Skip to main content
80

Dette jobopslag er udløbet

Maskiinalerisut pisortaannik

Arctic Prime Fisheries ApS ingerlatseqatigiiffiuvoq Tunumi Kujataanilu aallaaveqartoq. Kuummiuni, Nanortalimmi, Narsami Qaqortumilu sisamanik tunisassiorfiuteqarpugut kiisalu ningittagarsuutinik kilisaatinillu ingerlataqarluta. Arctic Prime Fisheries Kujataani suliffeqarfiit namminersortut anginersaraat.

Arctic Prime Fisheries Nanortalimmi aalisakkanik suliffissuarmi maskiinalerinermik immikkoortortaqarfitsinnut aqutsisuusussamik maskinchefimik sullerissumik pissarsiorpugut. Maskiinalerinermik immikkoortortaqarfiup suliffissuup iluani silataanilu kiisalu suliffissuarmi atortut, maskiinat trucksillu aserfallatsaaliugassat tamaasa akisussaaffigai. Atorfik aqutsisutut atorfiuvoq marlunnik-pingasunik sulisoqarfiusoq, tunisassiornermi atortut sukkulluunniit pitsaanerpaamik ingerlanissaat qulakkeerniarlugu qanimut suleqatigisassannik.

Atorfik suliffissuarmi siunissami ineriartortitsinerup/allanngortitsinerup suliffissuarmi aqutsisut qanimut suleqatigalugit pilersaarusiorneranik aamma annikitsumik imaqarpoq.

Suliffissuarmi pingaartumik Spaniami Portugalimilu niuerfinnut tunisassiassat qerisuunngitsut qerisullu atorlugit aalisakkanik tarajortikkanik qaffasissumik pitsaassulinnik tunisassiorneq ingerlanneqarpoq.

Piumasaqaatit:

  • Køleteknikkip iluani attuumassutilimmik ilinniagaqarsimaneq aamma/imaluunniit maskiinalerinermik ilinniagaqarsimaneq.
  • Tuluttut piginnaasaqarluarneq
  • Kalaallisut aamma/imaluunniit qallunaatut piginnaasaqarneq
  • Pilersaarusiorsinnaassuseqarluarneq
  • Aqutsinermik misilittagaqarneq

Qinnuteqartumut eqqortumik akissarsiat unammillersinnaassuseqartut neqeroorutigineqassapput, aamma Arctic Prime Fisheriesip atorfimmut atatillugu inissaqartitsisinnaanera periarfissaqarpoq. Arctic Prime Fisheries piginnaasanik ineriartortitsinissaq pillugu pikkorissarnik attuumassutilinik aamma neqerooruteqarpoq.

Arctic Prime Fisheriesimik ineriartortitsinermut peqataanissaq tamatumalu peqatigisaanik pinngortitami alianaatsumi najugaqarnissaq kajumissuseqarfigaagit? Paasissutissanik sukumiinerusunik pissarserusukkuit attaveqarnissamut tikilluaqqusaavutit uunga: Robert Møller, mail rm@apf.gl imaluunniit oqarasuaat +299 38 21 81.

Qinnuteqaat, CV oqaaseqaatillu attuumassuteqartut nassiunneqassapput uunga: personale@apf.gl