Skip to main content
130

Business Development Manager

Air Greenland Business Development Manager-imik (BDM) niuernermut immikkoortortaqarfimmi 1. oktoberi 2022-mi imaluunniit isumaqatigiissuteqarnikkut atorfinissinnaasumik pissarsiorpoq.

Air Greenlandimi BDM-itut suliniutinik isumassarsianillu, niuernermik ineriartortitsisussanik misissueqqissaarnermik, piviusunngortitsisarnermik naliliisarnermillu suliaqassaatit. Sulinermi sukkulluunniit suiffeqarfissuup piujuartitsiviusumik suliaqarnissamut takorluukkatut nalunaarutigisaa aallaavigineqartussaavoq, aammalu ulluinnaat qulakkeeriffigineqartussaapput misigisassarsiornernillu pilersitsisoqartartussaalluni.

Air Greenlandip piginnittuttalu silaannakkut attaveqaatinik nutaaliaasunik kissaateqarnerannik qulakkeerinissamut, kiisalu Kalaallit Nunaata piuijuartitsiviusumik tunngaveqarluni takornariarfittut pilerinartutut, kalaallit naleqartitaannik pinngortitaq inuiaqatigiillu siunnerfigineqarnerinik aallaaveqartutut ineriartortinnissaanut pingaarutilittut suleqataassaatit.

Atorfimmi suliassat ilaatigut tassaapput
• Atuisut iluarisimaarinninnerinik uuttuisarnermik nalinginnaanngorsakkamik, Net Promoter Score (NPS)-imik, Air Greenland suliffissuani suliassaqarfiit akimorlugit atuutsitsilerneq
• Periusissiornermi suliniuteqarnermilu sulianik aqutsineq
• Kalaallit Nunaannut aamma Kalaallit Nunaanniit angallavissat nutaat suliarineqarnerinut ikiuunneq
• Silaannakkut angallassinermi, takornariaqarnermi akunnittarfeqarnermilu tunisassiassanik   suleqatissanillu nutaanik suussusersiniarneq
• Suliffeqarfiup iluani taamatullu avataani soqutigisaqartuniit niuernermik ineriartortitsiffissanut siunnersuutinik pissarsiniarneq, ujartuineq, naliliisarneq ataqatigiissaarisarnerlu
• Aningaasaqarneq, inuiaqatigiit avatangiisillu aallaavigalugit piujuartitsinissamik suliaqarneq
• Paasissutissanik suliaqarneq misissueqqissaarnerlu. Pingaartumik atuisut pillugit ilisimaarinninnissaq niuerfinnullu nutaanut isumassarsianut malitassat eqqarsaatigalugit
• CCO-mut allaffissornikkut ikiuuttarneq

 

Ilinnut tunngasut
• Ilinniakkamik ingerlaqqiffiusumik attuumassutilimmik ilinniagaqarneq
• Suliassaqarfinni assingusuni misilittagaqarneq
• Sulianik aqutsineq aamma/imaluunniit LEAN-imik ilisimasaqarneq uppernarsarneqarsimasoq
• Danskisut, tuluttut ajornanngippallu kalaallisut oqaatinut piginnaasalik
• Inuiaqatigiit kalaallit kulturiallu pillugit ilisimasaqarluarneq paasisimaarinninnerlu
• Angalanernik silaannakkullu angallassinernik inuussutissarsiuteqarnermik paasisimaarinninneq iluaqutaassaaq

 

Inummut tunngasut
Inuttut aaqqissuussamik tunniusimallutillu sulisinnaavutit, oqallorissuuvutit mikisualunnullu tappissuullutit. Siunissamut ungasissumut periusissiornerit suliarinissaat piginnaaneqarfigaat, taamatullu suliassanik isumaginnissinnaallutit. Tamatuma saniatigut nammineerlutit, akisussaaffeqarlutit aammalu eqqueqqissaarnerup pingaaruteqassusianik paasisimaarinnillutit ingerasinnaavutit. Ilakkuminartuuvutit aaqqiissutissanillu pingaartitsillutit, aammalu aaqqissuussaanerup iluani allanik suleqateqarnissamut piginnaaneqarluarlutit. Aaqqissuussaaneq akimorlugu eqaatsumik sulisinnaavutit attaveqarfinnillu pilersitsinissamut piginnaaneqarluarlutit. Sunniisinnaassuseqarputit aammalu aaqqissuussaanerup immikkoortuini tamani suleqataasinnaallutit.

 

Neqeroorutigaavut
Ingerlatseqatigiiffiup periusissiaa pingaarneq tunngavigalugu atorfik ineriartortuartoq, namminersornissamut akisussaaffeqarfiusoq, aamma illit Air Greenlandillu pisariaqartitasi eqqarsaatigalugit suliatigut inuttullu ineriartornissamut periarfissaqarluartoq.

 

Piginnaaneqarfitit atorfimmilu inunnut ataasiakkaanut piumasaqaatit tunngavigalugit akissarsiaqartitsisoqassaaq. Taassuma saniatigut ukiumoortumik sulinngiffeqarnermut atatillugu angalanernut akiliussisarneq, soraarnerussutisiat, kiisalu sillimmasiissutit pilerinartut, ilaatigut piffissaq tamakkerlugu ajutoorsinnaanermut sillimmasiissummik, ataatsimut inuunermut sillimmasiissummik kiisalu napparsimmavissuarmiinnermut sillimmasiissummik ilaqartut neqeroorutigineqarput.

 

Business Development Manager, Mikkel Søndergård mks@airgreenland.gl aqqutigalugu, CCO Henrik Bjørner Søe hbs@airgreenland.gl aqqutigalugu imaluunniit oqarasuaat +299 34 34 34-mut sianerlutit paasissutissanik amerlanerusunik pissarsiniarsinnaavutit.

qinnuteqaatit tigunerini nalilerneqartarumaarput.

Maana qinnuteqarit