Tuniniaanermi aqutsinermilu piginnaasannik atuinissat pilerigaagit, aamma tuniniaanermi suleqatigiit nukittuut suleqatigisinnaavigit, ineriartortitsiviusinnaasullu annertuut piviusunngortitsivigeqataaffigisinnaavigit? Air Greenlandip siunissaq nutaanik pingasunik mittarfittaarfiusussaq nutaanillu timmisartuutitaarfiusussaq, Kalaallit Nunaanni siunissamik piujuartitsiffiusumik ornitaqarluni ineriartortitsiffiusinnaasoq nukittorsaaffiusinnaasorlu ornippaa.

Air Greenland Kalaallit Nunaanni ingerlatseqatigiiffinni silaannakkut angallassinermik suliaqartuni siuttuuvoq, aammalu nunatsinni kulturimik, pinngortitamik attaveqaatinillu nunarsuup sinneranut piujuartitsiffiusumik atassusiiniarnermi pingaarutilittut inissisimalluni. CCO-tut suliffeqarfiup qullersaanut ilaalissaatit, tassanilu siulersuisut, qullersaqarfik aqutsisooqatitillu qanittumik suleqatigalugit Air Greenlandip niuerfimmi siuttuuneranik tigumminniinnarnissamut, aammalu siunissamut qaninnerusumut ungasinnerusumullu ineriartornissamut periarfissat asseqanngitsut qulakkeernissaannut pingaarutilittut inissisimassaatit.

CCO-tut suliassattut pingaarnertut niuernikkut ineriartortitsinermut tamarmiusumut, aammalu suleqatinik pikkorissunik 40-nik suliinnartitsiniarnermut ineriartortitsinermullu akisussaasuussaatit. Aqutseriaatsinni qanilaartuuneq, tusarnaartuuneq, alapernaatsuuneq suleqatiginnilluartarnerlu pingaarnertut inissisimassapput. Eqqissisimasuuvutit, taamaattumillu maniguulluarlutit saqqummertarlutit. Tamatigut inoqatitit naligalugit naapittarpatit, aammalu ersarissumik, paasiuminartumik politikkertaqanngilluinnartumillu attaveqaqatigisinnaallugit. Nukissaqarneq tunngaviusumillu isumagissaarneq ilinnut inuttut piginnaaneqarfittut akuttunngitsumik oqaatigineqartarput. Tulleriiaaralutit paasissutissanillu, niuerfimmut paasissutissanik aammalu tuniniaanissamut periusissianik suussusersiniarlutit atulersitsiniarlutillu ineriartornermi pisunik atuillutit, tassungalu ilanngullugu atuisunik aallussineq pitsaanerulersinniarlugu atuisunullu ilumoorussineq annertusitinniarlugu iliuusissanut suliassanullu pilersaarutinik attuumassutilinnik, aammalu Air Greenlandip niuerfimmi inissisimaffia unammillersinnaaneralu nukittorsarniarlugit tuniniaanermi suleqatitit peqatigalugit tunisassianik niuerfinnilu pisartunik ineriartortitsinissamik aallussiuarlutit, sulisassaatit.

Kiisalu Air Greenland tamaat isigalugu aallussisinnaassaatit, aammalu tunisassiat immikkoortullu akimorlugit attaveqarsinnaassaatit, kiisalu tuniniaanermi suliniutinut aalajangersimasunut periusissiat ataqatigiinneri takusinnaassallugit. Kiisalu tuniniaanermi suliat ingerlasarnerinik pitsanngorsaanissaq aallussinnaassavat, aammalu Air Greenlandip piginneqatigiiffiutaanik suleqataanillu suleqateqarnissamut periarfissat takusinnaassallugit.
CCO-tut Air Greenlandip angalanissanut pilaarusiortartuinut akisussaasuussaatit, Nunatta Angalatitsiviani, Hotel Arctic-imi siulersuisunut ilaasortaassaatit aammalu Safety Review Board-imut (SRB) ilaasortaassallutit.

