Tullersortissarsiorneq Paannaanut
Kommuneqarfik Sermersooq pikkorissumik tunniusimasumillu Tullersortimik Meeraaqqerivik Paannaat pissarsiorpoq. Isumaqatigiissuteqarnikkut sulilersinnaasumik.
Paannaat meeqqanut 24-nut naatsorsuussaavoq. Meeqqat inini 12-ikkaarlutik.
Meeraaqqerivik Paannaap ammasarfii: nal. 7.00-17.00.
Inimi sulisut ima inissisimapput: Perorsaasoq, inunnik isumaginnittoq ikiorti ikiortilu, Igaffimmioq, eqqiaasoq kiisalu pisortaq.
Atorfiup imarisaa:
Perorsaasoq assigisaanilluunniit ilinniagalik, meeqqerivimmi inimilu suliffigisassamini peqataasussaavoq ataanilu makkunannga suliaqartussavoq:
·Tamakkiisumik akisussaaffimmik tigumminnissinnaasoq pisortaasoqpeqanngitsillugu.
·Suleqatinut allanut maligassiuisoq
·Atuisunut qanimut suleqatiginnittuussusilik.
·Inatsisartut Inatsisaat nr. 16 3.dec.2012-meersoq malillugu sulinermik ingerlatsisoq.
Suliassat meeqqerivimmi inimilu sulisut allat kiisalu angajoqqaat peqatigilluinnarlugit suliat ingerlanneqartassapput.
Kommuneqarfik Sermersuup meeqqanut anguniagai:Meeqqat alapernaatsut, tatitussusillit, peqqissut nuannaartulu.
Paannaap immikkkut ilisarnartai:
Qanimut attaveqatigiinneq – Toqqissisimaneq - Allanik peqateqarneq.
Qinnuteqartumut naatsorsuutigisat:
·Perorsaasutut assigisaanilluunniit ilinniagaqarsimasuussaatit
·Sulerusussuseqartuunissat kiisalu suliassanut eqeersimaartuuniissat pisariaqarpoq
·Allanik peqateqarluni suleqatiginnissinnaaneq pingartuuvoq.
·Nutaaliorusussuseqartuunissat kiisalu misileraarusussuseqartuunissat pisariaqarpoq
·Meeqqanik nuannarinnittuunissaq pisariaqarpoq
Pingaartippaguttaaq:
·Aalajaatsoq, pitsaasumik pigaartitsisoq
·Ulapaarfimmi arlariinnik suliaqarsinnaaneq
·Qiimasuuniisaq pingaartitaraarput
·Sulianik naammassinninniarluni ingerlatsinermut ineriartortitseqataalluni, pitsanngorsaaqataalluni peqataalluartartoq
Neqeroorutigaagut:
Meeqqat qiimasut, suleqatit qiimasut, sulisut angajoqqaallu suleqatigiilluartut, suliffik iseruminartoq toqqissisimanartorlu, kiisalu sulisut aalajaatsut.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: aqutsisoq Ane Mina Hansen Falksen, oqarasuaat +299 36 67 70 imaluunniit e-mail: amfa@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuffiata (NPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.
Qaammatini pingasuni misiliummik atorfinitsitsisoqarsinnaavoq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Qinnuteqaat:
Qinnuteqaat qulequtserlugu Atorfiup ilisarnaataa 518-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.
Qinnuteqarnissamut killissarititaasoq: juunip 14.-at, 2024