Find job
Dette jobopslag er udløbet
SAQQUMMIUTEQQITAQ Teknikkikkut pilersaarusiortartumik immikkoortortaqarfik ingeniør-imi
Air Greenland Nuummut CAMO plannerimik pissarsiorpoq.
Ingeniørinut immikkoortortaq suleqatigiilluartunik 9-nik sulisoqarpoq, ingerlatseqatigiiffiup timmisartuutaanik DHC-8, BE-200, EC225, EC155, Bell 212 aamma AS350 ullut tamaasa sullissisartunik.
Suleqatigiit tunniusimasut suleqatigissavatit, timmisartuutini suliassat assigiinngiiartut suliassartaasa pilersaarusiornerinik, aserfallatsaaliinissanut piffissanik aalajangersaanermik aammalu timmisartunut atortussanik ataqatigiissaarinermik suliaqartartunik.
Persuarsiorpallaarata suliassat nammassinissaat pingaartinnerpaallugu suleqatigiittarpugut.
Suliassatit akisussaaffitillu
- Suliarissavatit timmisartut aserfallatsaalineqarnissaannut pilersaarusiorneq, timmisartunik taakkulu atortuisa pitsaanerpaamik atuuffeqarnissaat siunertaralugu
- Log cards / Books malinnaatinnerisa isumagineri
- Suliffiup suliarinnittussap sulinermini tunngavigisassaasa qulakkeerneri
Piginnaaneqarfissatit
Flymekanikanikeritut, teknikeritut imaluunniit logistikeritut ilinniagaqarnissat aamma teknikkimik soqutigisaqarluarnissat naatsorsuutigaarput. Timmisartuutileqatigiinni sulinermik misilittagaqaruit iluaqutaassaaq.
Misissueqqissaarneq pikkoriffigissavat, aaqqissuulluakkamik suleriuseqarlutit tamakkiisumillu pisunut malinnaalluarsinnaallutit. Suliffimmi ilaatigut siumut naatsorsoruminaatsunik pisoqarfiusinnaasumi sulineq iluarissavat. Angusaqarumassuseqarlutit, sulianillu naammassinninnissamut killissarititat annilaartaatigissanagit. Nammineerlutit suliumassuseqarlutillu ingerlatsisinnaaneq, aammali suleqatiginninneq, ajornartorsiutigissanngilatit. Tamakku saniatigut IT-lerillaqqissaatit aammalu tuluttut oqallorillutillu allattariarsorsinnaassaatit. Tunulequtarisat misilittakkallu aallaavigalugit ilinniartitseqqinneq pissaaq.
Akissarsiat sulinermilu atugassarititat
Akissarsiat atorfimmut piumasaqaatit naapertorlugit ilinnuinnaq atuuttut. Tassunga ilaapput ukiumut sulinngiffeqarnermi angalanermi ilaqutariit akiliunneqarneri, soraarnerussutigiaqarnissamut aaqqissuussineq sillimmasiissutillu pitsaasut, ilaatigut ajutoorsinnaanermut sillimmasiissut ulloq unnuarlu atuuttoq, ataatsimoorussamik sillimmasiissut kiisalu nunarput qimallugu napparsimaviliartariaqarnermut sillimmasiissut. Maleruagassat atuuttut naapertorlugit atorfininnermi soraarnermilu angalanermut akiliunneqarneq aammalu ineqartinneqarneq.
Annertunerusumik paasiniaaffigineqarsinnaavoq ingeniørinut pisortaq Jens Christensen oqar. +299 34 34 73 imal. mailikkut uunga: Jchristensen@airgreenland.gl
Qinnuteqarnissamut killissarititaasoq: juunip 1.-at, 2023