Skip to main content
149

Dette jobopslag er udløbet

Air Greenlandimik ilusilersueqataarusuppit?

Air Greenlandip Nuummi Teknikkimut Immikkoortortaqarfia Ilitsersuisumik, piaarnerpaamik atorfinissinnaasumik pissarsiorpoq.

 

Ilitsersuisutut piumasaqaatitut aalajangersakkat naapertorlugit suliassat suliarineqarnissaat akisussaaffigissavat, aammalu immikkoortortani iliniartitsinermi najoqqutassat, init atortullu pitsaassusissaattut piumasarineqartut malillugit pitsaassuseqarnissaannut suleqataassallutit.

Namminersorlutit, kisiannili Teknikkeqarnermi sulisut, Pilotit inuttat aamma Technical Training Manager qanittumik suleqatigalugit sulisassaatit.

 

Suliassat pingaarnerit tassaapput:

  • Technical Training Manager/TECH staff planning/mittarfinni kiffartuussiviit suleqatigalugit pikkorissartitsinissanut pilersaarusiorneq, aamma:
  • Teknikkeqarnermi sulisunut tamanut ilisarititsiffiusumik pikkorissartitsinerit
  • Teknikkeqarnermut immikkoortortaqarfimmi sulisunut tamanut Continuation Training
  • Human Factors-imut pikkorissartitsinerit
  • EWIS-imut pikkorissartitsinerit
  • Qimarnussisarnermut pikkorissartitsinerit
  • Familiarization-imut pikkorissartitsinerit
  • Pisariaqalertillugu pikkorissartitsinerit
  • Ilinniartitsissutinik naleqqussaasarnerit
  • Malitassanik attuumassutilinnik saqqummiisarnerit, kiisalu pikkorissarsimanermut uppernarsaatinik toqqorterisarnerit
  • Naqitsissutinik tunniussisarnerit/toqqorsisarnerit nalunaarsuisarnerillu
  • AML-imut nutartikkanik/annertusititanik DTA-mut nassiussisarnerit

 

Taamatuttaaq suliassaqarfinni immikkut ittuni Ilitsersuisup ilinniartitsinermi pitsaassusissatut piumasarineqartoq atuutsiinnassavaa, ilaatigut uku malinnaaffiginerisigut:

  • Teknikkeqarnermut Immikkoortortaqarfimmi ileqqut suleriaatsillu
  • Aserfallatsaaliuinermut pilersaarutini allannguinerit, silaannakkut angallatit atortui aamma silaannakkut angallatit atortulersugaanerini killiffiit
  • Silaannakkut angallatit, Air Greenlandip sullissinerani atorneqartut ajoquserneri, suliffeqarfiup iluani taamatullu avataani pisut annertuut
  • Suliffeqarfiup iluaniit avataaniillu misissuisarnerit, kiisalu suliffeqarfiup iluani nalunaarusiat (IR, TSR aamma FSR)
  • Silaannakkut angallannermut inatsisit (Part 145, Part 66, Part M aamma Part CAMO)
  • Nunami namminermi piumasaqaatit
  • Human Factors, EWIS aamma Fuel Tank Safety

 

Naatsorsuutigaarput;

  • Ilitsersuisutut EASA Part 66 AML-imik assigisaanillu peqassasutit aamma Part-145, Part-M, Part-Camo, Part-66, kiisalu nunami namminermi DTA-milu silaannakkut angallassinermut aalajangersakkat ilisimaarilluassagitit
  • Teaching and Learning, suliffeqarfiup Ilisarititsinermut pikkorissartitsinera kiisalu Initial Human Factors, EWIS aamma Fuel Tank Safety Phase 2 naammassisimassagitit
  • Ilinniartitaanerit inatsisitigut pisussaaffiusut ilisimaarissagitit
  • Officepakken ilisimaarilluassagit IT-mullu atortut pikkoriffigissagitit

 

Tamatuma saniatigut perorsaanikkut piginnaaneqarluassasutit, misissueqqissaarsinnaassuseqassasutit, aningaasaqarnerullu immikkoortuinut ilisimaarinnittuussasutit, aammalu allaffissornikkut tamatigoortunik piginnaaneqassasutit naatsorsuutigaarput. Tuluttut oqaatsinut piginnaneqarluarnissat, aamma silaannakkut angallassinermut inatsisinik paasinnillaqqissuussasutit, kiisalu piffissani ulapaarfiusuni eqqissisimasinnaassasutit, sulininnilu siulliusinnaallutit periusissiorsinnaallutillu namminersorsinnaassutsimik annertuumik peqassasutit naatsorsuutigaarput.

 

Neqeroorutigaarput:
Atorfik pilerinartoq unammillernartorlu, inuttut ineriartornissamut periarfissaqarfiusoq, tassanilu inuttut akisussaassuseqarneq pitsaassuserlu pingaarnertut inissisimapput.

 

Atorfimmi inunnut ataasiakkaanut piumasaqaatinut naapertuuttunik akissarsiaqartitsisoqassaaq. Taakku saniatigut ilaqutariit ukiumoortumik sulinngiffeqarlutik angalanerinut akiliussisarneq, soraarnerussutisiassat kiisalu sillimmasiissutit pilerinartut, ilaatigut piffissaq tamakkerlugu ajutoorsinnaanermut sillimmasiissutinik, ataatsimoortumik inuunermut sillimmasiissutinik kiisalu napparsimmavissuarmiinnermut sillimmasiissutinik ilaqartut ilaatinneqarput.

 

Teknikkeqarnermut pisortaaneq Jørn E. Rasmussen +299 53 92 31-imut / jeu@airgreenland.gl imaluunniit Technical Training Manager Hans Bjerregaard 34 33 39-mut / hbj@airgreenland.gl attaveqarfigalugit paasissutissanik amerlanerusunik pissarsisinnaavutit.

 

Ilitsersuisup Teknikkeqarnermut pisortaaneq qullersarissavaa.

Atorfeqarnermi Teknikkimut Immikkoortortaqarfiup iluani angalangaatsiartoqartarpoq.

 

Qinnuteqarit