassani Kommunip allaffia ippoq, Uummannaq, Upernavik og Qaanaaq. Pinngortitami immikkut ittunik naleqartitaqarluni Avannaata Kommunia kulturikkut sunngiffimmilu immikkut illuinnartunik kommunimi neqerooruteqartutut kommuni imminut nittarsaassinnaavoq, ullumikkullu kommuni takornarissanit nunanit allaneersorpassuarnit ukiumit tikeraarneqartarpoq.

 

Avannaata Kommunia kommunitut nutaatut politikerinik sullissinermik pitsanngorsaallunilu kiffartuussissaaq innuttaasunullu kiisalu sulisunut aalajangikkat pillugit ersarissumik ilisimatitsissalluni. Taamaattumik kommuni maannakkoqqissaaq suliassanik iliuusissanillu innuttaasut kommuni pillugu ilisimasanik qulakkeerinniffigineqarnissaat siunertaralugu misissuivoq, nalimmassaavoq, ineriartortitsivoq atuutsitsilerlunilu. Tassunga atatillugu Avannaata Kommuniata sulisut suliamut piukkunnarluartut qitiutippai.

 

AC-Fuldmægtigi nutaaq suliassat politikkimut, allaffissornermut aamma attaveqarnermut tunngasut annermik suliarissavai kiisalu politikerinik innuttaasunillu pikkorissumik eqqortumillu sullississalluni. Taakkununnga ilanngullugit:

  • Borgmesterimik pisortaanermillu allaffissornikkut sullissineq.
  • Suliassaqarfiit akimorlugit aqutsisut akornanni suliatigut tunniussaqarneq, sulisullu allat Borgmesterip Allattoqarfianiittut akuttoqatigiissaartumik ataatsimeeqatiginerat.
  • Kommunip suleqataanut attaveqarnermik isumaginninneq.
  • Suliassanik takkussuuttunik aamma suliniutinik suliaqarneq.
  • Ingerlatsiviit kiffartuussiviillu akornanni suliassanik ataqatigiissaarinermik qulakkeerineq kiisalu suliffeqarfiup iluani kiffartuussiviit akornanni ataqatigiissaarineq.
  • Sulianik aallartereerneqarsimasunik nakkutilliinermik malitseqartitsinermillu qulakkeerineq.
  • Politikkikkut aalajangikkat nakkutiginerannik malitseqartinnerannillu qulakkeerineq.

 

Avannaata Kommunia inuk kalaallisut, qallunaatut tuluttullu oqallorillunilu allallaqqissoq (taamaattoq pinngitsoorani piumasaqaataanngillat) kiisalu bacheloritut kandidatitullu ilinniarsimassutsikkut attuumassuteqartoq ujarpaa. Taakkununnga ilanngullugit:

  • Kalaallit Nunaat, ingammillu Avannaa, pillugu misilittagaqarneq - inuiaqatigiinnut, oqaatsinut kulturimullu tunngasut.
  • Suliffeqarfimmi politikkikkut aqunneqartumi sulinermik misilittagaqarneq
  • Suliassaqarfik pillugu Kalaallit Nunaanni inatsisinik attuumassuteqartunik ilisimasaqarneq kiisalu Kalaallit Nunaanni inatsisinik naliginnaasumik ilisimasaqarneq.
  • Anguniakkat malitseqartinnissaannik nammineerluni piumassuseqarlunilu sulisinnaaneq.
  • Unammilligassanut angusaqarluarniarluni siornigiillunilu suleriuseqarneq.
  • Suliffeqarfiup iluani avataanilu attaveqaqatigiinnermut piginnaasaqarluarneq - kiisalu sutigut tamatigut suleqatiginnilluarsinnaaneq.
  • Akisussaassuseqarneq aamma eqinnaattuuneq
  • Aaqqissuussaasumik sulisinnaaneqpiffissanilu ulapaarfiusuni ataatsimut isiginnissinnaassuseqarneq.
  • Ammasuuneq, suleqatitsialaaneq aamma quiasaarsinnaaneq.

 

Atorfik pisortaanermut attuumassuteqarpoq, atorfillu nutaajummat aqutsisullu peqatigalugit ineriartortinneqartussaammat, AC-fuldmægtigi nutaaq tamatumunnga sunniuteqarluarnissaminut periarfissaqarpoq.

 

Suliffik ulapaarfiusoq inuttut ineriartornissamik periarfissaqarluartoq aamma sulinerup sulinngiffeqarnerullu nalaani misigisassarpassuaqarfiulluni soqutiginartoq unammillernartorlu pineqarpoq. Ilulissaani innuttaasut 4.530-t missaanniittut Ilulissat Kalaallit Nunaanni illoqarfiit anginersaasa pingajoraat illoqarfimmilu atuuffiit pingaarnerit neqeroorutigineqarput, soorlu assersuutigalugu: Pisiniarfiit, cafét, atuarfiit, sullissiviit, napparsimavik aamma inuussutissarsiornermut nunaminertat. Illoqarfimmi kulturikkut sunngiffimmilu atuuffiit tassaapput atuakkanik atorniartarfik, katersortarfik, Kulturikkut Illorsuaq Sermermiut, Ilulissani illorsuaq timersortarfik aamma arsaattarfik. Ilulissat ataatsimeersuarnernut silap pissusaanut, avatangiisinut, nukik minguitsoq aamma nunarsuup kissakkiartornera pillugu qitiukkajuttarpoq.

 

Aningaasarsiat atorfeqartitaanermilu atugassarititaasut.

Aningaasarsianut atorfeqartitaanermilu atugassarititaasut taamatuttaaq  soraarnermilu angalasinnaatitaanerit taamatullu pigisat nuunneqarnerat piffissami sulilerfiusumi Naalakkersuisut pineqartullu kattuffiata isumaqatiginninniarsinnaatitaasup akornanni isumaqatigiissutit atuuttut naapertorlugit pissapput. 

 

Atorfimmut atatillugu inissamik innersuussisoqassaaq, malittarisassat inimut innersuunneqartumut tunngasut sukkulluunniit atuuttut naapertorlugit qularnaveeqqut/attartornermut akiligassat akilerneqassallutik. Atorfimmut atatillugu ini atorfeqarnermut tunngavoq atorfeqarnerullu taamaatinneqarnerani qimanneqassalluni.

 

Pinerlussimannginnermut /pinerluuteqarsimanermut kiisalu meeqqanik pinerliisimannginnermut uppernarsaatit naammaginartuuneri naapertorlugit atorfinitsitsisoqassaaq. Atorfinitsinneqartussap atsiornikkut akuersissuteqarneratigut, uppernarsaatinik atorfinitsitsinissamut oqartussaasut piniassapput, taakkulu Rigspolitimut piniarneqassallutik.

 

Tassunga atorfimmut inuttassarsiornissaq pillugu Avannaata Kommuniata Pointer A/S suleqatigivaat. Taamaattumik Pointer A/S-imi pisortaaneq Inger Ingvardsen +45 29 36 86 36 aqqutigalugu attaviginninnissannut tikilluaqqusaavutit. Saaffiginnissutit tamarmik allanut tusarliunneqaratik suliarineqassapput.

 

Qinnuteqaat piaartumik kingusinnerpaamillu ulloq 19. august 2019 uunga imi@pointersearch.dk nassiunneqassaaq.