Tarnip pissusaanik immikkut ilisimasalik (psykolog)Børnehuset MI Tasiilaq
Kommuneqarfik Sermersooq Meeqqanut Ilaqutariinnullu Ingerlatsivik/Tasiilaq/Børnehus
Tarnip pissusaanik immikkut ilisimasalik (psykolog)Børnehuset MI Tasiilaq.
Kommuneqarfik Sermersooq pikkorissumik tunniusimasumillu Tarnip pissusaanik immikkut ilisimalimmik (psykolog) Mi Tasiilami Børnehusemut pissarsiorpoq 01.08.2024 tamatumaluunniit kinguninngua isumaqatigiissuteqarneq malillugu sulilersinnaasumik pissarsiorpoq.
Tasiilami Børnehus pilersinneqarpoq socialstyrelsemi børnehusprojekt suleqatigalugu, 2024 naanera projekt naammassissaaq, tamatumalu kigorna Meeqqanut Ilaqutariinnullu Ingerlatsiviup ataani ingerlatiinnarneqas-salluni. Børnehusimi sullissinermi pingaartinneqarpoq meeqqat angajoqqaallu/angajoqqaarsiat, persuttaanermik kinguaassiutitigullu qaanngiiffingineqarnermik nalaataqarsimasut sullinneranni suliffeqarfiit akimorlugit suleqatigiinneq, pingaarnertut politiit peqqinnissaqarfillu qanimut suleqatigineqartarlutik. Meeqqat innersuunneqarsimasut misissuiffigineqartartussaapput, nalaassimasai pillugit pisariaqartitaat malillugit pitsaasumik sullinneqarlutik ingerlatsivigineqartarnissaat.
Tasiilami Meeqqanut Ilaqutariinnullu Ingerlatsivik – MI Tasiilaq – immikkoortortat marluupput, pisortanit sullissineq (myndighedsafdeling) sullissisut afdelingslederiallu aammalu suliniutinik ingerlatsiit, tassaniillutik Børn og Familiecenter – børnehus tassaniilluni, siusissukkut suliniuteqarfik sisamanik sulisulik, ungerådgiverit sisamat aammalu ilaqutariit paarsisartunut sullissineq pingasunik sulisoqartoq. MI Tasiilami aaqqissuussaanikkut sulianik ingerlatsiveqarfiit pillugit nutarterineq ingerlanneqaleruttorpoq.
Atorfik ulloq naallugu atorfiuvoq, maannamuungallartoq MI Tasiilami fagchef qaninnertut qullersarissavat, aaqqissueqqinneq naammassippat suliniutinik ingerlatsivinni afdelingsleder ataanut inissinneqassalluni.
Atorfiup imarisaa:
Misilittagaqartumik tarnip pissussaanik immikkut ilisimasalimmik, ulluinnarni børnehusimi suliaqarnermi peqataalluarsinnaasumik ataanilu makkunannga suliaqarluarsinnaasumik pissarsiorpugut:
∙Børnehusimut innersuunneqarsimasunik misissuineq katsorsaanerillu
∙Meeqqat angerlarsimaffiup avataanut inissinneqarsimasut angerlartinnissaannut suliaqarnermi pilersaarusioqataallunilu piviusunngortitseqataaneq
∙MI Tasiilami sulisunut supervision
∙Børnehusimi ineriaqartortitseqqinnermi suliaqarnermut peqataaneq
∙MI Tasiilami sulisunik pikkorissaasarneq
∙Tasiilami kriseberedskabimut peqataaneq
∙Suliarinasuarneqarsinnaasut allat (Ad hoc) qaninnertut aqutsisoq isumaqatigiissuteqarfingalugu.
Suliassat MI Tasiilami sulisut allat kiisalu qanittumik suleqatit attuumassuteqarsinnaasut peqatigilluinnarlugit suliat ingerlanneqartassapput, soorlu politiit peqqinnissaqarfillu.
Qinnuteqartunut naatsorsuutigisat:
·Tarnip pissusaanik immikkut ilisimasalittut (psykolog) ilinniagaqarsimasoq
·Meeqqanik sullissinermik misilittangalik
·Sakkortuumik nalaataqarsimasunik sullissinermi misilittangalik
Pingaartipparputtaaq:
∙Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
∙Uippakajaarani arlariinnik suliaqarsinnaasoq
∙Erseqqissumik tappissumillu allattariarsorlunilu oqaluttariarsorsinnaasoq
∙Nammineerluni sulisinnaasoq, akisussaassuseqartoq sullissiumatoorlu
∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
∙Nukittooq pilersitsiniallaqqissoq inissaqartitsiuartoq piumassuseqarluartorlu
∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
∙Atituumik suleqateqarluarsinnaasoq
Neqoroorutigaavut:
·Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq.
·Ingerlatsivimmi suleqatit pikkorissut tunniusimasullu.
·Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.
·Pingaartipparput tarnip pissusaanik immikkut ilisimasalik pisariaqartitsineq naapertorlugu ataavartumik supervisionertarnissaa.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef-i Gerda Fleischer , oqarasuaat +299 36 72 29 imaluunniit e-mail: gfle@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Qinnuteqaat:
Qinnuteqaat qulequtserlugu Atorfiup ilisarnaataa 618-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 9.-at, 2024