Skip to main content
89

Dette jobopslag er udløbet

Arctic Circle Business pisortassarsiorpoq

Sulisussarsioqqinneq

Nunap immikkoortuani inuussutissarsiornermi Inuutissarsiutitigut Siunnersuisoqatigiit aaqqissugaaneranut pisortassarsiorpugut, assigiinngitsorpassuarnik suliassartalimmik suliffittaarusuppit, ”sungiusaasutut peqataasutut” isumassarsiullaqqissunik, ingerlatsisunik soqutiginartunik piukkunnartunillu qanimut suleqateqarusuppit? Suliffeqarfimmi allanngorartumi ineriartornissamullu periarfissarissaartumi suleqataarusuppit? Taamaappat Arctic Circle Businessimi pisortatut atorfik ilinnut tulluarsinnaavoq.

Arctic Circle Business tassaavoq Qeqqata Kommuniani najukkami Inuutissarsiutitigut Siunnersuisoqatigiit Sisimiuni Mani-itsumilu allaffeqarfeqartoq. Arctic Circle Business suliffeqarfiuvoq namminersortoq pingaarnertullu anguniagaralugit najukkami takornariaqarnermut inuussutissarsiornermullu ulappuffioreersumut siuarsaanissaq, oqaloqatigiinnikkut siunnersuinikkullu aallartisaanissaq, attavissaqartitsinissaq, piorsaanissaq, attavinnik ataavartitsinissaq, siammarterinissamut pilerisaarinissamullu nukittorsaanissaq.

Makkuninnga piginnaasaqarnissat naatsorsuutigaarput:

• Suliffeqarfimmiiffigisami najukkamilu inuussutissarsiutinut atatillugu nutaanngorsaanissamut takorluugaqarsinnaaneq isumassarsiorsinnaanerlu

• Namminersortunik politikerinillu peqataatitsinikkut suliniutinik aqutsinermut misilittagaqarneq

• Naapertuuttumik ilinniagaqarsimaneq

• Suliffeqarfinnut siunnersuinermik ilitsersuinermik, kukkunersiuinermik aningaasaqarnermillu misilittagaqarneq

• Kulturit assigiinngitsut ataqatigiinnerannik aqutsinermillu paasisimasaqarneq

• Kalaallisut/ danskisut/ tuluttullu paasisinnaaneq ilisimasaqarnerlu

 

Inuttut allat misigissusaannik takunnissinnaassaatit, inoqatinnik attaveqarluarsinnaallutit suliffeqarfimmi avataanilu poli-kerinik sutigut tamatigut suleqateqarluarsinnaallutit. Nunap immikkoortuani suliffeqarfiit Arctic Circle Businessip su-leqatigai pingaarutillit, taamaammallu suleqatigiinnerup pitsaasuunissaanut iliuuseqartarnissat pingaaruteqarpoq – taamaaliornikkullu suleqatigiit suleqatigiuminartutut ileqqorissaartutullu saqqummertarnissarput qulakkiissallugu.

Ulluinnarni Sisimiuni allaffeqassaatit, suleqatissatillu piumassuseqarluartut pikkorilluinnartullu amerlanngitsut pisortaaffigissallugit. Nunap immikkoortuani tamarmiusumi suliassaqartassammat angalasarnissat naatsorsuutigissavat.

Akissarsiassanut piginnaasanullu tunngasut immikkut isumaqatigiissutigineqassapput.

Apeqqutissaqaruit siulersuisuni siulittaasoq anette@hotelsisimiut.gl-imut imal. mobil +299 52 76 16-imut imaluunniit siulittaasup tullia Henrik Sachse mobil +299 52 66 08-imut attavigisinnaavat.

Atorfininnermi angalaneq, pequtinik angallassineq sulisunullu inissiamik neqeroorfigineqarnissaq periarfissaapput, inis-siamullu depositum, ineqarnermut akiliut, atuineq allallu maleruagassat illoqarfinnit allanit qinnuteqartunut qaqugukkulluunniit atuuttut naapertorlugit akilerneqassapput.

Atorfinitsitsinissamut oqaloqatiginnittoqartarumaarpoq.

Qinnuteqaat ilinniakkat pillugit paasissutissartalik, CV kiisalu oqaaseqaatit kingusinnerpaamik 21/01 2020-imi tigoreersimassavavut. Qinnuteqaat siulersuisuni siulittaasumut Anette Lingsimut e-mailikkut uunga: anette@hotelsisimiut.gl nas-siunneqassaaq.

Tusarnissat qilanaaraarput!