Skip to main content
100

Dette jobopslag er udløbet

Sullitanik kiffartuussivimmi ikiorti

Sullitanik kiffartuussineq nuannarilluarpiuk, aammalu eqaatsumik sulisinnaaguit, ammasuuguit sullitanillu kiffartuussillaqqissuullutit – immaqa suleqatigisinnaavatsigit.

Air Greenland Nuummi qullersaqarfimmi Sullitanik Kiffartuussivimmi ikiortissamik, kiffartuussinissamik ilisimaarinnittumik sulisussarsiorpoq.


Sullitanik kiffartuussiviup pingaartumik sullitat inuinnaat inuussutissarsiutinillu ingerlataqartut, ilaatigut Air Greenlandip angallavii angalanissanullu pilersaarutai, tunisassiat il.il. pillugit oqarasuaatikkut, e-mail-ikkut chat-ikkullu tuniniaanerit ikiuisarnerillu suliarai, sullitanit maalaarutit aallartittarpai suliaralugillu, kiisalu angalanissanik pisiniarnermut ikiuinerit angalanerullu nalaani tassanngaannartumik ikiortariallit isumagisaralugit.


Piffissat suliffiusut allanngorartarput, aammalu uullaakkut, ullukkut unnukkullu pigaartuusarnernut, kiisalu sapaatit akunnerisa naanerini/ulluni nalliuttuni pigaartuusarnernut ilaassaatit.

 

Suliassatit ilaatigut tassaasarput:

  • Air Greenlandip angallaviini bilitsinik tuniniaaneq, allannguisarneq tamaatitsisarnerlu
  • Saniatigut pisiassatut tunisassianik, Air Greenlandip angallaviini neqeroorutigineqartunik tuniniaaneq ilitsersuisarnerlu
  • Angalanissaq sioqqullugu, nalaani kingornaluunniit paasissutissiisarneq, ilitsersuussisarneq siunnersuisarnerlu
  • Maalaarutinik aallartitsisarneq suliaqartarnerlu

 

Ukununnga piginnaaneqarnissat naatsorsuutigaarput:

  • Tuniniaanermik angallassinermilluunniit inuussutissarsiornermi misilittagaqarsimassasutit
  • Sulisunut salliusunut suleqataasimassasutit imaluunniit tuniniaanermut kiffartuussinermullu attumassutilimmik ilinniagaqassasutit/pikkorissarsimassasutit, periarfissaqarpugut ilinniartinnissannik
  • Kalaallisut, danskisut tuluttullu oqalussinnaassasutit allassinnaassasutillu
  • IT-mut atortunik atuilluarsinnaassasutit – Office pakken ilisimasaqarfigilluassagit
  • Amadeus Reservation-imik aamma Ticketing-ingimik ilisimasaqarnissat iluaqutaassaaq

 

Ilinnut tunngasut:

  • Kiffartuussinermik ilisimaarinnittuussaatit, iliuuseqarluarsinnaassuseqassaatit aammalu namminersorlutit aalajangiisinnaassuseqassallutit
  • Ammasuussaatit, nassaarsiortuussaatit isumagissaartuussaallutillu
  • Naapertuisuussaatit aammalu suleqatigiinneq attaveqaqatigiinnerlu piginnaaneqarfigissavatit
  • Ulapissinnaassuseqarluassaatit, pinartoqartillugulu pisariaqartitsineq malillugu eqaatsumik aaqqiisinnaassallutit
  • Aaqqiagiinnginnernik isumaginnissinnaassaatit, maattusuujussaatit utaqqikatajuitsuussallutillu
  • Tuniniaaneq kiffartuussinerlu pikkoriffigissavatit

 

Avatangiisini ilaanneeriarluni ulappuffiusartuni atorfik pilerinartoq unammillernartorlu neqeroorutigaarput.

Atorfimmi inunnut ataasiakkaanut piumasaqaatit naapertorlugit akissarsiaqartitsisoqassaaq. Taakku saniatigut ukiumoortumik sulinngiffeqarnermut atatillugu ilaqutariit angalanissaannut akiliussisarneq, kiisalu sillimmasiissutit ataatsimoortut pilerinartut, ilaatigut piffissaq tamakkerlugu ajutoorsinnaanermut sillimmasiissutinik, ataatsimut inuunermut sillimmasiissutinik kiisalu napparsimmavissuarmiinnermut sillimmasiissutinik ilaqartut ilaatinneqarput. 

 

Atorfik pillugu paasissutissanik annertunerusunik pissarserusukkuit, Sullitanik aallussivimmi immikkoortortami aqutsisoq Nukartangua B. Lyberth - oqarasuaat 343136-mut attavigisinnaavat.

 

Ansøgningsfrist: 15. august 2019

Søg denne stilling