Skip to main content
86

Dette jobopslag er udløbet

Arctic Circle Business, Qeqqata Kommuniani inuussutissarsiornermut siunnersuisooqatigiit pisortassarsiorpoq

Maanna pisortaasoq allamik suliffittaartussanngormat, anguniagaqallaqqissumik iliuuseqarsinnaasumillu pisortassarsiorpugut. Pisortaq aqutsilluarnermigut, misissueqqissaarsinnaanermigut suleqateqarnissamullu piumassuseqarnermigut angusaqarluarsinnaasoq ujartorparput. Tamatumani piumasaqaataavoq suliffeqarfimmik ingerlatsineq kiisalu politikkikkut aalajangersaasarnernut peqataasinnaassasutit ilisimasaqassasutillu.

Atorfik neqeroorutigisarput:

Arctic Circle Business tassaavoq Qeqqata Kommuniani inuussutissarsiornermut siunnersuisooqatigiit Sisimiuni Maniitsumilu allaffeqartoq. Arctic Circle Business peqatigiiffiuvoq arlaannaannulluunnit attuumassuteqanngitsoq, siunertaalu pingaarnerit tassaapput nunagisami takornariaqarnikkut inuussutissarsiornikkullu nukittorsaaneq. Aallarnisaasunut siunnersuineq, suleqateqarneq attaveqaatillu atorlugit nittarsaassineq ussassaarinerlu.  

 

Aalajangiisuuvoq illit suleqatigiit akornanni siuttutut suleqataalluarnissat, piumassuseqarluartuussaatit attaveqatigiinnermullu piginnaaneqarlutit. Taamaaliornikkut Arctic Circle Business tapersersorneqarlualersissavat inuussutissarsiornikkullu ineriartortitsinermi suleqatissaqqissutut qitiusutullu inissisimatillugu.

 

Atorfik ACB-ip allaffiani Sisimiuni inissisimavoq. Sisimiut innuttaasumut eqeersimaartumut periarfissarpassuaqartitsivoq, pinngortitaq assigineqanngitsoq alianaalluinnartorlu ukioq naallugu atorluarneqarsinnaasoq najugarfigaarput.

 

Aqutsisuuffigissavatit sulisut pikkorissut tunniusimasullu. Maannamut suliniutit assigiinngitsorpassuit pissanganartullu ingerlapput sulilu arlallit pilersaarutaallutik.

 

Aningaasarsiat pisinnaasat aallaavigalugit inissinneqassapput, immikkut isumaqatigiissuteqarnikkut.

Naatsorsuutigaarput:

 

  • Suliffeqarfik inuussutissarsiornerlu pillugit anguniagaqartuusutit isumassarsiaqarluarlutillu.
  • Suliniutinik aqutsineq misilittagaqarfigilluarpat suliffeqarfinnik qinikkanillu peqataatitsinermi misilittagaqarlutit.
  • Tulluartumik ilinniagaqarnikkut tunuliaqutaqarnissat
  • Suliffeqarfinnut siunnersuinermik, naatsorsuutit pillugit ilisimasaqarnermik aningaasaqarnerlu pillugit ilisimasaqariissasutit.
  • Aqutsinermut paasisimasaqarluassasutit attaveqariaatsinullu nukittuumik inissisimasutut kulturit arlariit akornanni suleqateqarsinnaassasutit.
  • Pitsaassaqaaq kalaallisut qallunaatullu piginnaasaqartuuguit.
  • Suliffimmut atasumik angalanissat annertusarsinnaasut piareersimaffigissagitit.

Apeqqutissaqaruit attavigikkit Juliane Henningsen, tlf. +299 86 35 00, imlt. Siulersuisut siulittaasuat Petrus Olsvig-Kleist tlf. nr. +299 52 76 20

 

Qinnuteqaat

Qinnuteqaatit ilinniakkat, CV oqaaseqaatillu ilanngullugit kingusinnerpaamik tigoreersimassavagut: 11/11 2019. Qinnuteqaat mailikkut nassiunneqassaaq siulersuisut siulittaasuannut Petrus Olsvig-Kleist-imut uunga: pok.sisimiut@stark.gl


Illoqarfimmi allameersumut atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. 

Atorfininnissamut oqaloqatiginninnerit ataavartumik ingerlanneqassapput.

Tusarfiginissat qilanaaraarput.