Skip to main content
70

Dette jobopslag er udløbet

Remote Sensingimik immikkut ilisimasalimmik

Asiaq, Kalaallit Nunaanni Misissueqqaarnerit, qaammataasiakkut uuttortaanerit nalunaarsornerinut atorfimmik pissanganartumik neqerooruteqarpoq

Neqeroorutigaarput suleqatigiinni remote sensingimi atorfik pissanganartoq unamminartorlu neqeroorutigaarput, tassani qaammataasiatigut uuttortaanerit aallaavigalugit pilersaarusiornerit suliarineqartarlutik. Sulinerput nikerarlunilu siammasissumik ingerlasarpoq, assigiinngissitaartunik attaveqaqatigiinnermi pisartoq. Pilersaarusiagut tamatigut misileraanerit aqqutigalugit imaluunniit niuernikkut ikiuutitigut aningaasalersugaagajupput. Imaassinnaavoq nunap ilusaata aammalu geologiata assilialersornera, avatangiisit misissuiffigineqarnerat imaluunniit sermersiornerup aammalu nunap qeriuaannartup ilisimatusaatigineqarnerini pilersaarusiornerit.

Naatsorsuutigaarput ingerlaqqiffiusumik ilinniagaqarsimanissat aammalu qaammataasiat atorlugit datanik assiliinernut, ajornanngippallu radarit atorlugit tigusanik, misissueqqissaarnernik misilittagaqareersimanissat. Datat annertuut aammalu sulianik qarasaasianut suliassanngortitsinerit suliarissallugit misilittagaqassaatit. Programmerinngiinermut, assersuutigalugu Python, Matlab, IDL imaluunniit R, misilittagaqareersimaguit pitsaassaqaaq. Suleqatigiit ikittunnguuvugut, suleqatigiillu suliattalu siuariartortinnissaannut sunniuteqarluassaatit. Aasakkut ornigulluni sulinissamut periarfissaqarpoq. Siammasissumik suliaqartuni amerlasuunillu suleqateqarfiusumi, Nunatta iluani avataanilu, sulilissaatit.

Sulinermi oqaatsit atorneqartut kalaallisuujussapput, qallunaatut aammalu tuluttut, oqaatsillu taakku pingasut allattariarsornermi oqaluttariarsornermilu atorluarsinnaagukkit iluaqutaassaaq.

Asiaq Namminersorlutik Oqartussat ataanni suliffeqarfiuvoq namminersortitaq avatangiisillu pillugit sumiiffimmit aallaaveqartumik paasissutissiisarneq eqqarsaatigalugu Kalaallit Nunaata paasissutissanut, ilisimasanut piginnaasanullu qitiusoqarfittut pingaarutilimmik atuuffeqarluni suliffeqarfinnut, pisortanut, ilisimatusartunut aammalu inuiaqatigiinnut iluaqutaasussamik. Asiami datat ilaatigut nunaminertanut pilersaarusiornernut, silaannaap ilisimatusarfigineranut, mineraleqassutsip misissuiffigineqarneranut, pinngortitap illersorneqarnissaanut kiisalu illuliornissanut aammalu attaveqarfissanik pilersaarusiornernut atorneqartarput. Nuummi allaffipput sulisunik tunniussimasunik nunanit assigiinngitsuneersunit, assigiinngitsunik kultureqartunik aammalu assigiinngitsunik suliaqartunik sulisoqarpoq – suleqatigiit akulerussimasut persuarsiunngitsumik, ammasumik aammalu suliaqarfiit akimorlugit suleqatigiittut.

Atorfinitsitaanermi atugassarititaasut
Aningaasarsiat atorfinitsitaanermilu atugassarititaasut pissapput Namminersorlutik Oqartussat kattuffiullu attuumassuteqartup akornanni isumaqatigiissutit naapertorlugit. Atorfik 2018-imi novemberip aallartisimalernerani isumaqatigiissuteqarnikkulluunniit inuttalerusunneqarpoq. Qinnuteqarnissammut piffissaq 14. oktober 2018 killeqarpoq. Qinnuteqaat “Remote sensing specialist”imik ilisarnaasissavat aammalu CV, kiisalu soraarummeersimanermut uppernarsaatit attuumassutillit ilanngullugit nassiullugit. Qinnuteqaat mailadressemut asiaq@asiaq.gl-imut nassiutissavat.

 

Ineqarneq
Malittarisassat atuuttuusut malillugit sulinermut atatillugu pequtsersorneqanngitsumik inissaqartitsisoqassaaq. Inissamut innersuussutigineqartumut malittarisassat atuuttuusut naapertorlugit inigisamut akiliisoqarlunilu qularnaveeqqusiisoqassaaq. Atorfimmut atatillugu inigisaq atorfigisamut atavoq atorfeqarnerlu naappaat qimanneqassalluni.

Inigisap pisoqaassusaa, piginnittup atugassarititai il.il. naapertorlugit inigisamut akiliut aammalu inigisap pitsaassusaa nikerarsinnaapput. Atorfimmut atatillugu initaarnissamut innersuunneqarnissaq utaqqinarsinnaammat utaqqiisaasumik inissiisoqarnissaa pisinnaavoq.

 

Paasisaqarnerusukkuit…
… suleqatigiinni aqutsisup Eva Mätzleverip tlf. +299 34 88 83-imut sianerluni imaluunniit e-mailimut: eva@asiaq.gl allalluni imaluunniit pisortap Bo Naamansenip tlf. +299 34 88 11-mut sianerluni attaviginissaannut tikilluaqqusaavutit. Asiaq pillugu paasissutissat allat www.asiaq.gl –imi pissarsiarisinnaavatit.