Teknikkimmik ilinniarfik pedelit aqutsisussarsiorput – Sisimiuni kollegialerisuni
KTI-p kollegialerisut pedelit aqutsisumik amingaateqarput.
Assassornermik suliaqarnermik soorlu VVs- imaluunniit kallerup inneranut tunngasunik; ukiualunni sanaartornermik aallutaqarsimavit? Aqutsinermut misilittagaqarpit?, aningaasaqarnermut- aammalu ingerlalluartitsisinnaanermut paasisimasaqarpit? Suleqatikkuminartoq, aallussilluartoq aammalu suleqatinut attaveqarsinnalluartoq, ilinniartunut kursusertunullu?
Qulaaniittut angerukkit, tikilluaqqusaavutit tuttaqarnissarnut.
KTI-mi kollegialerisuni aqutsisoq suleqateqarpoq sisamanik pedelinik/pedelinut ikiortit kollegiainspektørilu qanimut suleqatigiittarput, aammalu allat aqutsisut igaffimmiut/kantinemiut – aamma eqqiaasut/errorsisarfimmiullu.
KTI-p kollegiaqarfiit ingerlanneqarneri akisussaaffigai ineeqqat ca. 360-it immikkoortunut sisamanut Sisimiunu agguataarsimasut, amerlasuullu kollegiat inissiat nutaajupput, aammalu pilersaarutaavoq taakkua ilaqqinnissai.
Naatsumik KTI pillugu.
KTI ilinniarfiuvoq suliffeqarfik, Nuummi Sisimiunilu ilinniarnissamut periarfissaasut sammisassani ukunani Jern og Metal, Sanaartorneq illuliorneq, Aatsitassalerineq, Oqaatsinik pikkorissarnerit, aammalu ilinniarnertuumut ilinniarfiit GUX, eGUX aamma Nordatlantisk gymnasie klassit, aammalu ingeniørimut pikkorissarnerit aammalu maskinmeterimut ilinniarfiit. Taassumap saniatigut Danmarkimi Teknikkikkut ilinniarfiit – ARCTIC – DTU, ingeniørinngorniarfiit marluk Københavnimilu Maskinmesterimut ilinniarfik.
Pedelit aqutsisuata suliassarai:
Ingerlatsinermi suliassat, kollegiat aserfallatsaaliorneri nakkutiginerilu.
Teknikkimut tunngasut nakkutigineri soorlu silaannarissarfiit, kallerup innera kiassarnermullu tunngasut.
Pedelinik/ikiortinik aqutsisuuneq kollegieinspektørimullu ikiuineq allallu ingerlatsinermut tunngasut.
Ulluinnarni ingerlatsinermut pilersaarusiornerit, tassunga ilanngullugu suliffissat pilersaarusiorneri pedelinut/ikiortinullu.
Kollegiaqarfiit matuersaataannik akisussaaneq, aammalu allaffeqarfiup Salto-aamma ILOQ- matuersaatinik akisussaaffeqarneq.
Akiligassanik Namminersorlutik oqartussat aningaasaqarnermut ingerlatsinermi IRI-imut akiliisarnerit.
Pisiassanik inniminniinerit aammalu kollegiani inspektørimik suleqateqarneq.
Ulluinnarni ingerlatsinermut peqataaneq soorlu aputaajaanerit, ingerlatsinerit soorlu nerisassanik, ilinniartunik pikkorissartunillu.
Vagtiliornermi peqataaneq.
Ilimagaarput illit piginnaasatit ukuussasut:
Naleqquttumik assassornermut tunngasumik piginnaasaqarnissat VVS- imaluunniit kallerup inneranik suliaqarsimasoq, ukiorpassuarnilu sanaartornermik misilittagalik.
Suliassat namminersuutigisinnaanissai.
Teknikkimut tunngasunik ilisimasalik kiassarnermut, kallerup innilerinermut silaannarissarfimmullu tunngasunik.
Suleqatinut aqutsisuunissamut misilittagalik.
Oqaloqatigiuminartoq aqutsillaqqittorlu, suleqatinut, ilinniartunut pikkorissartunullu.
Suleqateqarnermut piginnaaneqarluartoq sulerusuttorlu.
IT-mut misilittagalik.
Kørekort-ilik -angisuujusinnaavoq maskinføremullu uppernarsaateqassalluni soorlu bussinut allanullu angisuunut maskiinanut.
Oqaatsitsigut piginnaasat – oqaluttariarsornikkut, atuarnermut allannermut , kalaallisut qallunaatut immannguarlu tuluttut.
Neqeroorutigaarput:
Suliffeqarfik pitsaasoq suleqatillu piumassusillit.
Suliffik pitsaasoq unamminartulik suleqatillu pitsaasut, oqaloqatigiilluarnermik suleqatigiilluarnermillu aallussilluartut.
Suliassanik nammineerluni naammissinissaannut periarfissalik.
Sulianik ineriartorsinnaanermut periarfissalik.
Suliffeqarfik ineriartorfiusoq kollegianik nutaanik pilersitsisoq.
Suliffeqarfik ineriartornermut peqataasoq.
Paasissutissat allat:
Atorfik akunnermut 40-tiiminik suliffiuvoq piaartumillu inuttassarsiuunneqarluni.
Atorfinitsitsineq qaammatini pingasuni misilinneqaqqaassooq.
Qinnuteqarfissaq kingulleq juulip 28.-at, 2024
Atorfik paasisaqarfigerusukkukku.
Atorfik paasisaqarfigerusukkukku, tikilluaqqusaavutit forstanderi Jokum Møller saaffigissallugu, jomo@kri.gl - +299 527188 imaluunniit kollegiani inspektøri Paninnguaq Heilmann - pahe@kti.gl – 486736.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.