Skip to main content
143

Dette jobopslag er udløbet

Allorfiup ineriartortinnissannut peqataarusuppit?

Innuttaasut imigassamik hashimik aningaasanoornermillu ajornartorsiutaasumik atuisut katsorsartikkusuttullu sullinneqarnerat ineriartortitseqataaffigerusuppiuk?

Allorfimmi imigassamik, hashimik aamma aningaasanoornermik katsorsartikkusuttut

sullinnissaanut akisussaaqataalernissannut piareersimavit, misissuinermillu soqutigisaqarlutit?
Taamaappat immaqa illiuvoq Allorfimmi atorfissaqartitarput.

Suliassatit makkuussapput:

  • Allorfiup inuiaqatigiinni qanoq suliaqarneranik sunillu aallutaqarneranik ersarissaaneq
  • Allorfiup iluani attaveqatigiinneq suleqataaffigalugu
  • Nittartakkami nittartakkakkullu inuit naapittarfiini paasissutissat nutarterlugit 
  • Ataqatigiissaarineq allallu Allorfinni katsorsaaffiusut
  • Suliffeqarfinnut atuarfeqarfinnut allanullu ilinniarfinnut paaqqinnittarfinnullu sammisaqartitsinermut paasissutissiisarneq
  • Innersuussinermi kommunini sullissisut pisariaqartitsiffiini ilitsersuinissaq
  • Innuttaasut Allorfimmi katsorsartissimasut telefonikkut malinnaaffigineqassaaq

Ima piginnaasalik ujartugaraarput:

  • Ilinniakkamik ingerlaqqiffiusumik akunnattumik sivisussusilimmik ilinniagaqarsimasoq
  • Innutaasunik oqaloqateqarneq aamma inunnik nutaanik naapitaqarnissamik nuannarisaqartoq
  • Assit atorlugit attaveqarsinnaaneq aamma nittartakkani inuit attaveqatigiittarfiini attaveqarsinnaasoq
  • Tulleriiaarluakkamik torersumillu suleriaaseqassallutit taamatullu allattariarsornikkut oqaluttariarsornermilu
  • Kiffartuussilluartuussaaq sungiussiasuussalluni iluarseeriarsinnaassuseqassallunilu
  • Inunnut inuunerminni artorsaateqartunut soqutiginnittuussaaq

Paasissutissanik suliaqarneq kalaallisut qallunaatullu ingerlanneqartassaaq, taamaammallu marluinnik oqaasiliunissat pisariaqartipparput.

Allorfik innuttaasunut aanngajaarniutinik aamma aningaasanoornermik ajornartorsiutaasumik atuisunut katsorsarneqarnissaminnillu kissaateqartunut katsorsaasarfiuvoq. Pinngitsuuisinnaajunnaarnermik Paasisimasaqarfimmi sulisut assigiinngisitaartut arfiniliupput. Suliffimmi ineriartortitseqataanissamut periarfissaqarpoq aamma paasissutissat avammut siammarternissaanni akisussaaqataasinnaallutik.

Pinngitsuuisinnaajunnaarnermik Paasisimasaqarfik Nuummiittoq nuna tamakkerlugu aanngajaarniutinut aningaasanoornermullu katsorsaanissamut akisussaaffik tigummivaa. Allorfiup katsorsaaviini oqaloqatigiinneq kajumilersitsisoq inullu nammineq imminut ajornartorsiutiminillu isumaqarfinera qitiutillugu katsorsaariaaseq aallaavigalugit katsorsaasoqartarpoq.

Qinnuteqarfissaq ulloq kingulleq
Maajip 26.-at 2021

Atorfik Allorfilluunniit pillugu:
Atorfinnut tunngatillugu apeqqutit attavigineqarsinnaavoq Allorfiup ningiuanut Birgit Niclasen oqarasuaat 525343 mail bivn@allorfik.gl imaluunniit AC-iitut sulisuusoq Sika Brandt Wille, Oqarasuaat 346654 mail bbmi@allorfik.gl.

Allorfik pillugu paasissutissat: www.allorfik.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk