Skip to main content
152

Nuummut IT Supporter kiffartuussinissamik ilisimaarinnittoq

Kiffartuussinissamik ilisimaarinnittuuit, aammalu Air Greenlandimi, Kalaallit Nunaanni Angalatitsivimmi aamma Hotel Arctic-imi IT-mik atuisunut ikiuunnissamut piareersimavit? Taamaappat atorfik suliffeqarfimmi uummaarissumi pissanganartumilu atorfik allanngorartoq, ilaannilu ulapaarfiusartoq neqeroorutigisinnaavarput september-ip aallaqqataani 2019-minngaanniit atuutilertillugu, imaluunniit isumaqatigiissuteqarnikkut.

 

Atorfiup ilisaritinneqarnera

Air Greenlandimi IT supporteritut IT-mik suliassaqarfimmi katillugit qulingiluanik sulisoqartumi suleqataalersinnaavutit.

IT supporteritut suliassaqarfippiaq inunnik marlunnik sulisoqarfik, taakkulu pingaarnertut suliassaraat:

  • Atuisut IT-mut atortut atorlugit sulineranni ikiuineq, aaqqiisarneq ajornartorsiutinillu pinaveersaartitsineq.
  • Pc-nik, printerinik IT-mullu atortunik ikkussuineq aallartitsinerlu.
  • Pc-mut atortunik assigiinngitsunik ikkussuineq.
  • Piffissap suliffiusup nalinginnaasup avataani pigaartuusarnermut ilaaneq.

 

Angalalaartarnissaq naatsorsuutigineqarsinnaavoq.

 

Piginnaaneqarfiit

Naatsorsuutigaarput, ukuninnga piginnaaneqarfeqassasutit:

  • IT-mik suliaqarnermut attuumassutilimmik ilinniagaqarneq, soorlu IT supporteritut assigisaatulluunniit
  • Ajornanngippat atorfimmi assingusumi misilittagaqarneq
  • Microsoft Windows-imik aamma Office 0365-mik misilittagaqarneq
  • Active Directory-mik, serverimik aamma Citrix-imik ilisimasaqarneq iluaqutaassaaq

 

Inuttut namminersorsinnaassaatit, aaqqissuussisinnaassuseqassallutit pinaveersaartitsisinnaassallutillu. Ulapinnerup nalaani sulianik paasisimaarinninnissamut piginnaaneqassaatit suliassanillu tulleriiaarisinnaassallutit. Utaqqikatajuitsuussaatit, isumagissaarlutit ammasuussallutillu, aammalu atuisunut attaveqarnissaq piginnaaneqarfigissavat. Akisussaassusermik takutitsisinnaassaatit tunniusimasuussallutillu, aammalu pitsaasumik suleqatigiinnerup pingaaruteqarnera paasisimaarissavat,

 

Akissarsiat  atorfimmi inunnut ataasiakkaanut piumasaqaatinut naapertuutissapput. Tamatuma saniatigut ilaqutariit ukiumoortumik sulinngiffeqarnermut atatillugu akiliunneqarlutik angalasarnissaat, kiisalu sillimmasiissutit ataatsimoortut pilerinartut, ilaatigut piffissaq tamakkerlugu ajutoorsinnaanermut sillimmasiissummik, ataatsimoorluni inuunermut sillimmasiissummik kiisalu napparsimmavissuarmiinnermi matussusiinissamut sillimmasiissummik ilaqartut neqeroorutigineqarput.

 

Paasissutissanik amerlanerusunik IT-mut pisortaq Karsten Munk oqarasuaat 343150-imut imaluunniit e-mail kmunk@airgreenland.gl piniarfigisinnaavat.

 

Qinnuteqaatit pappiaqqanik attuumassutilinnik ilaqartillugu www.airgreenland.gl-kkut kingusinnerpaamik 16. august 2019-imi nassiuguk.

 

Qinnuteqarit