Find job
Dette jobopslag er udløbet
Nunanut tamalaanut pisiniartartoq
Air Greenlandip teknikkimut immikkoortortaqarfiani nunanut tamalaanut pisiniartartoq
Suleqatitsinnut pisiniartartunut ingerlassisussanillu piareersaasartunut aaqqissuussisartunullu, Air Greenlandip mittarfinnut nutaanut allannguiartornerani ingerlaavartumillu naleqqussaanerani qulakkeeriniarlutik suleqataasunut suleqataalerusuppit? Taamaappat uani annertunerusumik atuagaqarit!
Air Greenland Pisiniartarnermut Ingerlasussanillu Piareersaasarnermut Aaqqissuussisarnermullu Immikkoortortaqarfitsinni, teknikkimut immikkoortortaqarfimmut supply chain-inik sullissinermik siunertaqartumi pisiniartartumik pissarsiorpoq. Pisiniarneq piginnaaneqarfigigukku, aammalu atorfimmi malinnaaffissat pisariaqartut pilersuiffiginissaat paasisimaarigukku, uani annertunerusumik atuagaqarit.
Pisiniartartutut Air Greenlandip timmisartuutaani amerlasuuni aserfallatsaaliuinermut atortunik pisiniarnerup pilersuinerullu qulakkeernissaa suliassarissavat. Suleqatigiinnut pisiniartartunut ingerlasussanillu piareersaasartunut aaqqissuussisartunullu, tunisassiornermi pisariaqartitanik pilersuinissamut qulakkeerisarnermik, tamatumalu peqatigisaanik suleqatitsinnut pilersuisutsinnullu pissarsiariniakkanik ataqatigiissaarinermik siunertaqartunut suleqataassaatit.
Suliassatit pingaarnerit:
- Ullormoortumik pisiassanik pissarsiniarnerit isumaginninnerillu
- Pilersuisunik isumaginninneq malinnaanerlu
- Forecast-inik ingerlatitseqqittarneq
- Attaveqaqatigiinnernik, piffissaq eqqorlugu aammalu pitsaassutsinik/annertussutsinik eqqortunik pilersuinissamut qulakkeeriffiusussanik ataavartitsineq
- Pissarsianut akiligassanik, fakturat ingerlasarnerinik/iluarsiissutinik akuersissutinillu isumaginninneq
- Sullississutitsinni paasissutissanik isumaginninneq
- Immikkoortortat KPI-vinik malinninnissatsinnik qulakkeerisarneq
Takorloorparput ukuninnga piginnaaneqassasutit misilittagaqassasutillu:
- Attuumassutilimmik ilinniagaqarputit (assersuutigalugu ingerlasussanik aaqqissuussisarnermi piareersaasarnermilu AU assigisaaluunniit) ajornanngippallu suliassaqarfimmi aamma/imaluunniit atorfimmi assingusumi misilittagaqarlutit
- Tuluttut allattariarsorneq oqalunnissarlu piginnaaneqarfigaatit
- Aaqqissuussamik siulliuffiusumillu sulisinnaavutit, aammalu nammineerlutit suliassavit namminersorlutit suliarinissaat nuannaraat
- Suleriaatsinik aalajangiusimannissinnaavutit, tamatumalu peqatigisaanik akisussaaffitit immikkoortortaqarfimmilu suliassatit unamillerfigisinnaallugit
- Lean atorlugu suliat ingerlasarnerinik pitsanngorsaanermik suliaqarnissat soqutigisaraat, aammalu ingerlaavartumik pitsanngorsaasarnermik pilersitseqataasinnaallutit
Suleqatigiinni suliassat naammassinissaannut ikioqatigiittuni suleqataalissaatit. Suleriaatsini silaannakkut angallasseqatigiiffimmi atuuttuni pingaarnerni naleqartitanik suli pitsaanerusunik ineriartortitsinissamut periarfissaqarluassaaq. Inuttut suliatigullu ineriartornissaq pingaartipparput, aammalu suliassanut piareerluarnissat isumagerusupparput.
Suliffeqarfimmi pissanganartumi, piginnaanilinnik sulisoqartumi atorfik neqeroorutigaarput. Inunnut ataasiakkaanut atugassarititaasut atorlugit akissarsiaqartitsisoqassaaq, taakkulu saniatigut ilaqutariit ukiumoortumik sulinngiffeqarnermut atatillugu angalasarnissaat, soraarnerussutisiassat, kiisalu sillimmasiissutit pilerinartut, ilaatigut piffissaq tamakkerlugu ajutoorsinnaanermut sillimmasiissutinik, ataatsimoorluni inuunermut sillimmasiissutinik kiisalu peqqissutsimut sillimmasiissutinik ilaqartinneqartut neqeroorutigineqarput.
1. aggusti 2023-mi atorfinitsitsisoqassaaq, siusinnerusukkut atorfininnissaq periarfissaalluni.
Pisiniartarnermut Pisortaq Tina Chemnitz telefon 533822-mut imaluunniit mail-ikkut tchemnitz@airgreenland.gl aqqutigalugu attaveqarfigalugu paasissutissanik amerlanerusunik pissarsisinnaavutit.
Qinnuteqaat paasissutissanik pappiaqqanillu attuumassutilinnik ilaqartinneqartoq kingusinnerpaamik 26. juuni 2023-mi tiguneqarsimassaaq.
Qinnuteqaatit ingerlaavartumik suliarineqassapput.
Qinnuteqarnissamut killissarititaasoq: juunip 26.-at, 2023