Skip to main content
98

Dette jobopslag er udløbet

Air Greenland niuernermut pisortaanissarsiorpoq

Kalaallit Nunaanni niuernermut atorfik asseqanngitsoq

Piffissami allanngoriartortitsiviusumi niuernermi suliniuteqarnerup oqaluttuarisaaneranut pingaarutilimmik ineriartortitsineq atuutsitsilernissarlu

Sullitaq qitiutillugu

Air Greenlandip qullersaanut ilaassaatit aammalu ingerlatseqatigiiffimmi niuernermik ineriartortitsinermut tamarmiusumut akisussaasuussallutit. Sullitaq qitiutillugu aammalu CCO-p suliassaqarfiani suleqatitit 40-t (tuniniaanermut, niuernermut & e-business-imut, network & revenue management-imut aamma sullitanik kiffartuussivimmut aaqqissuussaasut) pikkorillutit aqunnerisigut, Air Greenlandimi niuerfimmi naatsorsuutigisat naammassisarnissaat qulakkiissavat, aammalu niuerfimmi siunissami piumasarineqarumaartartussat malunniuteqarfigisassallugit. Suliniutit suliniuteqarfiillu ersarissut atuutsilernerisigut, Kalaallit Nunaanni mittarfiit allisat marluk 2023-mi Nuummi Ilulissanilu atoqqaarfissiorneqareerpata Air Greenlandip niuerfimmi nukittuumik inissisimajuarnissaa qulakkiissavat.

 

Sullitat misigisaannik pitsanngorsaajuarneq, nalilinnik ataqatigiinnik ineriartortitsineq pitsanngorsaanerlu (soorlu Nunatta Angalatitsivianut aamma Hotel Arctic-imut), niuerfinnik pisartunillu alaatsinaanneq, suliniuteqarnermi ataqatigiissaarineq isumassuinerlu, tunisassianik ineriartortitsineq aamma tunngavissanik digitaliusunik sullitanullu sammisunik ineriartortitseqqinneq immikkut aallutassavit ilagissavaat. Aalajangersimasumik ilaatigut suleqatitillu bilitsilerissummik nassatalerissummillu nutaamik ineriartortitsinissarsi atuutsitsilernissarsilu, tunisassianik amerlanerusunik atuutsitsilernissarsi, ingerlatseqatigiiffiit suliffissuarmut pituttorsimasut akimorlugit niuernermi neqeroorutinik suliassanillu ataqatigiissaarinermik qulakkeerinissarsi, niuernermi suleqatigiinnerni iliuusissanik nutaanik pilersitsinissarsi, Club Timmisa pillugu sulinermik ineriartortitseqqinnissarsi aammalu piffissat angalasoqarnerpaaffiusut avataanni suliffeqarfimmi nukinnik ilusiliussanillu asseqanngitsunik atuisinnaanissarsi naatsorsuutigineqarpoq.

 

Iluatsitsinerit tunngavissat pisariunngitsut pingaarnertut atorlugit naliliiffigineqassaaq: sullitat iluarisimaarinninnerat ilumoorussinerallu, kaaviiaartitat, naammassisat/naammassisanik pitsannguinerit kiisalu aqutsisinnaassuseqarneq. Allatut oqaatigalugu – siunissami ’Air Greenlandimi piffissaq nutaanerusoq’ pillugu oqaluttuarisaanerup allanneqarnerani ingerlatseqatigiiffiup nunani tamalaani unammillernerani naleqqussarneranilu inuit pingaarnerpaat ilaattut akuerineqassaatit.

Niuernermi pinngorartitsisinnaasoq aqutsinermillu aallussisoq

Pisortatut atorfimmit, niuernermi annertuunik akisussaaffeqarfigisannit pisuuvutit aammalu ajornanngippat pisortanik aqutsinermik misiligaqartuullutit. Pingaarnertut ’airline’ imaluunniit airline-mut assingusumik suliaqarneq misilittagaqarfigaat. Tamatumunnga taarsiullugu aaqqissuussaanerit travel, leisure, service, horesta, turism il.il. iluanni niuernermik suliassaqarfinni, niuerfimmi annertuumik unammillerfiusuni aqutsisutut misilittagaqarsinnaavutit.

 

Niuernermik suliniuteqarnerit suliniuteqarfiillu ineriartortinneqarnerini siulliullutit suliniutivit initoorujussuunerat sungiusimavat, aammalu ataqatigiissaarisunit amerlasuunit – suliffeqarfiup iluaniittunit taamatullu avataaniittunit – eqqumaffigineqarlutit piviusunngortitsisarnerit tusaamaneqaatigaat. Pisortatut pikkorissutut misigittartutullu, suleqatigiit suleqatillu pisinnaasaanik pitsaanerpaanik pilersitsisinnaasutut piginnaasaqalersitsisartutullu inissisimanerit ilisarnaatigaat. Akisussaaffeqarfivit suliassavillu tulleriiaarnissaat paasisimaaraat, taamaattumillu qanoq iinerani aqutsissanerlutit, qanoq ilinerani suliakkersuissanerlutit, aammalu qanoq ilinerani suliniummi suliassamiluunniit nammineerlutit sulinissat aqutsinissallu pisariaqarnersoq ilisimaaraat.

