Paasissutissat
Atorfik: Nassiussassanik ingerlatsisoq
Suliffeqarfik: Royal Arctic Line
Attaveqarfissaq: Umiiarnermut Pisortaq Nukaaka Berthelsen oqarasuaat 520823 imaluunniit e-mailikkut nufb@ral.gl
Ataqatigiissaarineq soqutigaajuk,
sullissinermilu kiffartuussinerup pitsaasuunissaanut
qulakkeerinneqataarusullutit? Taamaappat
illerpiaq Qaqortumi umiarsualivitsinni suleqatigilerusuppatsigit.
Uagut pilluta
Royal Arctic Linep
umiarsualiviani Qaqortumiittumi suleqatigilerutsigut suliffimmut
tunniusimasunik ullullu tamaasa sullitanik kiffartuussilluartunik
suleqateqalissaatit. Ilinniagaqarnikkut qaffasissumik inissisimavugut
suleqatigiinnerullu nuannersuunissaa pingaartitaraarput. Suliffeqarfitsinni
Royal Arctic Line-mi inuttut aammali sulisutut ajunngitsumik misiginissaq
pingaartitarivarput. Ikioqatigiittarpugut upperigatsigu ikioqatigiinneq
iluatsilluarnissamut aammali suliffimmi ineriartornissamut aqqutissaasoq.
Atorfik pillugu
Qaqortup umiarsualiviani aqutsisoqatigiinnut
ilaalissaatit taamaasillutillu suliffeqarfiup ataatsimoorussamik
kulturiata pitsaasumik atuutsinneqarnissaa suleqataaffigissavat. Minnerunngitsumik
sullitatsinnut umiarsualivimmillu atuisunut sullissinerup pitsaassusaata
qaffasissumiinnissaanik qulakkeerinneqataassaatit.
Suliassatit
ilaatigut tassaapput:
- Suliffimmi avatangiisit pitsaasuunissaannik qulakkeerinneqataaneq
- Nassiussassanik immikkoortortaqarfiup aammalu umiarsualiviup pitsaasumik suleqatigiinnissaannik qulakkeerinninneq
- Allaffimmi quersuarmilu suliassanik agguataarineq aqutsinerlu
- Nassiussat tigunerannut aammalu nassiunnerannut uppernarsaatit
- Nassiussat allagartaannik aammalu tigusinermut uppernarsaatinik qulakkeerinninneq
- Nassiussassanik ataqatigiissaarineq, aamma nunaqarfinnut nassiussassanik
Ilinnut naatsorsuutigisagut
- Kiffartuussilluarusuttuussaatit
- Suliassanik pingaarnersiuisinnaassaatit
- Namminersorsinnaasaatit namminerlu sulianik aallarniisinnaasallutit
- Naammagittarsinnaassaatit inoqatinullu pitsaasumik kiinnersinnaallutit
- IT-mik atuisinnaassaatit
- Biilersinnaanermut allagartaqassaatit (kørekorti)
- Kalaallisut oqalussinnaaguit iluaqutaassaaq
Neqeroorutigut
Pitsaasumik suliffeqarnissaq aammalu
ilikkagaqarnissaq pillugit suliffeqarfimmi umiarsualivimmilu ilorrisimaarluni
sulisinnaaneq aammalu ataatsimoorneq annertuumik pingaartitaraagut.
Suliffeqarfiup ingerlalluarnissaa kisiat soqutigisarinngilarput, aammali illit
ingerlalluarnissat piginnaasavillu ineriartortinnissaat soqutigisaraarput. Taakku saniatigut aningaasarsiat
ajunngitsorsiassallu illit misilittakkannut pisinnaasannullu naleqquttut
tunniussinnaavagut.
Paasissutissat
sukumiinerusut
Atorfik pillugu
paasisaqarnerorusukkuit umiarsualivimmi pisortaq Nukaaka Berthelsen
attavigisinnaavat 520833-imut sianerlutit imalt. mailikkut allallutit
nufb@ral.gl
Atorfininneq: piaartumik, qinnuteqartorli uatsinnut tulluartoq
utaqqisinnaavarput
Qinnuteqaatit: ingerlaavartumik suliarineqassapput
Oqaloqatiginninnerit: ingerlaavartumik ingerlanneqassapput
Atorfik una qinnuteqarfigiuk
