Sanarfinermut Avatangiisinullu Ingerlatsivik fuldmægtig

Sanarfinermut Avatangiisinullu Ingerlatsivik allaffimmi fuldmægtigimik kiffartuussinermik eqqarsariartaasilimmik pissarsiorpoq, Tamanik Sullissisarfimmi sulisut allat peqatigalugit, 1. august-i 2024 imaluunniit isumaqatigiissuteqarnikkut Tamanik Sullissisarfimmi suliassanik isumaginnissinnaasumik.

Allaffimmi tassani innuttaasunut qanimut attuumassuteqarlutit suliassanik assigiinngisitaartunik ullut suliffissat assigiinngitsut unammilligassallillu suliffigissavatit. Tamanik Sullissisarfimmi sulisut katillutik tallimaapput ataatsimik pisortaqarlutik, taamaattumik suleqatigiinnut amerlanngitsunut akuulissaatit imminnut qanimut suleqatigiittunut. Sulinitsinni pingaartitaraarput immitsinnut ataqqeqatigiinneq, tamatta akisussaaffimmik tigusisinnaanerput aamma ataatsimoorluta immikkoortortamik ingerlatsivimmillu ineriartortitsinnaanerput.

Tamanik Sullissisarfimmi suliassat makkua ilaatigut ingerlataraavut:

∙ Ingerlatsiviup suliassaqarfigisai pillugit innuttaasunut ilitsersuineq

∙ Ingerlatsivimmi sulisut, aammattaaq immikkoortortanut allanut kiffartuussineq

∙ Ingerlatsivimmi oqarasuaatikkut saaffiginninnerni akisarneq ingerlatitseqqinnerlu

∙ Tamanik Sullissisarfimmi sulianik nalunaarsuineq kiisalu uppernarsaataannik toqqorterineq

∙ Kommunip biiliutaannut (uppernarsaaneq innersuussinerlu) aningaasartuutinik kontonut inissitsiterineq

∙ Tamanik Sullissisarfimmi allaffissornikkut digitalimik nalunaarsuiffiit suleriaatsillu ineriartortitseqataaneq

∙ Allakkanik e-mailinillu tigooraaneq ingerlatitseeqqinnerlu

∙ Allakkanik isaasunik nassiussanillu nalunaarsuivimmik paarsineq ineriartortitsinerlu

∙ Errorsinermi kortinik tuniniaaneq/allaffissorneq

∙ Kommunip biiliutaanik nalunaarsuinermik nutarterineq

∙ Kommunip intranettiani aamma internettiani, taamatullu nittartakkami Sullissivimmi, Tamanik Sullissisarfiup quppernerinik paasissutissanik tigooraaneq nutarterinerlu

∙ Suliffimmik ilinniartunut attaveqaataaneq

∙ Ingerlatsivimmi sulisunut billitsinik/akunnittarfinnilu inissanik inniminniinerit

∙ Ingerlatsivimmi allaffissornikkut atortussanik inniminniinerit

∙ Ingerlatsivimmi ataatsimiinnernut atatillugu sassaalliuutissanik inniminniinerit

∙ Tamanik Sullissisarfiup toqqorsiviata digitalisererneqarnissaanut nukittorsaaqataaneq

∙ Suleriaatsit allaaserineqarnerannut peqataaneq

∙ Suliakkiussat tamalaat takkuttartut suliaralugit

Naatsorsuutigaarput illit:

∙ Kiffartuussinissamik eqqarsariartaaseqartuusutit ammasuullutillu

∙ Allaffimmiutut ilinniagaqartutit

∙ Kommunit aaqqissuussaanerannik ilisimasaqartutit

∙ Aaqqissuussanik digitaliusunik aamma suleriaatsinik ineriartortitseqataasinnaasutit

∙ Marluinnik oqaaseqartutit (kalaallisut/qallunaatut)

∙ Inussiarnertuusutit ilakkuminarlutillu

∙ Akaarinnittuusutit

∙ Pisariaqartillugu immikkut suliniuteqarnissaq akuersaarsinnaagit

Neqeroorutigaarput:

Atorfik unammillernartoq imarisaanik nammineq sunniuteqarnissamut periarfis-saqartoq, suliffeqarfimmilu ineriartortumi allanngoriartortumilu annertuumik namminerisamik akisussaaffeqarsinnaasoq. Atorfimmut suliffimmullu pitsaasumik sungiussititsinissaq pingaartipparput, suleqatigiilluartoqarnissaallu qulakkeerusullugu, aqutsisut qanimut suleqatiginerisigut aammalu aallartitsinissamut assigiinngitsunillu suliaqartarnissamut inissaqartitsisumik.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: stabchef Lars Borris Pedersen, oqarasuaat +299 347142 imaluunniit e-mail: lbpe@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 681-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 22.-at, 2024

Atorfik una qinnuteqarfigiuk