Skip to main content
148

Dette jobopslag er udløbet

Qeqqani Allorfik allatsissarsiorpoq

Qeqqani Allorfik 2023-imi februaarip ulluisa aallaqqaataanniit novembarip ulluisa 30-iata tungaanut atorfeqartussamik allatsissarsiorpoq. Pingaarnertut suliassatit tassaassapput allatsitut suliassat innuttaasunillu aanngajaarniutinik aningaasanoornermillu pinngitsuuisinnaajunnaartunik katsorsaanermut atatillugu sulianik ingerlatsineq.
Sap. ak. nal. ak. suliffiusussat: 40

Qeqqani Allorfik tallimanik katsorsaasoqarpoq. Sullissivimmi kiffartuunneqarput Qeqqata Kommuniani innuttaasut eqqarsartaatsimik allannguinikkut pissusilersornermik aaqqisuussamik kinguneqartussamillu allannguineq aallaavigalugu imigassamik, hashimik aningaasanoornermillu pinngitsuuisinnaajunnaarsimasunik katsorsaaneq. Sullissivik aaqqisuussaanikkut Nuummi Pinngitsuuisinnaajunnaarnermik paasisimasaqarfiup, ilaatigut siunissami katsorsaanissamut nuna tamakkerlugu pilersaarut tunngavigalugu katsorsaasalernernik isumaginnittup ataani inissisimavoq.

Allaffissornikkut ingerlatsinermik ilinniarsimasumik ass. ilinniagartuutut ilinniagalimmik pissarsiorpugut – suliassatillu allat tassaapput:

  • Katsorsaanermut tunngatillugu innuttaasut saaffiginnissutaannik suliaqarneq takkullutilluunniit saaffiginnittunik sullissineq.
  • Innuttaasunik aanngajaarniutinik aningaasanoornermillu pinngitsuuisinnaajunnaarsimasunik katsorsartikkusuttunik innersuussineq.
  • F2-mi mailinik, atuagaaqqianik, maleruagassianik ilitsersuutinillu aaqqisuussineq.
  • Innuttaasut katsorsartittussat piffissaannik inniminniineq.
  • Katsorsartereernerup kingorna paasissutissanik KN-ASI-mut toqqorterineq.
  • Innuttaasunut sammisaqartitsinernik aaqqisuussineq peqataanerlu.
  • Sullissivimmi pisiassanik allaffimmilu suliassanik allanik isumaginninneq.

Naatsorsuutigaarput

  • Inunnik sullissinermik soqutigisaqartuunissat
  • Inuttut ammasuunissat akuersaartuunissallu
  • Innuttaasunik qitiutitsisinnaanissat
  • Namminersorlutit allaffiullu nalinginnaasup avataani sulisinnaanissat
  • Qarasaasiakkut sullississummik Office-pakkimik- pingaartumik Word aamma Excelimik sungiussisimanissat
  • F2-mik ilisimasaqarnissat

Qinnuteqarfissaq kingulleq:
20. december 2022

Atorfik pillugu apeqqutissallit Allorfiup pisortaanut Birgit V. Niclasenimut oqarasuatikkut: 346652 imal. mailikkut: bivn@allorfik.gl /aqutsisumut Tabitha Berthelsenimut oqarasuaatikkut: 584343 imal. mailikkut: babb@allorfik.gl attaveqarsinnaapput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk