Find job
Dette jobopslag er udløbet
Akissarsianut siunnersorti
Air Greenland akissarsianut siunnersortimik kisitsisinut systeminullu pikkoriffilimmik pissarsiorpoq.
Akissarsialerinermut immikkoortortap akissarsiat eqqortumik piffissarlu eqqorlugu tunniunneqarnissaat akisussaaffigaa, aammalu akissarsiat naatsorsornerinut maleruagassat eqqortinneqarnerinut ingerlaavartumik qulakkeerisarluni.
Akissarsialerinermut atortut ingerlaavartumik pitsaanngorsarneqartuarput, ammasumik eqaatsumik eqqortumillu akissarsialerineq anguniarlugu aammalu suliffeqarfik paasissutissanik nalunaarusianillu eqqortunik pisariaqartitanik kiffartuussinnaajumallugu.
Maannakkut akissarsianut siunnersortimik ataatsimik sulisoqarpoq, taannalu suleqatigalugu qaammammusiallit, nalunaaquttallu akunnermusiallit akissarsitinneqarnissaannik isumaginnittuussaasi, taamatuttaarlu nalunaarusiortarnerit assigiinngitsut, akileraarutit akilerneri, ATP-mullu ingerlatitseqqinneq, akissarsinik naatsorsueqqissaarnerit il.il. suliassaraasi.
Atorfik Nuummi inissisimavoq, qullersarissavallu sulisoqarnermut immikkoortortami HR-mi pisortaq. Suleqatigiit ingerlalluartut HR-mi allaffissornermik ingerlatsisut, HR-mi ineriartortitsinermik isumaginnittut, kantiina, LEAN aamma kantinami sulisut akuuffigissavatit.
Suliat tungaasigut pisinnaasassatit:
- Allaffimmiutut assingusumilluunniit ilinniagaliusinnaavutit
- Akissarsialerinermik ilisimasaqarluarputit isumaqatigiissutinillu paasinnillaqqillutit
- Kalaallisut, qallunaatut tuluttullu oqalussinnaallutillu allassinnaassaatit
Piginnaasaqarfigissavatit:
- Kiffartuussilluarneq, suliffiup iluani avataanilu
- Pitsaassuseq eqqumaffigalugu nikingassutinillu aaqqiinissaq qulakkeersinnaallugu
- Attavigiuminartuussaatit nassuiaallaqqillutit saaffigineqarnermilu pitsaasumik sullissisinnaallutit
- Suliumassuseqarluarlutit nakkaannajanak angusaqarusuttuullutit
- Pitsaassutsit isumaqatigiissutaasut malillugit sullissinissamik pingaartitsissaatit
Neqeroorutigaavut
• Ilinniartinneqarlutit piginnaasatit annertusarneqassapput, tamannalu misilittakkatit naapertorlugit sivisussuseqassaaq
• Akissarsiat atorfimmut piumasaqaatit naapertorlugit ilinnuinnaq atuuttut. Tassunga ilaallutik ukiumut ataasiarluni ilaqutariit sulinngiffeqarnermi angalaneranni akiliunneqarneq, soraarnerussutisiaqalernissamut aaqqissuussineq aammalu sillimmasiissutit pitsaasut, soorlu ulloq unnuarlu ajutooriataarnissamut sillimasiissut, ataatsimoorussamik sillimmasiissut aammalu napparsimaviliartariaqalernermut sillimmasiissut
• Annertunerusumik paasiniaassaguit una attavigissavat, sulisoqarnermut pisortaq, Director Human Ressources, Mads B. Christensen oqar. +299 34 34 34.
• Qinnuteqaat atorfiummut piumasaqaatit eqqortinnerinu uppernarsaammik imalik Air Greenlandip nittartagaatigut nassiunneqassaaq.
• Qinnuteqaatit tigunerini ingerlaannaq suliarineqartarput. Ulloq atorfiniffissaq isumaqatigissutigineqassaaq.
Pinerluuteqarsimannginnermut uppernarsaat: Piumasaqaatit naapertorlugit uagutsinninngaanniit oqaloqatiginninnissamut aggersaasoqarnerani, minnerpaamik namminerisamik pinerluuteqarsimannginnermut uppernarsaatip atuuttup assilinera qinnutigineqartassaaq.
Qinnuteqarnissamut killissarititaasoq: septembarip 28.-at, 2023