Royal Greenlandimi immikkoortortami nutaami PMO-mi aqutsisussarsiorpugut
Royal Greenlandip periusissiornermi suliniutaasa pitsaasumik atuutsilersinnissaat qulakkeerniarlugu PMO-mut pilersinneqaqqammersumut aqutsisussarsiorpugut.
PMO-mi aqutsisutut suliatsinni periusissiat tamakkiisumik isiginnittumik ingerlanneqarnissaat aqunneqarnissaallu akisussaaffigissavat. Periusissiornermi suliniutit killiffiinik piffissaq eqqorlugu pisortaqatigiinnut nalunaaruteqartarnerup saniatigut, najukkani assigiinngitsuni suliniutinut aqutsisunut siunnersortaallutit sulisassaatit.
Immikkoortortami PMO Analyst-imik suleqateqassaatit, taannalu illit nammineerlutit sulilersissinnaavat. Atorfik Royal Greenlandimi nutaajuvoq, taamaammat piffissap ingerlanerani ineriartortinneqarsinnaavoq, taamaattorli atorfiup pingaarnertut siunertaa tassaavoq periusissiornermi suliniutit piviusunngortinnissaat.
Niuernerup tungaatigut suliniutinik annertuunik misilittagalimmik, taamatuttaarlu PMO-mi aqutsisutut imaluunniit suleqataasutut misilittagaqarluartumik sulisussarsiorpugut. Misilittakkatit aallaavigalugit PMO iluatsilluassappat tamakkiisumik isiginnilluarsinnaanerup, ataqatigiissaarluakkamik malinnaasinnaanerup kiisalu suliniutinik aqutsisunut siunnersortaalluarsinnaanerup pingaaruteqassusaat ilisimalluarpat – taakkulu tamarmik siuariartornissamik angusaqarluarnissamillu siunertaqartumik isumagissavatit. Avatangiisini allanngorartuartuni sulineq nuannaraat, taamatuttaarlu suleqativit aaqqissuulluakkamik tunaartalimmillu sulinissaannut ikiorsinnaallugit.
Suliassatit ilaatigut makkuupput:
· Scope, suliniutinut nutaanut KPI-nik ersarissunik aallarnisaaneq ersarissaanerlu
· Aalajangiussassanik missingersuusiorneq kiisalu pisortaanernut killiffinnik nalunaaruteqarneq
· Suliniutinik ingerlaavartumik malitseqartitsineq
· Suliniutit siunertallu akimorlugit nalorninartumik paasiniaaneq
· Susassaqartut attuumassutillit tamarmik sullinneqarnerannik qulakkeerinninneq
· Pisariaqartillugu suliniutinut aqutsisunut tapersiineq siunnersortaanerlu
· PMO-analystimut aqutsisuuneq ineriartortitsinerlu
· Siunissaq ungasinnerusoq eqqarsaatigalugu PMO-mut siunertaanik ineriartornissaanillu qulakkeerinninneq
· Pisortaqatigiinnit suliakkiutigineqarsinnaasut allat isumagalugit
Ilinnut tunngasut
Takorloorparput universitetimi ilinniarnikuusutit, pingaarnertulli suliniutinik aqutsinerup tungaatigut ilinniagaqarsimasutit aammalu periusissiornermi suliniutinik aqutsinermik misilittagaqarluartutit.
Sulinermi atortut pingaarnerit tassaapput excel aamma powerpoint, matumanilu qaffasissumik misilittagaqarfiginissaat minnerunngitsumillu misissueqqissaarnernik ajornakusoortunik ajornartorsiutinillu ersarissumik paasinarsaallutit saqqummiussassaliorsinnaanissaq pingaaruteqarpoq.
Inuttut saamasuuvutit, anguniagaqallaqqissuuvutit piumaffiginnissinnaallutillu. Piumassuseqarluarlutillu suleqativit susassaqartullu peqatigilluarnerisigut ingerlalluarnerusinnaanerit ilisimalluarpat. Attaveqateqallaqqissuullutillu peqataatitsilernermik qiimmaataasunillu suliaqarnermik piginnaasaqarputit.
Minnerpaatut qaffasissumik tuluttoorsinnaavutit. Tamatuma saniatigut kalaallisut qallunaatullu oqalussinnaaguit iluaqutaassaaq.
Performance Management & Strategic Business Development Director qaninnertut qullersaralugulu pisortaanernut toqqaannartumik attaveqartassaatit.
Royal Greenlandip qullersaqarfiani Nuummiittumi imaluunniit Svenstrupimi allaffeqarfitsinni, Danmarkimi, Polenimi Gdansk-imi allaffeqarsinnaavutit. Annerusumik qarasaasiatigut sulisussaagavit angerlarsimaffimmi allaffimmilu qaninnerusumi paarlakaattumik sulisarsinnaavutit. Ukiumut ullut 15-20-it missaanni Kalaallit Nunaannut, Danmarkimut imaluunniit Royal Greenlandip nunani tamalaani immikkoortortaanut angalasarnissat naatsorsuutigissavat.
Neqeroorutigaarput
Kalaallit Nunaanni suliffeqarfiit annersaanni pingaarnersaannilu aqutsisoqatigiit nutaat pimoorussisullu peqatigalugit kiisalu pikkorissorpassuarnik suleqateqarlutit inuttullu suliatigullu ineriartoqqinnissamut periarfissaqarluarlutit soqutiginartumik unammillernartumillu suliffittaassaatit. Atorfiup imarisaanut sunniinissamut kiffaanngissuseqangaatsiassaatit.
Kalaallit Nunaanni najugaqassaguit pisariaqassappat suliffimmut atatillugu inissaqartitsisoqarsinnaavoq. Inissiamik attartornermut akiliutit Kalaallit Nunaanni sulisunut inissianut malittarisassat atuuttut malillugit akilerneqartassapput.
Atorfik pillugu paasisaqarnerorusukkuit Director Nicolai Rode Jørgensen oqarasuaammut uunga sianerlutit attavigisinnaavat: +45 41 88 26 65 imaluunniit mailerlutit: njor@royalgreenland.com
Imaluunniit suliffeqarfissuarmi sulisoqarnermut ingerlatsisoq Christian Laursen uunga sianerlutit attavigiuk: +299 48 44 75, chla@royalgreenland.com
Qinnuteqarfissaq kingulleq: 5. august 2024