Taamaattumik pisortassamik niuernikkut periusissiornermi nukittuumik, aammalu atuisunik aallussinermik, atuisunut ilumoorussinermik Air Greenlandillu unammillersinnaaneranik annertusititsisinnaasumik pissarsiorpugut.

 

Niuernikkut ilinniartitaanermik ingerlaqqiffiusumik ilinniagaqarputit, ukiunilu arlalinni niuernermut pisortatut misilittagaqarputit, aammalu silaannakkut angallassinermi assartuussinermilu misilittagaqalerusupputit, tassani periusissiornermi siunnerfiit aalajangersarneqarnerinut akuusinnaagavit, kisiannili aamma tuniniaanermi nammineerlutit suliaqarsinnaagavit. Aningaasaqarnermik paasisimaarinnilluarputit, aammalu suliffeqarfiup avammut kiinnertarneranik CCO-tut suliassanik nuannarisaqarlutit. Danskisut tuluttullu ajornanngippallu kalaallisut allakkatigut oqaluinnarnikkullu attaveqaqateqarnissamut pikkorilluinnartuuvutit.

Kajuminnartoq saqqummiussinissamillu siunnerfeqarfiusoq Inuttut ammasuuvutit tatiginnilersitsisarlutillu, misigittartuuvutit aammalu pissusissamisuuginnartumik kulturinut allanut ataqqinnissuseqarlutit. Taakkununnga ilagitillugu aqutseriaaseq akuulersitsiviusoq tunniussinissamullu sunniisinnaassuseqarluarneq peqqutaallutik nukissamik pilersitsisassaatit, aammalu suleqativit allallu ilinnut tapersiisinnaanerat ajornannginnerulertassaaq.

Air Greenlandip neqeroorutigai Atorfiup pissanganartup suliatigut inuttullu ineriartornissamut periarfissaqarfiusup saniatigut periusissiornermi aqutsisunut ilaalissaatit, aammalu Air Greenlandimi CEO toqqaannartumik qullersarissavat.

Atorfik atorfeqarnissamut pilerinartunik atugassaqartitsiffiuvoq, akissarsiallu atorfimmi inunnut ataasiakkaanut piumasaqaatinut naapertuuppoq.

 

·Taakku saniatigut ilaqutariit ukiumut ataasiarlutik sulinngiffeqarnermut atatillugu angalanissaannut akiliussineq, soraarnerussutisiat, kiisalu sillimmasiissutit pilerinartut, ilaatigut piffissaq tamakkerlugu ajutoorsinnaanermut, ataatsimut inuunermut kiisalu napparsimmavissuarmiinnermut sillimmasiissutinik ilaqartinneqartut neqeroorutigineqarput

·Inissiaq pequtinillu nassiussineq maleruagassat atuuttut naapertorlugit neqeroorutigineqarsinnaapput

 

Soqutiginnippit? Atorfik pillugu apeqqutissaqaruit Partner Dorthe Flies, Flies HR-imeersoq mobil +299583117-imut imaluunniit +4560833117-imut, imaluunniit dorthe@flieshr.dk aqqutigalugu attaveqarfigisinnaavat.

Atorfiup inuttassarsiorneqarnera Flies HR aqqutigalugu isumagineqarpoq, taamaattumillu tassunga saaffiginnittoqassaaq. Piukkussanik attuumassutilinnik oqaloqateqarnissamut ingerlaavartumik aggersaasassaagut.

Atorfik pillugu allanik apeqqutissaqaruit HR-imi pisortaanermut Mads B. Christensenimut mchristensen@airgreenland.gl aqqutigalugu attaveqarsinnaavutit.

Tusarfiginissat qilanaaraarput.

https://flieshr.gl/chief-commercial-director-cco-til-air-greenland/

 

 

Atorfik una qinnuteqarfigiuk