Suliffeqarnermut Isumaginninnermullu ingerlatsivimmi Aqqusinermi ujartuilluni angalaartut sisamat

Paasissutissat

Atorfimmi inissisimaffik: Gadeteam

Suliffeqarfik: Kommuneqarfik Sermersooq

Qinnuteqarfissap ullua: 3. juli 2024

Attaveqarfissat: Fagkoordinator aamma Pisortaq Marthannguaq Dahl Bech, oqarasuaat +299 36 67 94 imaluunniit e-mail: mdbe@sermersooq.gl

Kommuneqarfik Sermersooq, Suliffeqarnermut Isumaginninnermullu ingerlatsivimmi Aqqusinermi ujartuilluni angalaartut, Oqartussaaffeqarfimmi suliassaqarfik 4-ranik suleqatissarsiorpoq.

Aqqusinermi ujartuilluni angalaartut pinaveersaartitsinermik tamakkiisumik suliaqartussatut aaqqissuussaapput, innuttaasunut sannginnerpaanut angerlarsimaffeqanngitsunullu inooqataanermi periaatsinik sungiusarnermik attaveqarfeqalernissaannillu ingerlatsisarput, pinaveersaartitsinermik periutsit ineriartortinneqarsimasut atorlugit taamaaliornikkut innuttaasut ataasiakkaat ingerlaavartumik malittarineqarnerat qulakkeerneqartarpoq. Suliniummi suliassaqarfiit aamma suleqatigisat allat suleqatigineqarput.

Illit suleqatissarput tassaassaatit:

Suliassaqarfitsinnik ilumut alapernaassuseqartoq, suliassaqarfitsinnik minnerunngitsumillu sullinniakkatsinnik soqutigisaqarluartoq. Allat ilinniarfiginissaannik soqutigisalik, eqqarsaasersorsinnaasoq, naammagittarsinnaasoq, suleqateqarsinnaasoq ersarissumillu attaveqarnerup pingaaruteqassusaanik paasisimasalik aamma suliffeqarfimmik aaqqissuussaasumik paasinnissinnaasoq.

·Inunnik isumaginninnerup iluani ilinniagaqarputit imaluunniit inunnik sullissinermik misilittagaqarputit imminut ikiorsinnaanngornissamut ikiuineq pillugu paasinnittaaseqarlutit.

·Kalaallisut danskisullu oqallorillutillu allattariarsullaqqipputit, tuluttullu paasisinnaallutit.

·Suliassanut aaqqissuussaasumik periuseqarputit aallussisuullutit.

·Uppernarsaanerup pingaaruteqassusaanik paasisimasaqarputit.

·Ajornartorsiutit aaqqinneqarnissaannut anguniagaqartuuvutit.

·Outlookimik ulluinnarni atuinermik sungiusimasaqarputit.

·Biilersinnaanermut allagartaqarputit.

Uagut neqeroorutigaavut:

·Supervisioni

·Suliffeqarfik pissanganartoq ataavartumillu ineriartortoq.

·Suleqatigiit tunniusimasut akisussaassuseqartut pikkorissut, pitsaassutsimik qaffasissumik pitsaasumik ineriartornissamillu angusaqarusuttut.

·Sukumiisumik ilinniartitsineq

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Suliatigut ataqatigiissaarisutut aqutsisuugallartoq Marthannguaq Dahl Bech, oqarasuaat +299 36 67 94 imaluunniit e-mail: mdbe@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 643-24-imut , ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 3.-at, 2024

Atorfik una qinnuteqarfigiuk

Powered by Labrador CMS