Sisimiuni nunap immikkoortuani allaffimmi aqutsisoq

Sisimiuni Nunap Immikkoortuani allaffimmi suliassarpassuarnut unamminartunik suliaqartussamik piginnaasaqarluartumik sullisserusuttumillu allaffimmi aqutsisussarsiorpugut. Allaffik tassaavoq immikkoortortaqarfik sisamanik sulisulik. Suliassat pingaarnerit tassaapput allaffiup Kalaallit Nunaanni aalisarnermik piniarnermillu KANUAANA-mi pisortat qanimut suleqatigalugit allaffiup misissuisarneranik, nakkutiginninneranik nakkutilliineranillu ataqatigiissaarineq.

Piginnaasat:

• Aalisarnermik piniarnermillu nakkutilliisutut ilinniarsimaneq iluaqutaassaaq
• Naleqquttumik ilinniarsimaneq aamma aalisarnermik piniarnermillu misilittagaqarneq
• Aqutsinermik naleqquttumik misilittagaqarneq iluaqutaassaaq
• Aalisarneq piniarnerlu pillugit inatsisinik nalunaarutinillu ilisimasaqarluarneq.
• KANUAANA-p suleriaasianik nalunaarsuivianillu ilisimasaqarneq iluaqutaassaaq
• Nammineerlutit sulisinnaassaatit aalajangiisinnaassuseqarlutillu, aamma pisut sukkasuumik ingerlagaangata
• Suliffimmik paaqqinnittuussaatit tamanillu takunnissinnaallutit
• Suleqatinik suleqatigisartakkanillu suleqateqarluarsinnaassaatit.
• Inerisimavutit, tamatigoortuullutit suliassallu ataatsikkoornerini sulisinnaallutit.
• Kalallisut danskisullu oqalussinnaassaatit allassinnaallutillu. Tuluit oqaasiinik atuisinnaalluarneq iluaqutaassaaq.

Suliassat:

• Sisimiuni nunap immikkoortuani allaffimmi aqutsineq, tassunga ilanngullugu ulluinnarni nakkutilliisarnermik pilersaarusiortarneq
• Nakkutilliisarnernik paasisitsiniiasarnerni KANUAANA-mi pisortat suleqatigalugit pilersaarusiortarneq
• Allaffissornermi suliassat, tassunga ilanngullugit atortunik aserfallatsaaliuinermik iluarsaanernillu akisussaaneq
• Sulisut naligalugit ulluinnarni piareersimasuusarneq
• APN-ip/KANUAANA-p nakkutilliineq unioqqutitsiffiusinnaasunillu misissueqqissaarnermi suleqatigiissitaliaanni assigiinngitsuni peqataasarneq
• IT-mik ineriartortitsineq il.il. pillugit tusarniaaffigineqartarneq
• Malittarisassanik inatsisinillu nutaanik tusarniaanerni suleqataaneq
• Najukkami kommunimi oqartussanut aamma aalisartut piniartullu kattuffiinut attaveqartarneq
• Aalisartunut, piniartunut kommunimilu siunnersortinut KANUAANA-mi pisortat suleqatigalugit paasititsiniaanernik aaqqissuisarneq

Piffissaq suliffik assigiinngiiaartuussaaq, piareersimasuunermullu pilersaarutit qaammatikkaarlugu siumut suliarineqartartut malillugit sulisoqartarpoq. Ulloq unnuarlu sapaatillu akunnerani ulluni tamani sulisarnissaq piareersimaffigissavat.

Illit pillutit

Aamma sullisserusussuseqarneq, ikiuukkusussuseqarneq ulluinnarnilu nuannaartuuneq pingaartippagut. Aaqqissuussamik sulisassaatit suliassanillu pitsaassuseqarluartunik piffissarlu eqqorlugu suliaqarsinnaassaatit nammassinnissinnaallutillu. Aamma pisariaqaraangat immikkut sulisarsinnaanissat pingaartipparput.

Kalaallit Nunaanni Aalisarsinnaanermut Akuersissutinik Nakkutilliisoqarfiup soqutiginnittut tamaasa inuttut tunuliaqutit apeqqutaatinnagit atorfimmut qinnuteqarnissaannik kaammattorpai.

Akissarsiat atorfeqarnermilu atugassaritinneqartut

Akissarsiatigut atorfeqarnermilu atugassaritinneqartut, tassunga ilanngullugit pequtinik atorfininnermi atorfeqarunnaarnermilu assartuineq, piffissami atorfiniffimmi Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissutit atuuttut naapertorlugit.

Ineqarneq

Atorfimmut sulisunut inissiamik inissaqartitsisoqarsinnaavoq. Qinnuteqartut Namminersorlutik Oqartussani atorfeqarnikkut sulisunut inissiami ineqareerpat sulisunut inissiaq pigineqaannassaaq. Sulisunut inissiaq atorfeqarnermut atavoq atorfeqarunnaarnermilu qimanneqassalluni.

Qinnuteqarnissamut piffissarititaq

Qinnuteqaativit, CV-ip, soraarummeernermut uppernarsaatit ilanngussaasinnaasullu allat Namminerosorlutik Oqartussat sulisussarsiortarfiani EMPLY-mi kingusinnerpaamik 12. maj 2024 nassiunnerisigut atorfik qinnuteqaatigissavat.

Atorfik pillugu apeqqutissaqaruit

Aalisarsinnaanermut akuersissutinut Nakkutilliinermut Pisortaq Gerth K. Kristiansen-imut mailikkut gekk@nanoq.gl imaluunniit oqarasuaatikkut nr. +299 34 53 52 attaveqarnissamut tikilluaqqusaavutit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk