Sullitat klubbiannut aamma nittartakkap ineriartortinneranut sulianut digitalimik aqutsisoq

 

Air Greenlandi annertuumik ineriartorpoq, mittarfiillu allilerneqarnerini takornariaqarnerullu annertusiffiani piffissaq pissanganartoq orninneqarpoq. Taamaattumik periarfissat nutaat aammalu unammillerneqarnerulerneq piareersimaffigissussaavavut.

 

Tamatumanilu nittartagarput aammalu sullitanut klubbi Club Timmisa pingaaruteqarluinnarput. Tunisassiatta qarasaasiakkut ersarissuunerisigut sullitatsinnit ajornanngitsumik pisiarineqarsinnaaneri qulakkiissavarput, Club Timmisamilu ilaasorttatta ajunngitsorsiassanik piffissaq eqqorlugu ilisimatinneqartarnissaat isumagalugu. Sullitallu angalanermini aqqummik tikitassamillu toqqaaniarnerini Air Greenlandimi nittarsaassilluarneq suliassatta pingaarnersaraat.

 

Atorfik

Nuummi nittarsaassinermut aammalu attaveqaqatigiinnermut immikkoortortami sulisut pikkorissut qulit suleqatigissavatit. Suleqatillu peqatigalugit qarasaasiat atorlugit sullissinikkut sullitat pitsaasumik misigisaqartinnissaannut nukittorsaaqataassaatit, minnerunngitsumik Club Timmisami, UX-mi aammalu mailikkut ilaasortanut attaveqaateqarnikkut.

 

Pingaartumik uku akisussaaffigissavatit, Club Timmisap app-iata ineriartortinnera, nittarsaassinerup automatiskimik ingerlanera, website-mik ineriartortitsineq klubbimilu ilaasortat ingerlaavartumik ikiorneri, kiisalu nittarsaassinermik suliallit ussassaarusiornerini ikiuunneq.

 

IT atorlugu ineriartortitsinermik suliassatigut avataaniit siunnersortit aammalu suliffeqarfiit assigiinngitsut ataqatigiissaarinikkut qanimut suleqatigissavatit. Immikkoortumilu sulisut peqatigalugit ussassaarinermut periutsip pitsaasumik ineriartortinneratigut qarasaasiaq atorlugu tuniniaanerup pitsaanerpaaffianiitinnissaanut isumassarsioqataanermut peqataassaatit.

 

Digitalimik suliassanik aqutsisumik misilittagalimmik, immikkullu uku tunngavittut aallavigalugit ineriartortitserusuttumik, pissarsiorpugut:

• Suliffeqarfimmik avataaneersumik suleqateqarluni Club Timmisa app-ip ineriartortinneranut suliamik aqutsineq

• Nittarsaanermut atortoq Agillic atorlugu nittarsaassinermut akisussaaneq

• Club Timmisami ajunngitsorsiassanut atortorisap ineriartortinnera

• Immikkoortortami suleqatit peqatigalugit aaqqissuussinerit ussassaarutillu isikkussaannik ineriartortitsineq

• Assersuutigalugu Google Analytics aamma PowerBI malittarinerisa inissititernerisalu nalunaarusiorneri

• Suliffeqarfik avataaneersoq suleqatigalugu SEM aamma SEO sinaakkusiorneri

 

Atorfimmut pisariaqartitatta uku pikkoriffigissavai:

• Sullitat digitalikkut angalanissaannut tappiffeqarlunilu piviusunngortitsisinnaasoq

• Suliassanik aqutsillaqqissoq

• Misilittagaqarluartoq imaluunniit uku: app-it, digital arkitektur, UX, UI, digital kunderejse assigisaanillu ineriartortitsinermut ilinniagalik

• Teknikkimut pikkorissoq CMS (Umbraco)-millu misilittagaqarluartoq

• Angalatitsivinnit imaluunniit silaannakkut angallannermik suliffeqarfimmiit misilittagalik

• Kalaallit Nunaannik ilisimasalik

• Attaveqallaqqissoq oqaatsinillu arlalinnik atuisinnaasoq

 

Neqerorutigaavut

Atorfik pilerinartoq pissanganartorlu ullullu ilaanni ulapaarfiusartoq unammillernarsinnaasorlu. Piumasaqaatit napertorlugit inummut atorfinittussamut akissarsiat naleqquttut. Atorfik ernisumut taartaaffiusussaq qaammatinut qulinut atuuppoq sivitsorneqarsinnaallunilu.

 

Annertunerusumik paasiniaaffigineqarsinnaavoq Attaveqaqateqarnermut nittarsaassinermullu pisortaq Katja Vahl – Oqar. +299 34 34 51 - mobil +299 58 92 59 imal. e-mail kvh@airgreenland.gl.

 

Qinnuteqarnissamut killissarititaasoq: juunip 12.-at, 2023

Atorfik una qinnuteqarfigiuk