 

Kulturinut allanut alapernaatsuuvutit soqutiginnittuullutillu, aammalu pinngortitami asseqanngitsunik misigisassaqarfiusumi, Kalaallit Nunaanni pinngortitatut asseqanngitsutut alianaatsorsuartullu ittumi angalasinnaanermik nuannarisaqarnissat neriuutiginarpoq. Kalaallit Nunaat ilisimasaqarfigereerpat, aammalu tunngaviusumik ’nuna sumiinnersoq’ paasisimareerlugu. Minnerunngitsumillu ilaquttavillu Nuummi najugaqarnissarsi takorloorsinnaavat.

 

Niuernermik atorfimmut attuumassutilittut siunnerfiusumik ingerlaqqiffiusumillu ilinniagaqarputit. Allattariarsornermi oqaluinnarnermilu danskisut/nuna avannarlermiusut aammalu tuluttut piginnaasaqarputit, aammalu kalaallisut oqaatsinut piginnaaneqarfeqaruit annertuumik iluaqutaassaaq. Ulluinnarni MS Office-mik aamma ERP-systeminik atuisuuvutit, ukiunilu kingullerni ulluinnarni sulininni digitaliseeriineq initoorujussuusimavoq.

 

Ilinnut neqeroorutit

Suliffeqarfimmi aningaasaqarnikkut peqqissumi ingerlalluartumilu qullersani qitiulluinnartumik inississaatit. Air Greenlandimi suliniutit, pingaartumillu 2023-p tungaanut allannguiartornermi naleqqussaanermilu suliarineqartussat iluatsinnissaannut qulakkeerisussatut pingaaruteqarluinnartumik inissisimassaatit. Aaqqissuussaaneq, CCO-mi suliniutit suliniutissarpiaallu eqqarsaatigalugit CCO-mik suliassaqarfimmut sunniuteqarnissamut periarfissaqarluassaatit. Air Greenlandimi CCO-tut kulturi immikkoorutilik, Airlineq-mi Full Service Carrier-imut ilisarnaataasoq malugissallugu ilannguffigissallugulu asseqanngitsumik periarfissaqalissaatit.

 

Kalaallit Nunaata / Imarpimmi nunat illugiillutik niuernermi periarfissaat, aammalu inuit tamat soqutiginnninnerat eqqarsaatigalugit annertuumik malunniutilimmik inissisimassaatit (Air Greenland Kalaallit Nunaanni sulisinnaasut tamarmiusut 2%-ii sinnerlugit sulisoqarpoq). Aamma immikkooruteqarluinnartutut ilaquttatillu ’once-in-a-lifetime’-mik kalaallit kulturiannik pinngortitamillu alianaatsorsuarmik misigisaqarnissamut periarfissaqassaasi.

Atorfik soqutigigukku qinnuteqaatit CV-llu maana immiutissavatit:
https://www.mercuriurval.com/da-dk/opportunity/?jobadid=60967&refno=DK-07088

Normu innersuussutaasoq: DK-07088.

 

Atorfik pillugu apeqqutissaqaruit, Mercuri Urval, Partner & Director Simon Bach Nielsen simon.bach@mercuriurval.com aqqutigalugu – imaluunniit oqarasuaat nr. +45 6013 1010-mut sianerlutit attaveqarfigisinnaavat.

 

Suliffeqarfik pillugu

Air Greenland A/S 1960-imi Grønlandsfly-mik atserneqarluni pilersinneqarpoq.

Ingerlatseqatigiiffik ullumikkut (2019-imi maajimili) Kalaallit Nunaanni Namminersorlutik Oqartussanit 100 %-imik pigineqarpoq, aammalu Nuummi mittarfimmut atasumik qullersaqarfeqarluni.

Air Greenland ullumikkut 570-it missaanniittunik sulisoqarpoq, qullersaqarfimmut aammalu illoqarfinnut/mittarfeqarfinnut timmisartorfigineqartartunut 16-inut attuumassutilinnik. Suliffissuarmi tamarmiusumi sulisut 630-t missaanniipput. Sulisut 630-t taakku Kalaallit Nunaanni sulisinnaasut tamarmiusut 2,5 %-iisa missaraat, taamaattumillu ingerlatseqatigiiffik inuiaqatigiinni sullissisunut qitiusunut ilaavoq / inuiaqatigiinnut annertuumik pisussaaffeqarpoq.

Air Greenlandimi timmisartut 28-t sullissisuupput (timmisartut suluusallit qulit aamma qulimiguullit 18-it), taakkulu Imarpik qulaallugu timmisartuussinernik (pingaartumik Danmarkimut Islandimullu) aammalu Kalaallit Nunaanni angallavinni il.il. timmisartuussinernik isumaginnittuupput.

Air Greenlandimi suliffissuup kaaviiaartitai suliassaqarfinni arfiniliusuni inissisimapput: ilaasunit isertitat, attartortitsisarnernit isertitat, nassiussalerinermit allakkerinermillu isertitat, kiffartuussinissamut isumaqatigiissutit, akunnittarfiit bilitsinillu tuniniaaneq aammalu assigiinngitsut allat. 2018-imi suliffissuarmi kaaviiaartitat ilanngaasereerlugit 1.371 mio. DKK-nik amerlassuseqarput (kaaviiaartitsinermi aatsaat taama amerlatigalutik), aammalu angusat 80.8 mio. DKK-nik (EBT) amerlassuseqarlutik.

Air Greenlandip 2018-imi angallavinni tamarmiusuni, illoqarfinnut aalajangersimasumik timmisartuussivigineqartartunut 16-inut katillugit 17.500 km-it sinnerlugit isorartussuseqartuni 430.000-it sinnerlugit ilaasorisimavai.

Søg denne stilling