![Tusaanngami oqarasuaatikkut siunnersuisussarsiorneq](https://image.sermitsiaq.ag/1491011.webp?imageId=1491011&width=960&height=606&format=jpg)
Tusaanngami oqarasuaatikkut siunnersuisussarsiorneq
Nuna tamakkerlugu innuttaasunut allanngueqataanissamut peqataarusuppit? Tusarnaarluarsinnaavit allanullu ikiuerusussuseqarlutit?
Tusaannga tunniusimasumik allanullu misiginneqatiginnissinnaasumik oqaraasuaatitigut siunnersuisussarsiorpoq. Siunnersortitut innuttaasunut artornartumik nalaatalinnut tapersertortitut siunnersuisutullu inissisimalissaatit.
Tusaannga pillugu paasissutissat:
Tusaannga Kalaallit Nunaanni oqarasuaatikkut siunnersuinermik neqerooruteqartarpoq. Meeqqat inuusuttuaqqat inersimasulluunniit oqarasuaatikkut oqaloqatiginnissinnaallutillu allaqateqarsinnaapput. Innuttaasut misigissutikkut artorsaatillik ajornartorsiutsiminilluunniit ikiortariallik qanigisaminniit ikiorneqarsinnaanngitsut ikiornissaat siunertaraarput. 801180-mut sianernikkut, 1899-mut sms-nerikkut Tusaannga.gl-kkulluunniit allaqatigiinnikkut ikiuisarpugut.
Suliassatit pingaarnerit:
Oqarasuaatikkut oqaloqatiginninnerit, sms-kkut chatimilu allaqatiginninnerit.
Innuttaasut qinngasaartinnermik, nukersornernik, perorsaanermik, aappariinnerluutinik, imminut toqunnissamik eqqarsaatilinnik, kinguaassiutitigut kanngutsaatsuliorfigitinnernik, atornerluisuunermilluunniit ajornartorsiutillik tapersuisumik oqaloqatiginissaat tusarnaarluarnissaallu.
Innuttaasut ajornartorsiutiminniit siuariarnissaat pillugu tapersersuisuuneq kaammattuinerlu.
Katsorsaaffinnut tulluartunut innersuussineq
Siunnersuinermi sulinerusassaatit, saniatigullu allaffissiornerit ilaasassapput.
Suleqatit sulinngiffeqartillugit allaffissiornermi suleqataaneq.
Angerlarsimaffimmi oqarasuaatikkut sillimasuuneq, suleqatippit pissarsiarisinnaaniassammatsit
Ujartugaraarput:
Inunnut atorsaatilinnut allannguinissamut kissaatilik
Innuttaasunut ajornartoriutilinnut ikiuukkusuttoq.
Suliffimmi allanngorartumi sulisinnaasoq
Piffissani ajornakusoorsinnaasuni naliliilluarsinnaasoq sulilluarsinnaasorlu
Tatiginartoq sivisunerusumillu atorfeqarnissamik siunniusimasoq.
Aaqqissorluakkamik suleriaasilik, akisussaaffilik, perorsimasoq nukittoorlu.
Oqaluttariarsornermi allattariarsonermilu piginnaaneqarluartoq.
Teknikkikkut piginnaasaqarluartoq.
Isumaginninnermi, perorsaanermi inuuiaqatigiilernimiluunniit tunuliaquteqartoq ilinniagaqartorlu.
Kalaallisut qallunaatullu oqalussinnaaneq. Tunumiusullu oqalussinnaaguit iluaqutaassaaq.
Nuummi ineqartoq
Neqeroorutigisinnaavagut:
Inoqatinnut malunniutilimmik isumaqarluartumillu allanngueqataasinnaanerit.
Atorfik akisussaaffimmik annertuumik imalik
Tunniusimasunik suleqateqarneq
Inuttut atorfiullu iluani ineriartornissamut periarfissaqarneq
Atorfimmi atuuttut:
Atorfik ukioq ataaseq paarlattaaffiuvoq sivitsorneqarsinnaallunili.
Sapaatip akunneranut 40 tiimi sulisassaatit, holdillu pingasukkaartuniissallutit.
1/7 2024 atorfininnissat kissaatigineqarpoq, isumaqatigiinnerluunniit malillugu ulloq allaasinnaalluni.
Paasissutissat allat:
Tusaannga pillugu atorfilluunniit pillugu paasisaqarnerorusukkuit uunga paasiniaasinnaavutit:
Mette Lange-Nielsenimut sianerlutit +299 346023-mut imaluunniit mailimut uunga allallutit: mlan@nanoq.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.