Sulisunut inatsisilerituup erninermut atatillugu sulinngiffeqarnerata nalaani paarlatsi
Atorfinitsitsisarnermut inatsisit pissanganaraagit?
Qaammatit qulingiluat misssaanni erninermut atatillugu sulinngiffeqartumut paarlatissarsiorpugut, atorfimmut immikkut atorfinitsitsinermut inatsisit aamma ataatsimoortumik atorfinitsitsinermut inatsit aallaavigalugit suliassanik assigiinngitsunik illit suliaqarnissannut periarfissaqassaatit. Qinnuteqartumut eqqortumut misilittagalimmut immikkut siunnersortitut/siunnersortit pisortaatut atorfinitsinneqarnissamik periarfissaqassaaq.
Sulisoqarneq aamma Inatsisilerineq Aningaasaqarnermut Sulisoqarnermullu Aqutsisoqarfimmi allaffeqarput, tassanilu qitiusumik allaffeqarfimmi aqutsisut siunnersorlugillu aqqutissiuuttarpagut, immikkoortortaniittut kiisalu peqqinnissaqarfimmi sulisut sulisoqarnermut inatsiseqartitsinerit pillugit apeqqutini ikiuuttarluta. Taakku saniatigut Namminersorlutik Oqartussat Kalaallillu Nunaanni kommunit sinnerlugit sulinissamut isumaqatigiissutit pioreersut nutartertarnissaat, nassuiartarnissaat nutaanillu taarsertarnissaat suleqataaffigisarpavut.
Sulisoqarnermut inatsisilerituutut pingaarnertut suliassatit
Allakkatigut mianersoqqussutinik, soraarsitsinernik peersitsinernillu aalajangernerit aamma illuatungerisanik tusarniaanerit suliarisassavatit
Atorfinitsitsinermi inatsisitigut tunngaviit pillugit aqutsisunut tunngaviusumik siunnersuineq aqqutissiuussinerlu
Atorfinitsitsisarnerup iluani isumaqatigiissutit, tjenestemandit pillugit inatsisit kiisalu atorfeqartitsinermi inatsisit, nalunaarutit kaajallaasitallu aallaavigalugit nassuiaasarnerit siunnersuisarnerillu.
Pissusissanik saneqqussinermi suliani, soraarnermi isumaqatigiissutinut tunngasunik aamma isumaqatigiinngittoqartillugu isumaqatigiissitsiniartarnerit
Atorfinitsitsinermi inatsisitigut allakkiorneq kiisalu ilitsersuinerit aamma malittarisassanik suliaqartarneq
Namminersorlutik Oqartussani sulisunut aqutsisunullu atorfinitsitsinermi inatsisinik tunngaviusunik ilinniartitsineq kiisalu atorfinitsitsinermut inatsisinik isumaqatigiissutinillu pisariaqartitsisoqarnerani ilinniartitsineq
Sulisoqarnermut inatsisilerituut allat suleqatigalugit suliat nalimmassarneqarnissaannik pisariaqartitsinerit, soqutiginninnerit, piginnaanngorsaanerit inerisaanissamillu kissaatit pillugit isumaqatigiittoqarsinnaavoq. Soorlu qinnuteqartoq eqqortoq Kalaallit Nunaanni pisortat sinnerlugit isumaqatigiissutit atorfeqarnermilu isumaqatigiissutit nutarteqarnissaanni isumaqatiginninniarnernut peqataatinneqarsinnaavoq, illup iluani inatsisileritooq assigalugu suleqatigalugit isumaqatigiisitsiniarnerni eqqartuussivimmilu sulianik suliaqartarsinnaavoq.
Makku piginnaasaqarfigissavatit:
Cand. jur./Cand.merc.jur sulinermi inatsisit soqutigisaralugit
Suleqatigiuminartuuvutit, isumasioqatigiuminartuuvutit aamma suleqatinnut ilisimasannik avitseqatiginnillaqqissuullutit.
Unamminartumik suliaqarnissamut naammassinninnissamullu tunuarsimaartuunngilatit
Oqaluttariarsorlutit allattariarsorlutillu qaffasissumik pitsaasumillu saqqummiisinnaassaatit
Iluaqutaassaaq kisitsisinik paasinnillaqqissuussaguit inatsiseqartitsinikkut/ aningaasaqarnikkut naliliisaarlutit misissuisinnaassuseqarluarlutit
Inuiaat kalaallit, kulturiat aamma kalaallit oqaasi ilisimasagukkit iluaqutaasinnaavoq
Mianersorluni silatusaartoq, sullissillaqqillutit inussiarnersuullutillu
Uagut neqeroorutigaavut:
Suliffik pissanganartoq, akisussaaffittalik inuttut suliassallu eqqarsaatigalugit ineriartornissamut periarfissagissaartoq
Suliffik eqaatsumik suliffiusoq aamma suliassaqarfiit assigiinngitsut isumasioqatigisarlugit suleqatigiiffiusoq
Suliannut sunniuteqarluarlutit sulisinnaassaatit
Persuarsiorpalaanngitsumik oqaloqatiginnittarneq aamma suleqatit pitsaasut
Sulisoqarneq aamma Inatsisilerinerlu immikkoortuuvoq maanna qulinik sulisunut siunnersorteqartoq, sulisut pillugit inatsisilerituut sisamat aamma allaffimmi pisortaq massakkut sulisorineqarput. Immikkoortortaqarfik Aningaasaqarnermut Sulisoqarnermullu aqutsiviup ataani inissisimavoq, taanna Aningaasaqarnermut Akileraartarnermullu Naalakkersuisoqarfiup ataaniippoq, taamaalillunilu Naalakkersuisut allaffeqarfiannut ilaalluni.
Aningaasaqarnermut Sulisoqarnermullu aqutsiveqarfik uagullu naleqartitavut pillugit uani itinerusumik atuarsinnaavutit: www.asa.gl
Paasissutissat amerlanerusut
Atorfik pillugu paasisaqarusukkuit, allaffimmi pisortaq Barbara S. Østergaard mailikkut ugguuna: baso@nanoq.gl imaluunniit oqarasuaatip normuatigut ugguuna +299 34 64 41 attaveqarfiginissaanut tikilluaqqusaavutit.
Qinnuteqaat
Qinnuteqarfissap killinga tassaavoq 27. juni 2024. Sapaatip akunnera 27-mi oqaloqatiginninnerit ingerlanneqarnissaat naatsorsuutigineqarpoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job