-       ingerlatsivimmi attaveqaateqarnermik aammalu community managementimut akisussaaffilik

Air Greenlandi ineriartupiloorpoq maannalu piffissami mittarfinnik alliliiffiusumi takornariaqarnerullu annertusiartornerani pissanganartunik suliassaqaqaluni. Takorlugaavorlu pitsaasumik misigisaqartitsinissaq, ulluinnaat qulakkeernissaat aammalu takornarialerisut nunatsinneersut peqatigalugit nunatta qaffassarnissaanut peqataanissaq – tamakkulu tamarmik nungusaataanngitsumik tunngaveqarluni pissapput.

Air Greenland taannaarusuppoq atuisut toqqaqqaartagat, nunattalu ataqatigiissinneqarnissaanik anguniagaq suli pitsaanerusuffigerusupparput. Suliarlu taanna attaveqaateqarnermut periusissiamik pisariaqartitsimmat attaveqaateqarnermut immikkoortortatta nukittorsarnissaa aalajangiupparput. Nunatta timmisartuutileqatigiiffiata ineriartortitseqataaffiginissaa soqutigigukku, taava tassunga peqataanissamut periarfissaqalerputit. Attaveqaateqarnermut suliaqartussamik suliffiup iluani avataanullu attaveqaateqarnermut nutaaliorsinnaasumik pissarsiorpugut.

 

Immikkoortortaq

Nuummi Attaveqaateqarnermut Nittarsaassinermullu immikkoortortami sulisut pikkorissut qulit suleqatigissavatit. Suleqatigiillu peqatigalugit Air Greenlandip ilisarnaataa nukittorsassavat suliffeqarfiullu attaveqaateqarnermut ingerlatsivii aqqutigalugit avammut attaveqaateqarneq qulakkeeriffigeqataassavat.

Air Greenlandimi immikkoortortat allat suleqatigissavatit taamatullu aamma pilersuisut avataaneersut. Aamma community management manualimut periusissiaq Air Greenlandillu attaveqaateqarnermut periusissiaa taakkulu ulluninnarni atugaaneri suliassavit ilagaat.

Air Greenlandillu suliffeqarfissuartut attaveqaateqarnermut ingerlatsinerani periusissiat tunngavigalugit suliniutit suliassaqarfiillu annertuumik sunniuteqarfigissavatit.

 

Attaveqaateqarnermut sulisussamik ukunannga pingaartitsisumik pissarsiorpugut:

·      Air Greenlandip 2022-miit 2025-mut attaveqaateqarnermut periusissiaanik atuutilersitsineq

·      Community managementip aamma ingerlatsinermi attaveqaateqarnermut akisussaasoq

·      Air Greenlandip ukiumoortumik nalunaarutaata suliarineqarnerani suleqataasussaq

·      Corporate News-inut attaveqaateqarnerup pilersaarusiorneranik suliaqarneq

·      Tusagassiutitigut nalunaarutit, manuskriptit, web-ikkut nutaarsiassat, intranettikkut atuagassiat, inflight magasin il.il suliarineqarneri

·      Air Greenlandimi pisortat aammalu siulersuisunut ilaasortat Corporate News-inut atatillugu tapersersornissaat

·      Suliffeqarfiup LEAN tunngavigalugu attaveqaateqarnissaanik qulakkeerineq

 

Piginnaaneqarfigisassat

Suliamut pineqartumut ilinniagaqarneq aammalu periusissiat naapertorlugit attaveqaateqarnermut misilittagaqarneq kiisalu digitalikkut attaveqaateqariaatsinik ilisimasaqarneq.

Suliannut pikkorissuunerit qularutiginagu, suleqateqarlutit pitsaanerpaamik aaqqiisinnaaneq anguniagarissavat.

 

Sulianik aqutsineq pikkoriffigalugu suliassavit naammassinissaat aaqqissuulluakkamik ingerlassinnaassavat, suliassallu periarfissat assigiinngitsut aqqutigalugit naammiassinissaannut takunnissinnaallutit. Piumasaqaatit uku naammassissagitit naatsorsuutigaarput

-       Suliffeqarfinni attaveqaateqarnermik ilinniagaqarneq, tusagassiorneq ilinniagarluunniit alla tassunga tunngassutilik

-       Atorfinnit assingusunit misilittagaqarneq

-       Suliamut atatillugu allattariarsullaqqissoq – kalaallisut, qallunaatut aamma tuluttut

-       Nunatsinni inuiaqatigiinnut tunngasunik ilisimasaqarluartoq

-       Ilikkajasoq aammalu digitalikkut attaveqaateqariaatsinik soqutiginnittoq

Neqeroorutigaavut

Atorfik pilerinarlunilu unammillernartoqartartoq, pissanganartoq ilaatigullu ulapaarfiusartoq. Attaveqaateqarnerup ineriartortinneranut pitsaanerpaaffianiinnissaanullu atorfiup piumasaqaatai naapertorlugit piginnaanngorsarluni pikkorissarnissamut periarfissaqassaaq.

Atorfiup piumasaqaataanut naapertuuttumik akissarsiat, atorfinittussamut tulluussakkat. Tassunga ilaapput ukiumut ataasiarluni sulinngiffeqarnermi ilaqutariit angalanerannut akiliunneqarneq, soraarninngornissamut katersineq kiisalu sillimmasiissutit pitsaasut, ilaatigut ulloq unnuarlu sillimasiissut, ataatsimoorussamik sillimmaasiissut kiisalu napparsimaviliartariaqalernermi sillimmasiissut.

 

Annertunerusumik paasiniaaffissaq Attaveqaateqarnermut Nittarsaassinermullu pisortaq Katja Vahl, oqar. +299 34 34 51, mobil +299 58 92 59 imal. e-mail kvh@airgreenland.gl

Air Greenlandip ukiumoortumik nalunaarutaa aamma uani atuarsinnaavat.

Qinnuteqarnissamut killiussaq

Juunip 5-at 2023

 

Atorfimmut tunngasunik apeqqutissaqaruit, soorlu suliffimmut imaluunniit taassuma inissisimaffianut tunngasunik, Sulisoqarnermut immikkoortortaq mailikkut hr@airgeenland.gl-mut imaluunniit oqar. 343201-mut paasiniaasinnaavutit