Sulisunik pitsaanerpaanik pileritsatsitsinissaq ineriartortitsinissarlu, tassanilu najugaqartunik assigiinngisitaartunillu salliutitsiniarluta Air Greenlandip HR-imut immikkoortortaqarfiani takorluugaraarput. Suliassaq taanna suliassaqarfinnut suleqatigiinnut sisamaasunut agguarparput – Allaffissorneq, Akissarsialerineq, Ineriartortitsineq aamma Lean.

 

Immikkoortortaqarfik

Allaffeqarfimmut siunnersortimik misilittagalimmik, takorluukkatsinnut toqqammaviusussamik atorfissaqartitsivugut. Tassani sulisut pikkorissorujussuit misilittagallillu, kiisalu ilinniartut marluk peqatigalugit suliassarpassuit pissanganartut akornanni ingerlatseqatigiiffimmi pisortat immikkoortortaqarfimminni sulisussanik eqqorluinnartunik pissarsiniarnerini ikiuuttassaatit. Aamma sulisutigut ajornartorsiutit assigiinngitsut, ulluinnaat pissanganartut ingerlanerini pilersinnaasut pillugit ilitsersuisarneq akisussaaffigilissavat.

Atorfik

Suliassaqarfissatit ilaatigut tassaassapput:

• Sulisut pillugit inatsisit, tassunga ilanngullugu isumaqatigiissuteqarfiusunut siunnersuisarneq aqutsinerlu

• Pisortaq suleqatigalugu sulisussarsiornerup aallartinneraniit naaneranut suliassanik isumaginninneq

• Sulisunik aqutsinermi suliassat ingerlasarnerinik aamma atortutsinni piffissamut naleqquttuni suleriaatsinik ineriartortitsinermut allanngutsaaliuinermullu akisussaaqataaneq

 

Ilinnut tunngasut

Inuttut pissuserinnerit pitsaalluinnartunillu tunniussisinnaanerit atorfigiligassanni pingaartippagut. Taamaattumik naatsorsuutigaarput,

• aaqqissuussaanermi, sulisut pillugit inatsisilerinermi, aqutsinermi assigisaaniluunniit attuumassutilimmik tunuliaqutaqassasutit, tamannalu attuumassutilinnik suliaqarnermi misilittakkanik tapertaqartissimassagit

• suliassanik tamanik – angisuunik mikisunillu – tulleriiaarisinnaaneq, aaqqissuussamik sulisinnaaneq eqqortumillu iliuuseqarsinnaaneq piginnaaneqarfigissagit

• danskisut, ajornanngippallu kalaallisut tuluttullu oqalussinnaassasutit allassinnaassasutillu

Inatsisilerineq aamma/imaluunniit atortut piginnaaneqarfigigukkit, tamatuma peqatigisaanik suliffeqarfimmi, kiisalu immikkoortortaqarfiup IT-mut atortuini (Mindkey aamma Promark) GDPR atorlugu sulinissamut namminersorsinnaassaatit.

 

Neqeroorutigaavut:

Atorfik pitsaasoq pitsaasunik suleqateqarfiusoq, namminersorfiusumik akisussaaffeqarfiusoq, aammalu suliatigut inuttullu ineriartornissamut periarfissaqarfiusoq.

 

Qinnuteqartup piginnaasai atorfimmilu inunnut ataasiakkaanut piumasaqaatit naapertorlugit akissarsiaqartitsisoqassaaq. Taakku saniatigut illit inoqutivillu ukiumut ataasiarlusi sulinngiffeqarnermi angalanissamut akiliunneqartarnissarsi, kiisalu sillimmasiissutit pilerinartut, ilaatigut piffissaq tamakkerlugu ajutoorsinnaanermut, ataatsimut inuunermut kiisalu napparsimmavissuarmiinnermut sillimmasiissutinik ilaqartinneqartut neqeroorutigineqarput.

 

Qinnuteqarnissamut killigititaq: 22. oktobari 2023. 1. decembari 2023-mi isumaqatigiissuteqarnikkulluunniit atorfinitsitsisoqassaaq.

 

HR chef Mads B. Christensen telefon +299 343200-imut imaluunniit Teamleader Vivi Lynge telefon +299 343205-imut attaveqarfigalugit paasissutissanik amerlanerusunik pissarsisinnaavutit.

 

Atorfik una qinnuteqarfigiuk