Skip to main content
75

Dette jobopslag er udløbet

Allagarsiuteqqitaq. Pinngitsuuisinnaajunnaarnermut Katsorsaasutut aqutsisoq Allorfik Kujallermut, Qaqortumiittumut

Allorfik innuttaasunut pinngitsuuisinnaajunnaarnermik ajornartorsiutilinnut katsorsaavik Allorfik Kujallermi  katsorsaasut aqutsisussaatut atorfik inuttassarsiorpaa. Aggustip aallaqqaataani (01/08-2020)-mi aallartissinnaasumik imaluunniit isumaqatigiinnikkut sulilernissaat kissaatigaarput.

Ilinniagaqarnermut tunngatillugu naatsorsuutigaarput akunnattumik ilinniaqqiffiusumilluunniit  ilinniaga-qartuusimassasutit soorlu peqqissaasutut, ilinniartitsisutut, meeqqerisutut inunnilluunniit isumaginnittutut kiisalu allaffissornermut misilittagaqarnissat.

Kommune Kujallermi innuttaasut Allorfik Kujallermiit Qaqortumiittumiit sullinneqartarput, taakkuuppullu imigassamik, ikiaroornartumik, aningaasanoornermillu pinngitsuuisinnaajunnaarnikuusut. Taamaattumik.

Aqutsisutut ilaatigut makkuninnga suliaqartassaatit:

  • suleqatinut tamanut Allorfiup avammut kiinnertartorissuaatit.
  • Katsorsaanerup akisussaassuseqarluni ingerlanneqarnera qulakkeertussaavat Allorfiup tarnip pissusaanik ilisimasallit peqatigalugit
  • aanngajaarniutinik pitsaaliuinermi siuttuunissat
  • katsorsariaatsit nutaat piviusunngortinnissaannut akisussaasuussaatit
  • aningaasaliissutinik aqutsisuussaatit

Katsorsaasutut naatsorsuutigaarput:

  • katsorsartinnissamut kajumisssaarisassaatit Motivational Interviewing atorlugu
  • innuttaasunik imigassamik, ikiaroornartumik aningaasanoorajunnermilu katsorsaaneq ilitsersuinerlu
  • katsorsartereernerup kingorna katsorsaaqqinneq, qanigisanilu ilitsersuineq
  • oqaloqatigiittarnerni erseqqissaaneq nunalu tamakkerlugu paasissutissanik katersivimmut nalunaarsuinertalik
  • katsorsartissimasup katsorsartereernerup kingorna pilersaarneqarnera kommunilu ajoqutaasinnaasunik suleqatigiissutigalugu
  • Allorfiup ataani ilinniartitaanernut neqeroorusiornissaanut peqataaneq

Naatsorsuutigaarput:

  • allaffissornermi misilittagaqarnissat
  • katsorsaariaatsimut soqutiginnittuunissat
  • inuttut inissaqartitsisuusutit akuersaartuullutillu
  • innuttaasut salliutissinnaagitit
  • namminersorsinnaallutillu akisussaaffeqartuusutit
  • pinngitsuuisinnaajunnaarneq pillugu ingerlaavartumik ilinniaqqinnissat kissaatigigit
  • faginut arlalinnut sammisut akimorlugit suleqatiginnissinnaassutit faginillu allani ilinniartitsisinnaasutit

Katsorsaaneq annermik kalaallisut ingerlanneqartarpoq oqalutseqarsinnaaneq periarfissaalluni, ilinniarnerlu qallunaatut ingerlanneqartarluni. Taamaattumik marluinnik oqaaseqartuunissat pingaaruteqarpoq.

Allorfimmi katsorsaaneq paasinnittaaserlu aqqutigalugu ilaqutariinnut katsorsaaneq pillugu sakkut atorlugit katsorsaariaaseq ingerlanneqartarpoq. Ilinniarsimasuunngikkuit ilinniaqqinnissat Allorfiup isumagissuaa. Supervisions-, psykoterapuet-itut imaluunniit assingusumik ilinniarsimassaguit iluaqutaassaaq. Taamaanngippat Allorfiup ilinniaqqissinnaanerit isumagissuaa.

Allorfiup immikkoortortai suleriaatsip aggulunneqarnerini Pinngitsuuisinnaajunnaarnermik Paasisimasaqar-fiup Nuummiittup ataaniipput, nuna tamakkerlugu aanngajaarniutit aningaasanoorajunnermullu suliniutinut akisussaasuupput. Atorfinni suleqatigiilluni sulinikutinut akuussaatit, kiisalu supervisionertinneqartarnissannut neqeroorfigineqassaatit.

Qinnuteqarfissaq kingulleq: Juunip 18.-at, 2020

Atorfik pillugu apeqqutissaqaruit attavigissavat nakorsatut siunnersortaaneq, Allorfimmi ingerlatsisoq Birgit Niclasen oqa. 525343, mail bivn@allorfik.gl immaqaluunniit aqutsisoqarfiup ningiua Johanne Kjølby oqarasuaat 58 18 55, mail jokj@allorfik.gl aamma Allorfik Avannaani siunnersorti Birgit Hansen + 299 562992, mail: biha@allorfik.gl

Allorfimmut tunngatillugu paasissutissat: www.allorfik.gl

Pineqaatissinneqarsinannginnermik- Meeqqanillu innarliisimannginnermik uppernarsaatit
Tamatumuuna naatsorsuutigineqassaaq Pineqaatissinneqarsimannginnermik- Meeqqanillu innarliisimannginnermik uppernarsaatinik pisinnaanermut akuersissut piumaneqassammat nammineq uppernarsaatit taakkua nassanngikkukkit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk